SHFMU "Ganimete Tërbeshi" Ponoshec

Në shenjë nderimi dhe respekti për mësuesen tonë të dashur, Xhevahire Ukshini, sot në ambientet e shkollës sonë u mbajt një mbledhje komemorative.

Në këtë ditë të veçantë për arsimin dhe mësuesit, në vend që të festonim 7 Marsin – Ditën e Mësuesit, ne u mblodhëm për t’i dhënë lamtumirën e fundit një mësueseje të përkushtuar, e cila mbi 40 vite ia kushtoi arsimit dhe edukimit të brezave të tërë.

Me punën, përkushtimin dhe dashurinë e saj për dijen, ajo mbolli te nxënësit jo vetëm diturinë, por edhe dashurinë për atdheun dhe vlerat njerëzore. Kontributi i saj do të mbetet i paharruar në kujtesën e kolegëve, nxënësve dhe gjithë komunitetit.

Mbledhja u përcoll me emocione të thella, me lot dhe me shumë kujtime të ndara nga të pranishmit, të cilët vlerësuan lart jetën dhe veprën e saj të çmuar në shërbim të arsimit.

Në këto momente dhimbjeje, i shprehim ngushëllimet tona më të sinqerta familjes, të afërmve, kolegëve dhe të gjithë atyre që patën fatin ta njohin dhe të mësojnë prej saj.

Kujtimi dhe vepra e saj do të jetojnë gjithmonë në zemrat tona.

Me dhimbje të thellë ju njoftojmë se është ndarë nga jeta ish mësimdhënësja jonë e respektuar, Xhevahire Ukshini.

Ajo i kushtoi mbi 40 vite arsimit me përkushtim, përgjegjësi dhe dashuri për nxënësit, duke ndikuar në edukimin dhe formimin e shumë brezave.
Largimi i saj është një humbje e madhe për familjen, kolegët dhe gjithë ata që patën fatin ta njohin e të punojnë me të.
Kujtimi dhe kontributi i saj në arsim do të mbeten gjithmonë të çmuara.

Nesër, më 07.03.2026, në ora 10:00, në shkollë do të mbahet mbledhje komemorative në nderim të jetës dhe veprës së saj.

Varrimi bëhet më 07.03.2026, në ora 14:00, në fshatin Morinë.

Ngushëllime të sinqerta familjes, të afërmve dhe të gjithë atyre që ndajnë këtë dhimbje.

Sot në shkollën tonë u mbajt mbledhje komemorative në nderim të jetës dhe veprës së mësuesit Ibër Sadrija.

Të pranishmit folën me respekt dhe mirënjohje, duke ndarë kujtime të çmuara dhe duke vlerësuar kontributin e tij të madh për shkollën dhe komunitetin tonë.

Me pikëllim të thellë njoftojmë se është ndarë nga jeta mësimdhënësi ynë i nderuar, Ibër Sadrija.

Për 44 vite me radhë ai i shërbeu arsimit me përkushtim, ndershmëri dhe dashuri për dijen, duke lënë gjurmë të pashlyeshme në formimin e shumë brezave. Humbja e tij është e madhe, por kujtimi dhe vepra e tij do të jetojnë përherë në zemrat tona.

Nesër, më 04.03.2026, në ora 10:00, në shkollë do të mbahet mbledhje komemorative.

Varrimi bëhet më 04.03.2026, në ora 14:00, në fshatin Brovinë.

Ngushëllime të sinqerta familjes.

Në shkollën tonë u mbajt një aktivitet sportiv me rastin e Festës së Pavarësisë.
Me këtë rast, arsimtari Veton Sadiku organizoi gara sportive në pingpong, të cilat u zhvilluan brenda ambienteve të shkollës.
Nxënësit u përfshinë me shumë entuziazëm në lojëra sportive, duke u argëtuar dhe duke treguar frymë gare e bashkëpunimi.
Në përfundim të aktivitetit, u ndanë mirënjohje për nxënësit fitues, si vlerësim për angazhimin dhe suksesin e tyre.

Në shkollën tonë u mbajt një takim
shumë interesant me fotografin dhe adhuruesin e kafshëve të egra, ku
nxenësit patën mundesine të shohin
foto dhe video të rralla të kapura nga vetë ai. Gjatë bashkëbisedimit u fol
per jetën e kafshëve të egra,
rëndesinë e mbrojtjes së natyrës,
kujdesin që ato kërkojnë, si dhe
dashurine ndaj tyre pa i rrezikuar.

Kjo orë u zhvillua pas përfundimit të
mësimit të rregullt, ndërsa nxënësit
morën pjesë vullnetarisht.

Falënderojmë sinqerisht fotografin
Blerim Gjoci dhe fotografin Shkelxen Rexha për ketë atmosferë të veçantë
dhe kontributin e tyre edukativ.

Aktivitet në kuadër të Muajit Rozë 🎀

Nxënësit e klasave VI, VII, VIII dhe IX, nën udhëheqjen e mësueses Zylfie Osmani, zhvilluan një aktivitet ndërgjegjësues për shënimin e Muajit Rozë – muajit të luftës kundër kancerit të gjirit.

Gjatë aktivitetit, nxënësit prezantuan postera me mesazhe motivuese, duke përçuar frymën e solidaritetit dhe kujdesit për shëndetin.
Me këtë aktivitet, shkolla jonë përcolli mesazhin se kujdesi, dashuria dhe ndërgjegjësimi shpëtojnë jetë.

Lënda: Biologji
Klasa -VI-
Njësia mësimore: Bimët – Farëzhveshurat dhe Farëveshurat
Arsimtarja: Zylfie Osmani