SHFMU Dëshmorët e Hereçit

31/08/2026

📚 URIME FILLIMIN E VITIT TË RI SHKOLLOR 2026/27!

Me rastin e fillimit të vitit të ri shkollor, urojmë të gjithë nxënësit, mësimdhënësit dhe prindërit për një vit të mbarë, me shëndet, përkushtim, dije dhe shumë suksese! ✨

Qoftë ky fillim i një rrugëtimi të bukur, plot mësime të reja, miqësi, buzëqeshje dhe arritje të mëdha. 📖💙

Me dije, përkushtim dhe besim, çdo ëndërr mund të bëhet realitet!

Suksese të gjithëve! 📚✨🏫

16/06/2026

Sot në shkollën tonë u organizua turniri i futbollit ndërmjet paraleleve. Aktiviteti u organizua nga mësimdhënësit e Edukatës Fizike, Gentiana Gashi dhe Egzon Nezaj.
Falënderojmë të gjithë nxënësit për pjesëmarrjen, korrektësinë dhe sjelljen e mirë sportive gjatë gjithë turnirit. Urime ekipit fitues dhe suksese të gjithëve në aktivitetet e ardhshme sportive!

23/04/2026

Sot në SHFMU "Dëshmorët e Hereçit " në Hereç u mbajt festa e shkollës "Dëshmorët e Hereçit " që është një ditë e veqantë që kujton rënien e Dëshmorëve të Hereçit të cilët me 23 prill 1998 u bënë gur në themelet e shtetit të Kosovës .

Të pranishëm në këtë manifestim ishin familjar dhe miq të dëshmorëve të Hereçit fshatit që ka dhënë 20 dëshmor dhe 15 martir për lirinë e Kosovës .

Na nderuan me pjesmarrje Institucionet komunale konkretisht Drejtoria e Arsimit e përfaqësuar nga Drejtori Hysen Brahimaj .

Nxënësit përgatitën një program festiv me këngë dhe valle ku u rikujtua sakrifica dhe heroizmi i Dëshmorëve të Hereçit .

Poashtu me mirënjohje u nderuan të mbijetuarit e pritës së 23 Prillit 1998 ku u vlerësua edhe kontributi i tyre në këtë histori lufte dhe mbijetese .

Ata janë krenaria e shkollës sonë ,ranë me mbet Kosova .

22/04/2026

Sot në ditën e Tokës shkolla "Dëshmorët e Hereçit " mori disa aksione që kanë të bëjnë me shënimin e kësaj dite të veqantë ,kështu së bashku me nxënës u mbjellën fidane të dhuruara nga Drejtoria e Arsimit të cilat e zbukuruan ambientin e shkollës .
Duke qenë se jemi në prag të festës së shkollës dhe kujtimit për Dëshmorët e Hereçit poashtu së bashku me nxënës në një aksion simbolik është bërë pastrimi deri tek memoriali i Dëshmorëve .

Dita është përmbyllur me ligjëratë mbi rëndësinë e ditës së Tokës në ruajtje të ambientit kudo që jemi si shoqëri .

22/04/2026

09/04/2026

Në prag të përvjetorit të rënies së Dëshmorëve të Hereçit dhe festës së shkollës që me krenari mban këtë emër të rinjet e fshatit Hereç me aksion vullnetar kanë ndërruar panon e shkollës duke vendosur një pano të re që simbolizon sakrificën dhe vlerat e dëshmorëve të fshatit që nderojnë shkollën tonë .

Drejtori dhe mësimdhënësit falënderojnë të rinjët e fshatit pëŕ këtë kontribut domethënës .

13/03/2026

Sot, në ambientet e shkollës tonë u festua dita e numrit π (Pi), e njohur ndryshe si Dita Ndërkombëtare e Matematikës.

Ekspozita e përgatitur nga nxënësit së bashku me arsimtarët e matematikës tregon se matematika nuk është vetëm numra dhe formula, por edhe kreativitet, logjikë dhe imagjinatë.

17/02/2026

Në këtë ditë të shënuar të 18 vjetorit të shpalljes së Pavarësisë së Kosovës SHFMU "Dëshmorët e Hereçit " uron nxënësit ,mësimdhënësit dhe prindërit me rastin e kësaj feste të madhe të shtetit tonë .

Gjaku dhe sakrifica edhe e dëshmorëve të Hereçit janë udhërrëfyese për ne dhe gjeneratat e reja .

Të gëzojmë së bashku këtë ditë të madhe feste .

05/12/2025

Në kuadër të 3 Dhjetorit – Ditës Ndërkombëtare të Personave me Aftësi të Kufizuara, me psikologen Xufe Sadiku-Fetahaj, nxënësit tanë nga cikli i ulët dhe ai i lartë u bashkuan në një aktivitet të veçantë për të shprehur mbështetjen, dashurinë dhe respektin ndaj fëmijëve me nevoja të veçanta. ✨

Nëpërmjet mesazheve të shkruara me dorë, fëmijët ndanë mendime të sinqerta që përcjellin empati, mirëkuptim dhe solidaritet. 📝❤️

Ky aktivitet jo vetëm që i afron nxënësit me njëri-tjetrin, por edhe i mëson ata vlerën e pranimit dhe mirësisë.

🤗 Le të vazhdojmë të ndërtojmë një mjedis ku çdo fëmijë ndihet i përfshirë, i respektuar dhe i vlerësuar!

27/11/2025

Sot në SHFMU "Dëshmorët e Hereçit " u organizua program festiv për nder të 28 Nëntorit festës së flamurit.
Nxënësit u paraqitën me pika të ndryshme muzikore ku u kujtua lufta, historia dhe pavarësia kombëtare.
Kjo datë e shënuar na kujton sakrificën dhe kujtesën historike në formimin e identitetit tonë kombëtar.