SHFMU "Zejnel Salihu''

SHFMU "Zejnel Salihu'' Institucion edukativo-arsimor

FALËNDERIM PËR KONTRIBUTINDrejtoria e Shkollës shpreh falënderimin dhe mirënjohjen e sinqertë për të gjithë ata që kontr...
14/09/2026

FALËNDERIM PËR KONTRIBUTIN

Drejtoria e Shkollës shpreh falënderimin dhe mirënjohjen e sinqertë për të gjithë ata që kontribuan me mjete financiare për pagesën e mjeshtrit që bëri montimin dhe vendosjen e klimave në shkollën tonë në Bardh. 🏫❄️

Tashmë çdo klasë në shkollën tonë është e pajisur me klimë, duke krijuar kushte më të mira dhe më të përshtatshme për nxënësit dhe stafin e shkollës. 🌡️🤝

Një falënderim i veçantë u shkon edhe dy imamëve tanë, z. Fitim Gërguri dhe z. Bashkim Berisha, për organizimin dhe angazhimin e tyre në grumbullimin e mjeteve financiare për pagesën e punëtorit që realizoi montimin e klimave. 👏

Ky kontribut është një dëshmi e mirë e bashkëpunimit dhe përkushtimit të përbashkët për krijimin e kushteve sa më të mira për nxënësit tanë. ❤️

🙏 Faleminderit të gjithë kontribuuesve për bujarinë dhe mbështetjen e tyre!

Me respekt,
Drejtoria e Shkollës

📚✨ NJOFTIM PËR FILLIMIN E VITIT TË RI SHKOLLOR 2026/2027 ✨📚Të dashur nxënës, prindër dhe mësimdhënës,Ju njoftojmë se vit...
31/08/2026

📚✨ NJOFTIM PËR FILLIMIN E VITIT TË RI SHKOLLOR 2026/2027 ✨📚

Të dashur nxënës, prindër dhe mësimdhënës,

Ju njoftojmë se viti i ri shkollor 2026/2027 fillon të martën, më 1 shtator 2026. 🎒📖

🏫 Procesi mësimor në Bardh të Madh do të zhvillohet në një ndërrim, duke filluar nga ora 08:30.

🏫 Në paralelen e ndarë fizike në Pomozotin, procesi mësimor do të zhvillohet në dy ndërrime:

🌞 Ndërrimi i paraditës: 08:00
🌆 Ndërrimi i pasdites: 13:15

🌟 Me rastin e fillimit të vitit të ri shkollor, Drejtoria dhe stafi i SHFMU “Zejnel Salihu” ju urojnë një vit të mbarë, të suksesshëm dhe plot arritje!

🎓 Suksese të gjithë nxënësve dhe mirë se vini në një vit të ri të dijes, punës dhe miqësisë! 💙📚

🏫📚 VIZITË E DREJTORIT TË ARSIMIT Z. SABRI XHIGOLI NË SHKOLLËN TONËSot, shkollën tonë e nderoi me vizitën e tij Drejtori ...
28/08/2026

🏫📚 VIZITË E DREJTORIT TË ARSIMIT Z. SABRI XHIGOLI NË SHKOLLËN TONË

Sot, shkollën tonë e nderoi me vizitën e tij Drejtori i Arsimit në Komunën tonë, z. Sabri Xhigoli.

Gjatë vizitës, z. Xhigoli u prit nga Drejtori i shkollës, z. Salih Jashanica, së bashku me stafin e shkollës. Me këtë rast, ai u njoftua nga afër me përgatitjet e bëra për fillimin e vitit të ri shkollor 2026/2027, si dhe me punën dhe angazhimin e vazhdueshëm të shkollës në përgatitjen e një fillimi sa më të mbarë të procesit edukativo-arsimor.

📝 Gjatë takimit u diskutua edhe për nevojat, kërkesat dhe sfidat me të cilat përballet shkolla jonë. Drejtori i Arsimit, z. Sabri Xhigoli, shprehu gatishmërinë dhe përkushtimin e tij për t'u angazhuar që nevojat e shkollës të trajtohen dhe të realizohen në vazhdimësi, në mënyrë që të krijohen kushte sa më të mira për nxënësit dhe stafin e shkollës.

🤝 Në këtë takim u vlerësua rëndësia e bashkëpunimit të mirë ndërmjet Drejtorisë së Arsimit dhe shkollës, si një faktor i rëndësishëm për avancimin e cilësisë në arsim dhe për përmirësimin e vazhdueshëm të kushteve të punës dhe mësimit.

👏 Në përfundim të vizitës, Drejtori i Arsimit, z. Sabri Xhigoli, përgëzoi Drejtorin e shkollës, z. Salih Jashanica, si dhe të gjithë stafin e shkollës, për punën, përkushtimin dhe angazhimin e treguar në funksion të mbarëvajtjes së procesit edukativo-arsimor dhe të mirëqenies së nxënësve.

🌟 Faleminderit z. Sabri Xhigoli për vizitën, mbështetjen dhe gatishmërinë për bashkëpunim!

🏫 Së bashku për një fillim të mbarë dhe një vit shkollor të suksesshëm 2026/2027!

Me respekt,
Drejtoria e Shkollës

📢 # NJOFTIM📚 Bashkëngjitur gjeni katalogun e teksteve shkollore, së bashku me çmimet e miratuara sot, më 27 gusht 2026,...
27/08/2026

📢 # NJOFTIM

📚 Bashkëngjitur gjeni katalogun e teksteve shkollore, së bashku me çmimet e miratuara sot, më 27 gusht 2026, nga Ministria e Arsimit dhe Shkencës.

📎 Katalogu i teksteve shkollore është bashkëngjitur këtij njoftimi.

🤝 Ju falënderojmë për mirëkuptimin dhe bashkëpunimin tuaj.

🙏 Me respekt,
🏫 Drejtoria e Shkollës

Kalendari zyrtar për vitin shkollor 2026/2027 i publikuar nga (MASH)!
25/08/2026

Kalendari zyrtar për vitin shkollor 2026/2027 i publikuar nga (MASH)!

Informatë nga drejtoria e SHFMU"Zejnel Salihu"Me rastin e përgaditjeve për fillimin e vitit të ri shkollor2026/2027, njo...
17/08/2026

Informatë nga drejtoria e SHFMU"Zejnel Salihu"

Me rastin e përgaditjeve për fillimin e vitit të ri shkollor2026/2027, njoftojmë të gjithë prindërit dhe nxënësit me katalogun e librave me të cilat do të punojmë në këtë vit shkollor. Listat e librave për secilën klasë mund ti gjeni në tabelat e mëposhtme.

Shkolla jonë ka përfituar donacion prej 15 klimash Hisense 12,000 BTU nga GNTC Fondi Humanitar.Ky donacion u bë i mundur...
07/08/2026

Shkolla jonë ka përfituar donacion prej 15 klimash Hisense 12,000 BTU nga GNTC Fondi Humanitar.

Ky donacion u bë i mundur falë përkrahjes së kryetarit të Komunës, z. Valon Prebreza, si dhe Drejtorisë Komunale të Arsimit.

Një falënderim i veçantë i shkon drejtorit të shkollës sonë, z. Salih Jashanica, për punën, angazhimin dhe përkushtimin e tij të vazhdueshëm në realizimin e këtij donacioni. Gjithashtu, falënderojmë edhe sekretarin e shkollës, z. Driton Hasolli, për angazhimin dhe kontributin e dhënë gjatë këtij procesi.

Ky investim do të përmirësojë ndjeshëm kushtet e mësimdhënies dhe do të krijojë një ambient më të rehatshëm dhe më të përshtatshëm për nxënësit dhe stafin e shkollës.

Falënderojmë sinqerisht të gjithë ata që kontribuan në realizimin e këtij donacioni, duke dëshmuar përkushtim ndaj përmirësimit të kushteve në shkollën tonë.

Hapet aplikimi për subvencionimin e teksteve dhe materialeve shkolloreNga sot, më 27 korrik, hapet aplikimi për subvenci...
27/07/2026

Hapet aplikimi për subvencionimin e teksteve dhe materialeve shkollore
Nga sot, më 27 korrik, hapet aplikimi për subvencionimin e teksteve dhe materialeve shkollore për nxënësit e arsimit fillor të ulët dhe të mesëm të ulët (klasat 1–9).
Ministria e Arsimit dhe Shkencës njofton të gjithë prindërit dhe kujdestarët se aplikimi do të realizohet përmes platformës eKosova dhe do të jetë i hapur për një periudhë prej dy javësh: 27 korrik – 9 gusht 2026.
Subvencionimi përfshin blerjen e teksteve dhe materialeve shkollore për nxënësit e arsimit fillor të ulët dhe të mesëm të ulët (klasat 1–9).
Mjetet financiare do të transferohen drejtpërdrejt në xhirollogarinë bankare të prindit/aplikuesit.
Para se të aplikoni, ju lutemi sigurohuni që:
– xhirollogaria juaj bankare është aktive dhe e saktë;
– të dhënat tuaja në eKosova janë të përditësuara.
Aplikimi do t’u mundësohet edhe shtetasve të huaj me leje qëndrimi të përkohshme ose të përhershme në Republikën e Kosovës, fëmijët e të cilëve vijojnë mësimin në institucionet arsimore të Republikës së Kosovës.
Për shtetasit e huaj që ende nuk posedojnë leje qëndrimi, por kanë fëmijë të regjistruar në shkolla të Republikës së Kosovës, MASH do t’ia dorëzojë ASHI-së listën e këtyre rasteve me qëllim të krijimit të qasjes në eKosova për aplikim.
Dokumentet për këtë kategori do të dorëzohen me email në adresën: [email protected]
Linku për aplikim:
1. https://rks-gov.net/469 – APLIKIM – (Klasat 1 deri 5)
2. https://rks-gov.net/471 – APLIKIM – (Klasat 6 deri 9)
Shënim i rëndësishëm: Në përputhje me Udhëzimin Administrativ të MASH-it nr. 13/2016 për pajisjen e nxënësve me tekste shkollore, përdorimin dhe ruajtjen e tyre, nxënësit dhe prindërit janë përgjegjës për ruajtjen e teksteve shkollore. Në përfundim të vitit mësimor, tekstet duhet të kthehen në shkollë në gjendje të rregullt.
Në rast se tekstet dëmtohen me dashje, nga pakujdesia ose humbin, prindi është i obliguar t’i zëvendësojë ose t’i kompensojë ato. Dorëzimi i teksteve bëhet te kujdestari i klasës në fund të vitit mësimor.
Të gjitha aplikimet do të verifikohen nga shkollat përkatëse përmes koordinatorëve të autorizuar.

🤖 Një tjetër sukses për shkollën tonë në fushën e robotikës!Dje u mbajt Super Finalja e edicionit të tetë të Garës së Ro...
13/07/2026

🤖 Një tjetër sukses për shkollën tonë në fushën e robotikës!

Dje u mbajt Super Finalja e edicionit të tetë të Garës së Robotikës "Kosova Makers League Open (KML Open) 2025/2026", ku morën pjesë 285 ekipe nga mbarë Kosova.

Jemi krenarë që ekipi i shkollës sonë u kualifikua në Super Finale dhe arriti të renditet në vendin e shtatë në nivel vendi, një rezultat që dëshmon përkushtimin, punën dhe aftësitë e nxënësve tanë.

Edhe pse pritshmëritë tona ishin edhe më të larta, duke pasur parasysh përgatitjen dhe performancën e ekipit gjatë gjithë garës, mendojmë se rezultati përfundimtar nuk pasqyroi plotësisht potencialin e ekipit tonë. Gjatë finales pati disa elemente që, sipas vlerësimit tonë, ndikuan në drejtësinë e garës. Megjithatë, ne zgjedhim të fokusohemi te puna, përvoja e fituar dhe suksesi i arritur.

Ekipi ynë përfaqësoi shkollën me dinjitet dhe tregoi se ka potencial të madh për të ardhmen. Jemi të bindur se ky është vetëm fillimi i shumë sukseseve të tjera.

Ekipi u udhëhoq me përkushtim nga arsimtarja Shkurte Hoxha, ndërsa përbërja e ekipit ishte:

Adnit Hasolli
Aksa Simnica
Erdi Krasniqi
Lorita Gashi

Shprehim mirënjohjen tonë për organizatorët e garës Kosova Makers League Open, si dhe për të gjithë ata që mbështesin zhvillimin e robotikës dhe edukimit STEM në Kosovë.

👏 Urime ekipit tonë për këtë arritje të jashtëzakonshme! Ju na bëtë krenarë dhe na dëshmuat se me punë, përkushtim dhe bashkëpunim mund të arrihen rezultate të mëdha. Suksese edhe në sfidat e ardhshme! 🚀🤖🏆

Në një ceremoni lamtumirëse plot emocione, nxënësit e klasave V/1 dhe V/2, me një program të larmishëm artistik, shënuan...
19/06/2026

Në një ceremoni lamtumirëse plot emocione, nxënësit e klasave V/1 dhe V/2, me një program të larmishëm artistik, shënuan përfundimin e suksesshëm të klasave të pesta. Përmes recitimeve, këngëve dhe performancave të ndryshme, ata shprehën mirënjohjen dhe respektin për mësueset e tyre të para, duke krijuar momente të paharrueshme për të gjithë të pranishmit. Ceremonia u shoqërua me emocione, buzëqeshje dhe kujtime të bukura nga vitet e para të shkollimit. Po ashtu, mësueset V. Maxhera dhe A. Misini u ndanë mirënjohje nxënësve të tyre për angazhimin, sukseset dhe bashkëpunimin e treguar gjatë këtyre viteve. Në fjalën e tyre, ato falënderuan edhe prindërit për bashkëpunimin e vazhdueshëm, mbështetjen dhe besimin e dhënë gjatë gjithë rrugëtimit pesëvjeçar, duke theksuar se suksesi i nxënësve është rezultat i përkushtimit të përbashkët të shkollës dhe familjes.

Address

Bardh I Madh
Fushë Kosovë
12060

Website

Alerts

Be the first to know and let us send you an email when SHFMU "Zejnel Salihu'' posts news and promotions. Your email address will not be used for any other purpose, and you can unsubscribe at any time.

Shortcuts

Share

Category