Xhamia e Re - Fushë Kosovë

✨ Fitorja më e bukur nuk është mbi të tjerët… por mbi vetveten!

Ramazani na mësoi durimin, përkushtimin dhe afërsinë me Allahun.
Bajrami është shpërblimi i kësaj fitoreje të brendshme.

Në këtë Fitër Bajram, le të kujtojmë kuptimin e vërtetë të Ramazanit: pastrim i shpirtit, afrim me Allahun dhe forcim i vlerave tona si besimtarë.

🎙️ Dua të ndajmë me ju një diskutim mjaft frytdhënës të cilin e ka realizuar më parë imami ynë Sead Kelmendi në emisionin :“DUKAT” – Radio Dukagjini, ku flet për rëndësinë shpirtërore të këtij muaji të bekuar dhe mesazhin që Bajrami sjell për paqe, falje dhe mirëkuptim.

🌙 Urime Fitër Bajrami!
Allahu na i pranoftë agjërimet, na pastroftë zemrat dhe na bëftë prej të shpëtuarve.

🤍 Bajrami le të sjellë paqe, dashuri dhe mirësi në çdo familje.

🔔 Për të ndjekur më shumë ligjërata dhe mesazhe islame ju ftojmë që të abonohuni në kanalin zyrtar të hoxhës Sead Kelmendi:

👇
https://m.youtube.com/

Fitorja më e bukur: fitore mbi vetveten! – Urime Bajrami! Ky nuk është vetëm Bajram… është një mesazh që çdo zemër duhet ta dëgjojë! Në këtë intervistë të veçantë në emisionin “DUKAT” në Radio Dukagjini, trajtohet n...

✨ GATI PËR FITËR BAJRAM! 🕌🌙

Në prag të kësaj feste madhështore, Xhamia e Re në Fushë Kosovë po pret besimtarët e saj me një pamje të bukur dhe të pastër, gati për ditën e gëzimit! 🤍

🔹 U realizua pastrimi i xhamave nga kompania SEMI-CLEAN – faleminderit për përkushtimin dhe profesionalizmin!
🔹 U vendos billboard-i festiv nga VT-3 SHPK – mirënjohje për kontributin tuaj!

Me këtë rast, ju urojmë nga zemra:

🌙 Gëzuar Fitër Bajramin!
Allahu ua pranoftë agjërimin, lutjet dhe çdo vepër të mirë të Ramazanit.

🤲 Paqe, shëndet, harmoni dhe begati në familjet tuaja!

📍 Na vizitoni dhe ndajeni këtë gëzim së bashku!

Të nderuar besimtarë,

Ju njoftojmë se nesër është dita e parë e Fitër Bajramit, festë e madhe për të gjithë besimtarët myslimanë.

Me këtë rast, stafi i Xhamisë së Re në Fushë Kosovë ua uron përzemërsisht këtë festë të bekuar, duke ju dëshiruar paqe, shëndet, harmoni dhe begati në familjet tuaja. Allahu i Madhëruar ua pranoftë agjërimin, lutjet dhe të gjitha veprat e mira të muajit të Ramazanit.

📌 Orari i namazeve për ditën e Bajramit:
• Namazi i sabahut: 05:03
• Namazi i Fitër Bajramit: 06:18
+ Namazi i xhumasë në ora 12:00

Lusim Allahun që kjo festë të sjellë gëzim në zemrat tona dhe bashkim në familjet dhe shoqërinë tonë.

Gëzuar Fitër Bajramin!

🎙️ HISTORI NGA RAMAZANI…

Një e premte si kjo, më 28 mars 2025, ishim të ftuar në emisionin “Destinim” në Radio Prishtina, së bashku me moderatoren Zejnepe B. Bekteshi.

Diskutuam për disa nga temat më të bukura të Ramazanit:
✨ Agjërimin
🤲 Sadakanë
🤝 Forcimin e lidhjeve mes njerëzve

Por për shkak të disa problemeve teknike, emisioni i plotë nuk pati mundësi të transmetohej në atë kohë.

📌 Prandaj sot, në netët e fundit të bekuara të Ramazanit, po ju sjellim mesazhet kryesore nga ai emision.

🔵 Çfarë është sadakaja dhe pse ka një rëndësi kaq të madhe në Islam?
⚪️ A shumëfishohet shpërblimi i saj gjatë Ramazanit?

🎧 Hoxhë Sead Kelmendi ndan përgjigjet dhe përcjell tek ju mesazhet dhe këshillat e tij në këtë pjesë të emisionit.

📌 Dëgjojeni mesazhin dhe mos harroni: një sadaka e vogël mund të bëhet shpëtim i madh tek Allahu.

🔔 Për të ndjekur më shumë ligjërata dhe mesazhe islame ju ftojmë që të abonohuni në kanalin zyrtar të hoxhës Sead Kelmendi:

👇
https://m.youtube.com/

💰 Sadakaja në Ramazan! – ⚪️ Pse shpërblimi shumëfishohet? -Hoxhë Sead Kelmendi Diskutim mbi muajin e bekuar të Ramazanit dhe sadakanë në RADIO PRISHTINA.Emisioni:"DESTINIM".Tema: "Mirësitë e Ramazanit,rëndësia e sadakasë dhe forcimi shp...

🔥 KUR’ANI NUK ËSHTË VETËM PËR TU LEXUAR – AI DUHET TË BËHET PROGRAM I JETËS SONË!

Një nga përjetimet më të bukura dhe momentet e paharruara që po na dhuron Ramazani është edhe atmosfera e veçantë shpirtërore në xhaminë tonë, ku besimtarët po freskohen vazhdimisht me këshilla dhe ligjërata të dobishme nga mysafirë të ndryshëm.

Kësaj radhe, në Xhaminë e Re të Fushë Kosovës, besimtarët patën kënaqësinë të dëgjojnë një ligjëratë shumë domethënëse nga Profesori i medresesë së mesme “ALAUDDIN” Mr.Muharrem efendi Tërnava, i cili ndau mesazhe të vlefshme dhe reflektime të thella për jetën dhe besimin.

🤲 Atmosfera shpirtërore, këshillat e dobishme dhe bashkimi i besimtarëve po e bëjnë këtë Ramazan edhe më të bukur dhe më të paharruar.

Mesazhi kryesor i ligjëratës ishte i qartë:
Kurani nuk është shpallur vetëm që ta lexojmë gjatë Ramadan, por që ta jetojmë çdo ditë të jetës sonë.

📖 Ramazani është muaji i Kur’anit, por qëllimi nuk është vetëm leximi i tij. Qëllimi është që mesazhet e tij të futen në karakterin tonë dhe të na udhëheqin gjatë gjithë jetës.

Një nga reflektimet më të fuqishme të ligjëratës ishte:

➡️ Kur dikush e prek fizikisht Kur’anin, ne reagojmë menjëherë.
Por kur preken dhe shkelen mësimet e tij, shpesh heshtim.

Kjo fjalë preku thellë zemrat e besimtarëve dhe krijoi një emocion të veçantë në xhami.

Ngjarjet e mëdha që ndodhën në Ramazan në historinë islame nuk erdhën vetëm nga lutjet, por edhe nga përkushtimi, puna dhe sakrifica për ideale të mëdha.

✨ Prandaj, Kur’ani nuk është vetëm një libër që lexohet, por një dritë që udhëzon mendjen dhe zemrën. Ai është dialog i përhershëm mes Krijuesit dhe njeriut. Sa më shumë që reflektojmë mbi të, aq më shumë kuptojmë se Kur’ani nuk është vetëm për t’u recituar – por për t’u jetuar.

🤲 Lusim Allahun që këto ligjërata dhe këto mesazhe të vazhdojnë të na udhëzojnë edhe në të ardhmen.

🕌 XHAMIA E RE NË FUSHË KOSOVË MBUSHET PLOT NË TERAVI –
ATMOSFERË E JASHTËZAKONSHME RAMAZANI ! ✨

Mesazh i fuqishëm nga kryetari i Këshillit të Prishtinës! 📿

Në atmosferën e bekuar të muajit të Ramazan, kryetari i Këshillit të Bashkësisë Islame të Prishtinës, Hoxhë Hetem efendi Sopjani,qëndroi për vizitë në Fushë Kosovë dhe mori pjesë në namazin e Teravive në Xhaminë e Re në Fushë Kosovë.

Para fillimit të namazit, ai mbajti një ligjëratë para një audience të gjerë të xhematit, ku ndau mesazhe frymëzuese për forcimin e besimit, unitetit dhe solidaritetit gjatë muajit të Ramazan.

Respekt, vëllazëri dhe përkushtim – kështu u karakterizua mbrëmja në xhami, ku imami dhe xhemati e mirëpritën me shumë dashamirësi këtë vizitë..

Këto vizita realizohen për të forcuar lidhjen me xhematin dhe për të përcjellë mesazhet e Ramazanit në frymë bashkëpunimi dhe mirëkuptimi.

✨ Ramazani vazhdon t’i mbushë xhamitë dhe zemrat e besimtarëve me besim, shpresë dhe vëllazëri. 🤲

03.03.2026.

🌙 ÇDO MINUTË E RAMAZANIT ËSHTË THESAR!

Ligjëratë shumë frymëzuese në Xhaminë e Re në Fushë Kosovë.

Në vazhdën e aktiviteteve të muajit të bekuar të Ramazanit, në ambientet e Xhamisë së Re në Fushë Kosovë patëm kënaqësinë të mirëpresim mysafirin e radhës, edukatorin e Medresesë Dr. Selatin efendi Mehanin.

Në ligjëratën e tij frymëzuese, profesori përmendi hadithe të rëndësishme që flasin për vlerën e madhe të Ramazanit, duke theksuar se ky muaj është një mundësi e artë për çdo besimtar. Çdo minutë, çdo orë dhe çdo çast i tij është një rast për të fituar mëshirë, falje dhe shpërblim nga Allahu.

I lumtur është ai që e arrin Ramazanin, por më i fituari është ai që e shfrytëzon atë me adhurim, vepra të mira dhe përkushtim ndaj Allahut.

Ligjërata u ndoq nga një numër i madh i xhematit, të cilët u ndanë të kënaqur dhe të frymëzuar nga mesazhet e dobishme të mysafirit tonë të nderuar.

🤲 Lusim Allahun që këto takime të dobishme të vazhdojnë edhe në të ardhmen dhe të jenë shkak për shtimin e dijes, unitetit dhe mirësisë në mesin tonë.

Allahu ju ruajtë, ju begatoftë dhe ju dhëntë të gjitha të mirat në këtë botë dhe në botën tjetër.

📸 Ramazan i begatë për të gjithë!

01 Mars 2026.

🌙 NJË KUJTESË E BUKUR PËR RAMAZAN

Familja është një nga begatitë më të mëdha që na ka dhënë Allahu. 🌿

Ndoshta një telefonatë, një vizitë apo një fjalë e mirë mund të rikthejë një lidhje farefisnore që është dobësuar. 🤝

I Dërguari i Allahut ﷺ ka thënë:
“Ai që dëshiron t’i zgjatet jeta dhe t’i shtohet risku, le t’i mbajë lidhjet farefisnore.”

Ramazani është koha më e mirë për të rikthyer lidhjet farefisnore dhe për të falur njëri-tjetrin. 🤝

🤲 Ndoshta një telefonatë e jotja sot mund të gëzojë një zemër.

Tema: Mbajtja e lidhjeve farefisnore

🎙️ Ligjërues: Hoxhë Sead Kelmendi

📡 Transmetuar në RTV-Ahireti

🔁 Shpërndajeni që të përfitojnë edhe të tjerët.

Mos i shkëput lidhjet farefisnore! – Mesazh shumë i rëndësishëm | Hoxhë Sead Kelmendi Ligjëratë e mbajtur në kanalin RTV-Ahireti.Tema:"Mbajtja e lidhjeve farefisnore"!Ligjërues: Hoxhë Sead Kelmendi.Moderator: Muhamet Ramadani.22 Mars 2025.(Ram...

.

Në kuadër të aktiviteteve të ngjeshura të muajit të Ramazanit, pjesë e rëndësishme janë edhe vizitat e mysafirëve dhe ligjëratat e tyre para xhematit.

Sot, në Xhaminë e Re në Fushë Kosovë, mysafir ishte kryetari i Këshillit të Fushë Kosovës, Mr. Fitim efendi Gërguri. Një numër i konsiderueshëm i xhematit morën pjesë në ligjëratën e tij dhe u ndanë të kënaqur me mesazhin frymëzues dhe këshillat e dobishme.

Tema e ligjëratës ishte:

🌙 “Veçoritë e Muajit të Ramazanit që e Dallojnë nga Muajt e Tjerë”

Ligjëruesi theksoi se Ramazani është muaj i mëshirës, faljes dhe shpëtimit – një periudhë e veçantë në të cilën veprat shumëfishohen. Ai nënvizoi se një farz në Ramazan ka shpërblim shumëfish më të madh, ndërsa një sunet merr vlerën e një farzi. Po ashtu, duaja në këtë muaj ka peshë dhe rëndësi të veçantë.

Ndër veçoritë kryesore të Ramazanit që u përmendën ishin: zbritja e Kur’anit ndaj Muhamedi ﷺ, obligimi i agjërimit si një nga shtyllat e Islamit, madhështia e Natës së Kadrit, hapja e dyerve të Xhenetit dhe mbyllja e dyerve të Xhehenemit, shtimi i mëshirës dhe faljes, namazi i Teravive, bujaria dhe sadakaja, si dhe vlera e umres në këtë muaj.

Mesazhi kryesor i ligjëratës ishte se Ramazani është një shkollë shpirtërore që pastron zemrën, forcon devotshmërinë dhe e afron besimtarin me Allahun, duke e përgatitur atë për një jetë më të ndërgjegjshme dhe më të përkushtuar.

Në kuadër të aktiviteteve të Bashkësisë Islame të Republikës së Kosovës gjatë muajit të bekuar të Ramazanit është edhe realizimi i vizitave të nënpunësve të saj nëpër xhami të ndryshme të vendit.

Sot, në Xhamia e Re në Fushë Kosovë patëm kënaqësinë të mirëpresim profesorin e Medresesë së Mesme “Alauddin”, Mr.Driton ef.Arifin.

Ligjërata e tij ishte e mbushur me optimizëm, shpresë dhe mesazhe që prekin zemrën.
Ai foli për vlerat e Ramazanit dhe mirësitë e agjërimit, duke theksuar rëndësinë e forcimit shpirtëror dhe moral në kohët sfiduese që po kalon shoqëria jonë.

Ligjërimi pati edhe karakter atdhetar. Profesori vuri në pah rëndësinë e lirisë së Kosovës dhe sakrificën e dëshmorëve, duke kujtuar se kjo liri duhet ruajtur dhe çmuar si sytë e ballit. Ai theksoi se ndërthurja e vlerave fetare dhe kombëtare është garanci për të ecur përpara me dinjitet.

Ligjërata të tilla janë të domosdoshme në xhamitë tona, sepse forcojnë besimin, bashkojnë zemrat dhe sjellin paqe e shpresë në mesin e besimtarëve.

Faleminderit Profesor për këtë ligjërim të përmbajtshëm dhe mjaft frymëzues.

20 shkurt 2026