SHFMU "Mihal Grameno" - Aneksi 2

SHFMU "Mihal Grameno" - Aneksi 2 Faqja zyrtare e Shkollës Fillore e Mesme e Ulët "Mihal Grameno" - Aneksi 2 në Fushë Kosovë

Për nder të Ditës Ndërkombëtare të Librit,📚 nxënësit e klasave të treta vizituan Bibliotekën Kombëtare të Kosovës “Pjetë...
03/04/2026

Për nder të Ditës Ndërkombëtare të Librit,📚 nxënësit e klasave të treta vizituan Bibliotekën Kombëtare të Kosovës “Pjetër Bogdani”. Gjatë kësaj vizite, nxënësit patën mundësinë të njihen me rëndësinë e librave dhe rolin që ka biblioteka në ruajtjen dhe shpërndarjen e dijes.

Po ashtu, realizuam edhe një vizitë në Stacionin Policor "Jugu", ku mësuam më shumë rreth punës dhe përgjegjësive të policisë në shërbim të qytetarëve.

Këto aktivitete ishin shumë të dobishme dhe na ndihmuan të zgjerojmë njohuritë tona në mënyrë praktike dhe interesante.

NJOFTIM PËR PUSHIMIN PRANVEROR DHE DITËT E PUSHIMIT ZYRTARTë nderuar nxënës, prindër dhe personel i shkollës,Në mbështet...
03/04/2026

NJOFTIM PËR PUSHIMIN PRANVEROR DHE DITËT E PUSHIMIT ZYRTAR

Të nderuar nxënës, prindër dhe personel i shkollës,

Në mbështetje të Udhëzimit Administrativ (MASHTI) Nr. 01/2025 për Kalendarin e Vitit Shkollor 2025–2026, përkatësisht nenit 6, paragrafi 3, ju njoftojmë se pushimi pranveror fillon më 07 prill 2026 dhe përfundon më 10 prill 2026.

Po ashtu, bazuar në Ligjin Nr. 03/L-064 për Festat Zyrtare të Republikës së Kosovës, për nëpunësit e Administratës Publike të Republikës së Kosovës ditë pushimi do të jenë edhe:

- E hënë, 06 prill 2026 – Pashkët Katolike
- E enjte, 09 prill 2026 – Dita e Kushtetutës së Republikës së Kosovës
- E hënë, 13 prill 2026 – Pashkët Ortodokse

Me këtë rast, njoftojmë se procesi mësimor rifillon sipas orarit të rregullt më datë 14 prill 2026 (ditë e martë).

Ju urojmë pushime të qeta dhe të mbara.

02/04/2026

🧩 2 prill - Dita botërore e Autizmit”🧩

Sot, aktivi i klasave të katërta, përmes aktiviteteve të ndryshme sensibilizuese, organizuan veprimtari të veçanta në kuadër të Ditës Botërore të Autizmit. Nxënësit morën pjesë në këto aktivitete dhe dhanë mesazhe të shumta rreth autizmit, rëndësisë së mirëkuptimit, pranimit dhe përkrahjes së personave me këtë çrregullim. Kjo ditë shërbeu për të rritur ndërgjegjësimin dhe për të nxitur empatinë dhe respektin mes nxënësve.

Gjithashtu, asistentja Afërdita Berisha organizoi disa aktivitete shumë domethënëse bashkë me nxënësit në nder të kësaj dite.

“Autizmi nuk është kufizim, është një mënyrë tjetër e të menduarit.”💙

02/04/2026

Sot në shkollën tonë u zhvilluan aktivitete të veçanta në nder të Ditës Botërore të Autizmit. 💙
Përmes lojërave, punës në grupe dhe aktiviteteve kreative , nxënësit u bashkuan për të rritur ndërgjegjësimin, për të treguar mbështetje dhe për të promovuar respektin, mirëkuptimin dhe përfshirjen për personat me autizëm .
Le të vazhdojmë të ndërtojmë një shoqëri më të hapur dhe më gjithëpërfshirëse për të gjithë. 💙

💙 2 Prilli – Dita Botërore e Autizmit 💙Gjatë javës, së bashku me nxënëset e klasës së gjashtë, kujtuam rëndësinë e mirëk...
02/04/2026

💙 2 Prilli – Dita Botërore e Autizmit 💙

Gjatë javës, së bashku me nxënëset e klasës së gjashtë, kujtuam rëndësinë e mirëkuptimit, pranimit dhe respektit për personat me autizëm.

Autizmi nuk është sëmundje, por një mënyrë ndryshe e të përjetuarit të botës. Çdo fëmijë është unik dhe meriton të ndihet i pranuar, i vlerësuar dhe i përfshirë.
Përmes një prezantimi dhe mesazheve ndërgjegjësuese, nxënësit reflektuan mbi rëndësinë e empatisë, miqësisë dhe mbështetjes për njëri-tjetrin.

Le të ndërtojmë së bashku një mjedis ku dallimet pranohen dhe çdo fëmijë ka hapësirën për të shkëlqyer.

01/04/2026

🚆 Një ditë ndryshe me nxënësit!
Udhëtim me tren, shumë buzëqeshje dhe kujtime të paharrueshme!

Aktivi i klasëve të V-ta.
Trainkos

🌦️ BULETIN EDUKATIV I MONITORIMIT METEOROLOGJIK – SHKURT 2026 📊🏫ShFMU “Mihal Grameno” – Aneksi 2 paraqet përmbledhjen mu...
28/03/2026

🌦️ BULETIN EDUKATIV I MONITORIMIT METEOROLOGJIK – SHKURT 2026 📊🏫

ShFMU “Mihal Grameno” – Aneksi 2 paraqet përmbledhjen mujore të të dhënave të mbledhura nga stacioni meteorologjik i shkollës për periudhën 01.02.2026 – 28.02.2026. Ky material është përgatitur me qëllim edukativ, hulumtues dhe ndërgjegjësues, duke u shërbyer nxënësve dhe komunitetit shkollor për të kuptuar më mirë elementet bazë të motit dhe klimës përmes matjeve reale lokale. 🌡️💧💨

Gjatë muajit shkurt janë evidentuar tregues të rëndësishëm si temperatura mesatare, vlerat minimale dhe maksimale, reshjet, lagështia relative, presioni atmosferik dhe shpejtësia e erës, të cilat janë paraqitur në formë të përmbledhur në këtë buletin. Kjo qasje ndihmon nxënësit të zhvillojnë shkathtësi në vëzhgim, interpretim të të dhënave dhe lidhje të njohurive teorike me praktikën. 📚🔍

⚠️ Sqarim i rëndësishëm: Ky publikim nuk përbën parashikim zyrtar të motit dhe nuk zëvendëson njoftimet apo paralajmërimet zyrtare të institucioneve përgjegjëse. Të dhënat e paraqitura këtu janë mbledhur nga stacioni meteorologjik i shkollës dhe publikohen vetëm për qëllime edukative dhe hulumtuese.

🌍 Për informata dhe paralajmërime zyrtare mbi gjendjen e motit, qytetarët duhet t’u referohen institucioneve përkatëse zyrtare - IHMK.

23/03/2026

🌍🌦️ Dita Botërore e Meteorologjisë në shkollën tonë!

Në kuadër të shënimit të 23 Marsit - Ditës Botërore të Meteorologjisë, e shpallur nga World Meteorological Organization në SHFMU “Mihal Grameno” - Aneksi 2 u realizuan aktivitete edukative që e sollën meteorologjinë më afër nxënësve tanë.

Përmes një tryeze diskutimi, nxënësit trajtuan tema si:

- ndryshimet klimatike 🌍
- motet ekstreme ⚠️
- rëndësia e parashikimeve në jetën e përditshme

🌡️ Vëmendje e veçantë iu kushtua edhe stacionit meteorologjik të shkollës, ku nxënësit u njohën me instrumentet dhe procesin e matjes së elementeve të motit, duke e kthyer mësimin në përvojë praktike dhe konkrete. Falënderojmë aktivet e klasave 4, 5, 6 dhe 7 për pjesëmarrjen dhe angazhimin e tyre aktiv në këto aktivitete, si dhe mësimdhënësin e lëndës së Gjeografisë, Faruk Foniqi, për organizimin dhe shënimin dinjitoz të kësaj dite.

🤝 Një falënderim i veçantë shkon për prindërit, të cilët kanë dhënë kontribut të drejtpërdrejtë në realizimin e projektit të stacionit meteorologjik të shkollës, duke mbështetur kështu mësimin praktik dhe zhvillimin e nxënësve tanë.

🌱 Nxënësit tanë po mësojnë të vëzhgojnë, të kuptojnë dhe të veprojnë për një të ardhme më të sigurt.

📌 “Vëzhgojmë sot - Mbrojmë nesër!”

21/03/2026

🌍🌲💧 21–22 Mars: Pyjet dhe Uji - përgjegjësi e përbashkët, veprim konkret

Sot dhe nesër shënojmë Ditën Ndërkombëtare të Pyjeve 🌲 (21 Mars) dhe Ditën Botërore të Ujit 💧 (22 Mars) – dy shtylla thelbësore të jetës në Tokë 🌍.

👏 Një falënderim i veçantë 🙏 për gjeneratën 2021–2025, të cilët përmes klubit Ecoville 🌱 nuk u ndalën vetëm te idetë, por vepruan konkretisht 💪. Ata kontribuan në krijimin e 25,000 topthave 🌰🌱 për ripyllëzim, të cilët janë shpërndarë me dronë 🚁 në zona të ndryshme 🌄. Ky është shembull i qartë se si të rinjtë mund të ndikojnë realisht në mbrojtjen e mjedisit 🌿.

💧 Po aq krenarë jemi për nxënësit e klasave të VII-ta 🎒, të cilët përmes projektit ProBleu 🎥 janë duke u angazhuar në ruajtjen e ujit të ëmbël 💦, duke realizuar një dokumentar që rrit ndërgjegjësimin për këtë pasuri jetike 🌊.

🔥 Nga mbjellja e pyjeve 🌲 te mbrojtja e ujit 💧 – nxënësit tanë po dëshmojnë se ndryshimi nuk pritet, por krijohet ✨.

21 Marsi - Dita Botërore e Sindromës DownNë kuadër të shënimit të Ditës së Sindromës Down në shkollën tonë u zhvilluan a...
19/03/2026

21 Marsi - Dita Botërore e Sindromës Down

Në kuadër të shënimit të Ditës së Sindromës Down në shkollën tonë u zhvilluan aktivitete të ndryshme ndërgjegjësuese. Arisa Gashi dhe Amela Deda, nxënëse të klasëssë tetë, mbajtën një prezantim informues me nxënësit e klasave të pesta dhe të gjashta, ku folën për rëndësinë e pranimit, barazisë dhe respektit ndaj personave me Sindromën Down.

Po ashtu, u zhvilluan aktivitete kreative, ku nxënësit u angazhuan në ngjyrosjen e çorapeve shumëngjyrëshe, si simbol imbështetjes dhe ndërgjegjësimit për këtë ditë të veçantë.

Këto aktivitete, që u mbështetën nga psikologia e shkollës, synuan të nxisin empatinë, mirëkuptimin dhe përfshirjen, duke i bërë nxënësit më të vetëdijshëm për rëndësinëe diversitetit në shoqërinë tonë.

NJOFTIM - Pushim me rastin e festës së Fitër Bajramit 2026Në mbështetje të Udhëzimit Administrativ nr. 01/2025 për kalen...
19/03/2026

NJOFTIM - Pushim me rastin e festës së Fitër Bajramit 2026

Në mbështetje të Udhëzimit Administrativ nr. 01/2025 për kalendarin e vitit shkollor 2025–2026, njoftohen nxënësit, prindërit dhe personeli i shkollës se, bazuar në nenin 7 (Festat dhe ditët kur pushohet), paragrafi 6, dita e premte, më 20 mars 2026, do të jetë ditë pushimi, me rastin e festës së Fitër Bajramit.

Mësimi i rregullt fillon nga data 23 mars 2026 (ditë e hënë).

Me këtë rast, ju urojmë të gjithë besimtarëve myslimanë Fitër Bajramin, duke ju dëshiruar shëndet, paqe dhe harmoni në familjet tuaja. 🌙

☀️🌦️🌡️ “Moti dhe matja e tij - Aktivitet bashkëpunues i mësimdhënësit të Gjeografisë me nxënësit e klasave të pesta” 🌬️🌧...
12/03/2026

☀️🌦️🌡️ “Moti dhe matja e tij - Aktivitet bashkëpunues i mësimdhënësit të Gjeografisë me nxënësit e klasave të pesta” 🌬️🌧️📊

Në ambientet e shkollës sonë u realizua një orë mësimore e kombinuar teorike dhe praktike, si rezultat i bashkëpunimit në nivel të aktivit të klasave të pesta dhe mësimdhënësit të lëndës së Gjeografisë, Faruk Foniqi, në bashkëpunim me mësueset e klasave të pesta Lendita Rexhepi, Donika Rexhepi dhe Vlora Mustafa-Ibrahimi.

Ky aktivitet synoi që nxënësit të njihen më nga afër me konceptet bazë që lidhen me motin dhe klimën 🌍, si dhe me mënyrat e matjes dhe vëzhgimit të tyre 📏. Gjatë kësaj ore mësimore, nxënësit u njohën me instrumentet që shërbejnë për matjen e elementeve të motit 🌡️🌬️, karakteristikat dhe funksionimin e tyre, si dhe me përbërjen dhe rolin e një stacioni meteorologjik 📡 në monitorimin e kushteve atmosferike.

Një pjesë veçanërisht interesante e këtij aktiviteti ishte mundësia që nxënësit të shohin në kohë reale të dhënat e motit 📊 përmes platformës së shkollës për matjen e parametrave meteorologjikë. Përmes kësaj platforme, ata patën rastin të analizojnë kushtet aktuale të motit 🌤️ dhe të njihen me trendin e ndryshimeve të tij 📈 që nga momenti i vendosjes së stacionit meteorologjik në shkollën tonë në muajin janar.

Ky bashkëveprim mes mësimdhënësve dhe nxënësve krijoi një proces mësimor më dinamik dhe praktik 🎓, duke i ndihmuar nxënësit të kuptojnë më qartë fenomenet atmosferike 🌩️ dhe rëndësinë e matjes dhe monitorimit të tyre në jetën e përditshme.

Address

Rruga E Uglarit
Fushë Kosovë
12000

Opening Hours

Monday 07:30 - 17:35
Tuesday 07:30 - 17:35
Wednesday 07:30 - 17:35
Thursday 07:30 - 17:35
Friday 07:30 - 17:35

Website

Alerts

Be the first to know and let us send you an email when SHFMU "Mihal Grameno" - Aneksi 2 posts news and promotions. Your email address will not be used for any other purpose, and you can unsubscribe at any time.

Contact The School

Send a message to SHFMU "Mihal Grameno" - Aneksi 2:

Shortcuts

Share

Category