SHFMU "Lismiri"

📆 e premte, 19.06.2026
👩‍🏫 Mësuese: Leonora Kllokoqi-Jashari

Mësuesja Leonora Kllokoqi-Jashari sot mbylli një kapitull të bukur me klasën e pestë, një kapitull të mbushur me dije, buzëqeshje, kujtime, shumë dashuri, përkushtim, durim dhe kujdes që dhuroi çdo ditë. Mësuesja jo vetëm që u mësoi të lexojnë e të shkruajnë por edhe të janë njerëz të mirë dhe të besojnë në vetvete.
Nxënësve iu drejtua me keto fjalë:

“Edhe pse rrugët tona do të vazhdojnë në klasa të tjera, kujtimet me ju do të mbeten gjithmonë të veçanta në zemrat tona. Ju falënderoj për gjithçka dhe ju uroj shëndet, lumturi dhe shumë suksese të tjera.”

🏫 Klasa e I-rë
👩‍🏫Mësuesja: Jeohna Mustafa

“FESTA E ABETARES” 📚

Nxënësit e klasës së parë të shkollës sonë nën udhëheqjen e mësueses Jehona Mustafa festuan me gëzim përfundimin e abetares.
Ky moment simbolizon një arritje të rëndësishme drejt së ardhmes së tyre në rrugën e dijes, ku ju urojmë shumë suksese që të vazhdojnë me pasion rrugën e tyre të mësimnxënies!

Me rastin e 1 Qershorit - Ditës Ndërkombëtare të Fëmijëve, në shkollën tonë u realizua aktiviteti humanitar me moton “Një zemër e vogël, një ndihmë e madhe”.

Falënderojmë të gjithë nxënësit, prindërit dhe mësimdhënësit që kontribuuan me rroba dhe pako ushqimore për familjet në nevojë.

Përmes këtij aktiviteti, nxënësit dëshmuan ndjenjën e solidaritetit, humanizmit dhe kujdesit për të tjerët.

Të gjitha ndihmat e grumbulluara do t’i dorëzohen Kryqi i Kuq, i cili do t’i shpërndajë ato tek familjet në nevojë.

Sot, me shumë respekt dhe mirënjohje, përcjellim në pensionimin e merituar kolegun tonë të dashur, Ahmet Hajdari, i cili që nga paslufta e Kosovës e deri dje ka shërbyer me përkushtim të jashtëzakonshëm në shkollën tonë “SHFMU Lismiri” si punëtor teknik.

Puna, përkushtimi dhe kujdesi i tij ndaj shkollës nuk u kursyen asnjëherë. Ahmeti ishte më shumë se një kolegë, ai ishte pjesë e familjes sonë shkollore. Me butësinë, afërsinë dhe respektin e tij, ai fitoi zemrat e stafit, nxënësve dhe çdo anëtari të komunitetit që vizitoi shkollën tonë.

Kontributi i tij ndër vite do të mbetet gjithmonë shembull i përkushtimit, korrektësisë dhe humanizmit.

I urojmë nga zemra shëndet, lumturi dhe mbarësi në këtë kapitull të ri të jetës. Pensionimi qoftë fillimi i ditëve të qeta, të gëzuara dhe të mbushura me bekime për të dhe familjen e tij.

Faleminderit për gjithçka, Ahmet Hajdari!

NJOFTIM!

Afatet për regjistrimin e fëmijëve në klasën parashkollore dhe klasën e parë për vitin shkollor 2026–2027.

Të nderuar prindër dhe qytetar të Fushë Kosovës,

Ju njoftojmë se kanë filluar aplikimet për regjistrimin e fëmijëve në klasën parashkollore dhe klasën e parë në SHFMU “Lismiri”.

Njoftim mortor!

Me pikëllim të thellë njoftojmë ndarjen nga jeta të ish-kolegut tonë të nderuar, Vehbi Bogiqi,
ish-arsimtar i Historisë në shkollën tonë.

Ai do të kujtohet për përkushtimin, afërsinë dhe këshillat që ka dhënë në shkollë dhe kudo . Një mësimdhënës i çmuar dhe një koleg i dashur, i cili la gjurmë të pashlyeshme tek nxënësit dhe kolegët që e njohën.

Ngushëllimet më të sinqerta familjes Bogiqi, kolegëve, miqve, nxënësve dhe historianëve të Kosovës.

Varrimi i tij bëhet sot më datë: 30.04.2026 në ora 17:00 në fshatin Vukovc, Drenas!

Qoftë i përjetshëm kujtimi i tij! 🕊️

Me datë 25.04.2026 në komunën tonë është mbajtur faza e dytë e Garës së Olimpiadës së Gjuhës Shqipe.

Shkolla jonë u përfaqësua denjësisht nga nxënëset: Borë Mustafa, Klea Hajra dhe Lijana Konjuhi, të cilat më 17 prill kishin dalë fituese në fazën e parë të organizuar brenda shkollës sonë.

U urojmë shumë suksese të mëtejshme këtyre nxënëseve të dalluara në rrugëtimin e tyre për dije dhe në garat e ardhshme!

Një falënderim i veçantë shkon për mësimdhënësen e gjuhës shqipe, Drita Krasniqi, për përkushtimin dhe mbështetjen e vazhdueshme ndaj nxënëseve tona.

Suksese dhe krenarë gjithmonë me ju! 📚✨

Nxënësit e shkollës sonë organizuan aktivitetin jashtkurrikular për nderë të "Ditës së Tokës" 🌎, nga klasa parafillor deri në klasën e pestë nën udhëheqjen e edukatores dhe mësueseve të tyre. 🏫
Qëllimi i aktivitetit:
- Rritja e ndërgjegjësimit për mjedisin;
- Inkurajimi i veprimit për ruajtjen e natyrës.

Aktivitetet kryesore:
- Mbjellja e luleve;🌼
- Pastrimi i obortit; 🧹
-Edukimi mbi mjedisin.📚🍃

📚 23 Prilli – Dita Ndërkombëtare e Librit 📚

Në shkollën tonë, kjo ditë e veçantë u shënua me aktivitete të ndryshme letrare dhe kreative, të realizuara nga nxënësit tanë të dashur.

Nën përkujdesjen e arsimtares së gjuhës shqipe, znj. Drita Krasniqi, nxënësit zhvilluan prezantime, lexime letrare dhe aktivitete që promovojnë dashurinë për librin dhe rëndësinë e tij në edukimin dhe formimin e tyre.

Këto aktivitete dëshmuan edhe një herë se libri mbetet një ndër mjetet më të fuqishme për zhvillimin e dijes dhe imagjinatës.

📸 Në vijim mund të shihni disa momente nga aktivitetet e realizuara.

📆22.04.2026
📍Hotel Sonoma

Nxënësit e shkollës tonë morën pjesë në një trajnim të mbajtur në kuadër të projektit Prospero, i zbatuar nga “Fondacioni Jahjaga” në bashkëpunim me institucionet përkatëse. Gjatë aktivitetit, ata diskutuan për bullizmin, diversitetin, barazinë dhe bashkëjetesën demokratike, si dhe reflektuan përmes aktivitetit “Profili i tjetrit” dhe filmit “Lufto bullizmin”. Ky aktivitet shërbeu për të rritur vetëdijen dhe për të fuqizuar nxënësit drejt një mjedisi shkollor më të sigurt dhe më gjithëpërfshirës.