Universiteti i Shkencave të Aplikuara në Ferizaj

UShAF nderon Prof. Dr. Iraj Hashin me titullin “Doctor Honoris Causa” dhe shpall dy “Anëtarë Nderi të Universitetit”

Universiteti i Shkencave të Aplikuara në Ferizaj (UShAF) organizoi ceremoninë solemne të ndarjes së titullit më të lartë akademik “Doctor Honoris Causa” për Profesor Iraj Hashi, si dhe të titullit “Anëtar Nderi i Universitetit” për Profesor Muhamet Mustafa dhe Profesor Ymer Havolli, në shenjë vlerësimi për kontributin e tyre të jashtëzakonshëm në arsimin e lartë, kërkimin shkencor, si dhe në mbështetjen e zhvillimit dhe ndërkombëtarizimit të UShAF.

Ceremonia u mbajt në një atmosferë solemne, në praninë e përfaqësuesve nga institucione vendore, stafit akademik dhe studentëve. Ajo u hap me intonimin e Himnit të Flamurit, atij të Kosovës, britanik dhe himnit të Akademisë. Programi u pasurua edhe me një përkujtim kushtuar kontributit dhe sakrificës së Ushtrisë Çlirimtare të Kosovës për lirinë dhe pavarësinë e vendit.
Në fjalën e tij, Rektori i UShAF, Prof. Dr. Agron Bajraktari, theksoi rëndësinë e nderimit të tre personaliteteve që kanë lënë gjurmë të pashlyeshme në zhvillimin e dijes, shkencës dhe institucioneve akademike. Ai vlerësoi kontributin e tyre të çmuar në arsimin e lartë dhe mbështetjen e vazhdueshme për UShAF.

Gjatë ceremonisë, Rektori prezantoi veprimtarinë akademike dhe shkencore të Prof. Dr. Iraj Hash*t, ekonomist me reputacion ndërkombëtar dhe profesor me mbi katër dekada përvojë në Mbretërinë e Bashkuar. Kontributi i tij përfshin projekte dhe publikime shkencore, si dhe mbështetje në modernizimin e arsimit të lartë dhe zhvillimin e kapaciteteve kërkimore në Kosovë përmes programeve TEMPUS dhe Erasmus+, në bashkëpunim me Universitetin e Prishtinës dhe Institutin Riinvest. Ai ka kontribuar gjithashtu në zhvillimin akademik dhe ndërkombëtarizimin e UShAF, ndërsa puna e tij është vlerësuar me titullin MBE nga Qeveria Britanike dhe Medaljen Presidenciale të Meritës nga Presidentja e Republikës së Kosovës. Për kontributin e tij të jashtëzakonshëm në arsimin e lartë, shkencë dhe mbështetjen e zhvillimit akademik të universitetit, Senati i UShAF i akordoi Prof. Dr. Iraj Hash*t titullin më të lartë akademik, “Doctor Honoris Causa”.

Më pas, Rektori prezantoi veprimtarinë akademike dhe profesionale të Prof. Muhamet Mustafës, një nga ekonomistët dhe personalitetet më të njohura në Kosovë. Si profesor universitar dhe themelues i Institutit Riinvest, ai ka dhënë kontribut të rëndësishëm në zhvillimin e arsimit të lartë, kërkimit shkencor dhe politikave publike në vend, si dhe ka luajtur rol të rëndësishëm në proceset shtetformuese të Kosovës, përfshirë udhëheqjen e Grupit të Ekspertëve Ekonomikë gjatë negociatave në Vjenë dhe angazhimin në Kuvendin e Kosovës. Veprimtaria e tij shkencore dhe mbështetja për UShAF kanë lënë gjurmë të rëndësishme në zhvillimin akademik dhe ekonomik të vendit, për çka Senati i Universitetit i ndau titullin “Anëtar Nderi i Universitetit”.

Në kuadër të ceremonisë u nderua edhe Prof. Ymer Havolli, profesor i respektuar me mbi tri dekada përvojë në arsimin e lartë, kërkimin shkencor dhe menaxhimin institucional. Gjatë karrierës së tij, ai ka dhënë kontribut të rëndësishëm në formimin e brezave të studentëve dhe zhvillimin e institucioneve akademike e financiare të vendit, si anëtar dhe kryesues i Bordit të Trustit Pensional të Kosovës. Prof. Havolli ka qenë gjithashtu ndër mbështetësit e parë të UShAF, duke kontribuar në konsolidimin dhe zhvillimin e universitetit që nga themelimi i tij, për çka Senati i Universitetit i ndau titullin “Anëtar Nderi i Universitetit”.

Në fjalët e tyre të rastit, profesorët e nderuar falënderuan Rektorin dhe UShAF për vlerësimin e dhënë, duke e cilësuar bashkëpunimin me universitetin si një përvojë të suksesshme dhe duke vlerësuar angazhimin e tij në zhvillimin e arsimit të lartë dhe bashkëpunimit akademik. Këto vlerësime u ndanë nga Senati i UShAF në shenjë nderimi për kontributin e tyre të jashtëzakonshëm në arsimin e lartë, shkencë, zhvillim institucional dhe mbështetje të vazhdueshme ndaj universitetit dhe shoqërisë kosovare.

NJOFTIM

Njoftohen të gjithë studentët se është hapur afati shtesë për paraqitjen e provimeve të afatit të qershorit 2026.

Afati për paraqitjen e provimeve do të jetë i hapur nga data 11.06.2026 (e enjte) deri më 15.06.2026 (e hënë).

Studentët obligohen që paraqitjen e provimeve ta bëjnë brenda afatit të përcaktuar

https://ushaf.net/njoftim-31/

UShAF dhe SolaRit Academy organizuan trajnim treditor për Sistemet Solare Fotovoltaike (PV)

Në Universitetin e Shkencave të Aplikuara në Ferizaj (UShAF), në bashkëpunim me SolaRit Academy, u mbajt punëtoria triditore me temën “Sistemet Solare Fotovoltaike (PV)”, e organizuar nga Prorektorja për bashkëpunim me industri, punë praktike dhe aktivitete komerciale, Etleva Blakaj, në bashkëpunim me përfaqësuesit e SolaRit Academy.

Trajnimi mblodhi studentë, staf akademik dhe pjesëmarrës të interesuar për fushën e energjisë së ripërtëritshme dhe teknologjive fotovoltaike, duke ofruar njohuri teorike dhe praktike mbi sistemet solare dhe zhvillimet e tyre në Kosovë.

Gjatë dy ditëve të para, pjesëmarrësit u njohën me konceptet bazë të sistemeve solare fotovoltaike, sigurinë në vendin e punës, energjinë solare në Kosovë, me projektimin dhe autorizimin e projekteve, instrumentet matëse, si dhe me klasifikimin dhe llojet e sistemeve fotovoltaike. Poashtu, u trajtuan konstruksionet për instalimin e paneleve solare, komponentet kryesorë të sistemeve, si dhe avantazhet dhe disavantazhet e sistemeve On-Grid, Off-Grid dhe Hibride.

Dita e tretë e punëtorisë iu kushtua pjesës praktike të trajnimit përmes Mobile Training, ku pjesëmarrësit patën mundësinë të shohin nga afër strukturën, instalimin dhe funksionimin e sistemeve fotovoltaike përmes një konstruksioni të vendosur në kamionetë.

Ky aktivitet synoi avancimin e njohurive profesionale të studentëve dhe promovimin e teknologjive të qëndrueshme energjetike, duke forcuar lidhjen ndërmjet arsimit të aplikuar dhe zhvillimeve bashkëkohore në sektorin e energjisë së ripërtëritshme.

Orari i provimeve Bachelor dhe Master për vitin akademik 2025/2026 – Afati i Qershorit

Linku i orarit: https://ushaf.net/orari-i-provimeve-bachelor-dhe-master-per-vitin-akademik-2025-2026-afati-i-qershorit/

Studentët e UShAF realizojnë vizitë studimore në Athinë të Greqisë

Studentët e nivelit master nga Fakulteti i Inxhinierisë dhe Informatikës, studentët nga Fakulteti i Arkitekturës, Dizajnit dhe Teknologjisë së Drurit, si dhe studentët e vitit të tretë nga Fakulteti i Arteve të Aplikuara, realizuan një vizitë dyditore studimore në Athinë të Greqisë.

Gjatë kësaj vizite studimore, studentët patën mundësinë të vizitojnë panairin ndërkombëtar “13th Construction Exhibition”, ku u njohën nga afër me zhvillimet më të reja në fushën e ndërtimit, arkitekturës, dizajnit, teknologjisë dhe inovacionit bashkëkohor.

Po ashtu, ata vizituan disa nga pikat më të rëndësishme kulturore dhe historike të qytetit, përfshirë Acropolis of Athens dhe National Archaeological Museum.

Përveç aspektit akademik dhe profesional, kjo eksperiencë u mundësoi studentëve të njihen nga afër me trashëgiminë historike, artistike, kulturore dhe arkitektonike të këtij qyteti me rëndësi të veçantë evropiane.

UShAF dhe SAXION implementojnë modulin e përbashkët “Ndërmarrësia Ndërkombëtare”

Universiteti i Shkencave të Aplikuara në Ferizaj (UShAF) dhe Saxion University of Applied Sciences, në Holandë, gjatë periudhës 18–22 maj 2026, në ambientet e UShAF kanë zhvilluar një takim pune ndërmjet grupeve punuese nga Fakulteti i Menaxhmentit të UShAF dhe Biznesi Ndërkombëtar i Saxion.

Qëllimi i takimit ishte diskutimi i modaliteteve për realizimin në praktikë të Modulit të përbashkët “Ndërmarrësia Ndërkombëtare” (ne gjuhen angleze), tek programet e nivelit bachelor Menaxhimi i Biznesit dhe Ndërmarrësia në UShAF dhe Biznesi Ndërkombëtar në Saxion. Takimin e udhëhoqi Dekani Prof. Asoc. Dr. Ismail Mehmeti, ndërsa pjesëmarrës të tjerë nga UShAF ishin: Arben Tërstena, Bashkim Mustafa, Sokol Krasniqi dhe Gazmend Deda, si dhe nga Saxion University: Koray Arslan, Vincent ter Horst dhe Guido Perik.

Rezultat konkret i këtij bashkëpunimi është vendimi që moduli i përbashkët “Ndërmarrësia Ndërkombëtare” të fillojë implementimin në Semestrin Dimëror 2026/2027, për studentët e të dy institucioneve partnere. Gjatë takimit janë trajtuar dhe harmonizuar një sërë çështjesh akademike dhe organizative që ndërlidhen me implementimin e modulit, përfshirë: kohën e realizimit, numrin e studentëve pjesëmarrës, planin mësimor, identifikimin e numrit të ECTS-ve, angazhimin e stafit akademik, literaturën bazë, organizimin e orarit të ligjëratave, si dhe realizimin e vizitave të ndërsjella të studentëve dhe stafit akademik ndërmjet dy institucioneve. Pjesë e diskutimeve kanë qenë edhe planifikimet për realizimin e hulumtimeve të përbashkëta shkencore dhe profesionale përmes vizitave studimore në kompani dhe organizata në Kosovë dhe në Holandë, me fokus të veçantë në ndërmarrësinë, inovacionin dhe zhvillimin e biznesit ndërkombëtar

Përkrahje të madhe këtij projekti i ka dhënë edhe Rektori i UShAF, Prof. Dr. Agron Bajraktari, duke vlerësuar rëndësinë e projekteve ndërkombëtare në avancimin e cilësisë akademike dhe zhvillimin e programeve moderne të studimit.

Ky bashkëpunim ndërkombëtar synon zhvillimin e moduleve dhe programeve inovative, të cilat integrojnë praktikat më të mira ndërkombëtare në procesin e mësimdhënies dhe nxënies, duke kontribuar në pasurimin e njohurive, aftësive dhe kompetencave të studentëve. Përmes këtyre iniciativave, studentët do të përgatiten më mirë për sfidat e tregut modern të punës dhe për kërkesat e ekonomisë bashkëkohore globale.

Urimi i Rektorit Bajraktari për festën e Kurban Bajramit

Të nderuar besimtarë myslimanë,
Kurban Bajrami na rikujton rëndësinë e vlerave njerëzore, të cilat na bashkojnë dhe na motivojnë të ndërtojmë njëshoqëri më të mirë. Është një ditë që përcjell mesazhepaqeje, dashurie, mirëkuptimi dhe respekti të ndërsjellë, duke forcuar lidhjet mes njerëzve dhe duke nxitur frymën e solidaritetit.

Le të jetë kjo festë një moment reflektimi dhe mirënjohjeje, por edhe një mundësi për të shtrirë dorën e mbështetjes dhekujdesit ndaj atyre që kanë më shumë nevojë për ngrohtësi dhe përkrahje.

Uroj që në familjet tuaja të mbizotërojnë gjithmonë shëndeti, gëzimi, harmonia dhe begatia!

Me fat Kurban Bajramin!
Me respekt,
Prof. Dr. Agron Bajraktari, Rektor

L A J M Ë R I M

Lajmërohen studentët në studimet Bachelor dhe Master, se duke filluar nga data 26.05.2026 deri më 05.06.2026 bëhet paraqitja e provimeve për afatin e Qershorit 2026.

Gjithashtu ju njoftojmë që gjatë kësaj kohe, studentët të cilët nuk kanë arritur ta regjistrojnë semestrin veror 2025/26, luten të paraqiten te zyra e shërbimit të studentëve për regjistrim.

Studentët i paraqesin provimet në formë elektronike dhe pas skadimit të këtij afati sistemi elektronik nuk ua pranon kërkesën për paraqitje të provimeve.

Linku për kyçjen në sistem: https://smis.ushaf.net/

Ferizaj, 25.05.2026 NGA ADMINISTRATA QENDRORE

Ligjëratë dhe punëtori dyditore me Petrit Hoxhën

Fakulteti i Arteve të Aplikuara organizon ligjëratë dhe punëtori dyditore me Petrit Hoxhën, zhvillues dhe dizajner i lojërave digjitale, puna e të cilit fokusohet në krijimin e përvojave virtuale eksperimentale dhe interaktive.

Aktiviteti synon të ofrojë njohuri praktike dhe diskutime mbi zhvillimin e lojërave, artin digjital, narrativën interaktive dhe përvojat virtuale bashkëkohore, duke krijuar një hapësirë kreative dhe inspiruese për studentët.

Petrit Hoxha ka përfunduar studimet Master në Media Digjitale në Universitetin e Arteve në Bremen, Gjermani. Ai ka qenë i nominuar në festivalet ndërkombëtare A MAZE. Berlin dhe IDFA Amsterdam me projektin e tij “Yugo: The Non-Game”, një projekt që eksploron kufijtë ndërmjet lojës, artit dhe eksperiencës virtuale.

Pjesëmarrës mund të jenë të gjithë studentët e interesuar nga Fakulteti i Arteve të Aplikuara dhe programet tjera të universitetit.

Datë: 25 dhe 26 maj 2026
Vendi: Universiteti i Shkencave të Aplikuara në Ferizaj (UShAF), Salla 303

Të interesuarit mund të paraqiten në emailin:
[email protected]

UShAF bashkon kreativitetin, inovacionin dhe profesionalizmin studentor në ekspozitën “Profesionistët e së Ardhmes 2026”

Universiteti i Shkencave të Aplikuara në Ferizaj (UShAF) organizoi ekspozitën “Profesionistët e së Ardhmes 2026”, duke sjellë për të pranishmit një prezantim të gjerë të projekteve, ideve kreative dhe punimeve praktike të studentëve nga të gjitha fakultetet e universitetit. Aktiviteti mblodhi përfaqësues institucionalë, partnerë të industrisë, profesorë, studentë dhe mysafirë ndërkombëtarë.

Në kuadër të ekspozitës u prezantuan projekte dhe punime studentore nga fusha të ndryshme profesionale, përfshirë arkitekturën, dizajnin, teknologjinë, programimin, inxhinierinë, menaxhmentin, turizmin, trashëgiminë kulturore dhe artin vizual. Punimet e ekspozuara reflektuan orientimin praktik të studimeve në UShAF dhe aftësitë profesionale që studentët zhvillojnë gjatë studimeve të tyre.

Rektori i UShAF, Prof. Dr. Agron Bajraktari, vlerësoi përkushtimin e studentëve dhe stafit akademik, duke theksuar se kjo ekspozitë dëshmon qartë potencialin dhe profesionalizmin që po zhvillohet brenda universitetit. Ai theksoi se UShAF vazhdon të mbetet një institucion i fokusuar në arsimin e aplikuar, inovacionin dhe bashkëpunimin e ngushtë me bizneset dhe partnerët ndërkombëtarë.

Rektori Bajraktari uroi mirëseardhje të veçantë për mysafirët ndërkombëtarë, duke përshëndetur profesorët dhe përfaqësuesit nga University of Applied Sciences Salzburg, partnerët nga Saxion University në Holandë dhe ata nga Polonia, të cilët morën pjesë në këtë aktivitet akademik dhe kulturor. Ai theksoi rëndësinë e bashkëpunimit ndërkombëtar në krijimin e mundësive të reja për studentët dhe zhvillimin e mëtejmë të universitetit.

Gjithashtu, Rektori foli edhe për rëndësinë e ruajtjes së kujtesës historike dhe sakrificës për liri, duke shprehur respekt dhe mirënjohje për dëshmorët dhe heronjtë e vendit. Ai theksoi gjithashtu mbështetjen për krerët e Ushtrisë Çlirimtare të Kosovës që po përballen me proceset në Hagë, duke nënvizuar se historia e popullit të Kosovës është histori sakrifice për liri, dinjitet dhe të drejtë.

Të pranishmit i përshëndeti edhe nënkryetari i Komunës së Ferizajt, Lulzim Aliu, i cili vlerësoi organizimin e ekspozitës dhe përgëzoi studentët për punën dhe kreativitetin e treguar në projektet e prezantuara. Ai gjithashtu shprehu mirënjohje për stafin akademik dhe udhëheqjen e universitetit, në veçanti për Rektorin Prof. Dr. Agron Bajraktari, për angazhimin në krijimin e mundësive profesionale për të rinjtë. Në fjalën e tij, ai inkurajoi studentët që të vazhdojnë të zhvillojnë aftësitë e tyre profesionale dhe të besojnë në potencialin e tyre për të kontribuar në zhvillimin e vendit.

Gjatë aktivitetit, studentët prezantuan ide dhe zgjidhje inovative që ndërlidhnin kreativitetin me funksionalitetin, duke dëshmuar aftësi profesionale dhe vizion bashkëkohor në fushat përkatëse të studimit. Pjesëmarrësit patën rastin të bashkëbisedojnë me studentët rreth projekteve të tyre dhe të njihen më nga afër me rezultatet e punës së realizuar gjatë vitit akademik.

Në fund, studentët e Fakultetit të Turizmit dhe Ambientit përgatitën koktej dhe produkte gastronomike për mysafirët, duke kontribuar në atmosferën mikpritëse dhe festive të ekspozitës.

Ekspozita “Profesionistët e së Ardhmes 2026” edhe këtë vit dëshmoi rolin e UShAF si një institucion që promovon kreativitetin, dijen praktike dhe zhvillimin profesional të studentëve, duke i përgatitur ata për sfidat e tregut vendor dhe ndërkombëtar të punës.