20/08/2026
Ja edhe budallallëku i rradhënga Grupi i Deçanit dhe Lëvizja për Rikthim! Shiheni edhe postimin e kaluar.
Kërcënohet asambleisti Kushtrim Veseli pas opinionit të tij për kishen katolike, paraqet kërcënuesit në polici
•••
“NJOFTIM PËR OPINIONIN PUBLIK DHE MEDIAT
Sapo kam dalë nga Stacioni i Policisë së Kosovës në Vushtrri, ku kam iniciuar rast lidhur me një numër kërcënimesh që kam pranuar sot në telefonin tim personal, përfshirë kërcënime me vrasjen time dhe të familjes sime.
Personat në fjalë tashmë janë identifikuar nga organet e rendit dhe, sipas informatave që kam në dispozicion, janë të lidhur me grupin që ka iniciuar ndërtimin e të ashtuquajturës “kishë” në Zagorë. Hetuesit policorë dhe prokurori kompetent janë njoftuar dhe institucionet përkatëse tashmë po merren me rastin.
Për kërcënuesit kam vetëm një mesazh:
KOT E KENI.
As nuk frikësohem, as nuk tërhiqem dhe as nuk ndryshoj qëndrim për shkak të kërcënimeve.
Përkundrazi, zhvillimet e sotme po e bëjnë gjithnjë e më të qartë se këtu nuk është fjala vetëm për ndërtimin e një objekti fetar. Kur persona të lidhur me këtë iniciativë, sipas informatave që posedoj, kalojnë në kërcënime me vrasje ndaj meje dhe familjes sime, atëherë kemi arsye serioze që organet kompetente të hetojnë jo vetëm kërcënimet individuale, por edhe organizimin, motivet dhe qëllimet që mund të qëndrojnë prapa këtij grupi.
Për mua, këto veprime dëshmojnë për një agjendë shumë më shqetësuese sesa ajo që është paraqitur publikisht dhe ngrenë dyshime serioze për qëllime dashakeqëse, veprimtari të mundshme kriminale dhe përpjekje për nxitjen e tensioneve ndërfetare.
Tashmë është radha e Policisë dhe Prokurorisë që të zbardhin çdo element të kësaj çështjeje.
Unë do të vazhdoj të kërkoj atë që kam kërkuar nga dita e parë: ligj, rend institucional dhe përgjegjësi.
ASKUSH MBI LIGJIN. PIKË.
Kushtrim Veseli
Anëtar i Kuvendit Komunal të Vushtrrisë”.
