Shfmu "Jeta e Re" - Greme

Sot mbyllet një kapitull i bukur dhe i paharruar i rrugëtimit tonë së bashku. Pesë vite plot mësime, buzëqeshje, sfida, përqafime dhe kujtime që do të mbeten gjithmonë në zemrën time.
Të dashur nxënësit e mi, ju u rritët para syve të mi, jo vetëm në dije, por edhe në zemër e karakter.
Ndiqni ëndrrat tuaja dhe mos ndaloni kurrë së besuari në veten tuaj.
Lamtumirë klasa ime e dashur, por jo lamtumirë kujtimeve tona. ❤️
Klasa: V-2, mësuesja: Bleona Halili

Nxënësit e Shkollës Fillore “Jeta e Re”, të shoqëruar nga mësimdhënësi Ilir Aliu, përfunduan me sukses kampin edukativo-sportiv “Shkolla në Natyrë”, në kuadër të programit “Drejt Malit”.

Gjatë tri ditëve të kampit, një pjesë e nxënësve të shkollës sonë morën pjesë në aktivitete të ndryshme në natyrë, duke zhvilluar aftësi të bashkëpunimit, përgjegjësisë, orientimit dhe punës ekipore, si dhe duke krijuar përvoja dhe kujtime të paharrueshme.

Falënderojmë Federatën e Sportit Shkollor të Kosovës dhe organizatorët për mundësinë e ofruar. Një falenderim i veçant i dedikohet drejtorit të shkollës, z. Jeton Ahmeti, për mbështetjen dhe përkrahjen e vazhdueshme, e cila asnjëherë nuk mungon në realizimin e aktiviteteve dhe sukseseve të nxënësve tanë.

Parafillorët tanë sot shënuan Ditën e tyre, 1 Qershorin, së cilës iu gëzuan dhe e festuan, duke mos na i kursyer buzëqeshjet e ëmbla.
Festa u shënua me aktivitete brenda klasës dhe me vizitën te Mileniumi.

Parafillorëve tanë dhe cilitdo fëmijë i urojmë 1 Qershorin, e paqin jetën plot ngjyra dhe buzëqeshje!

Nxënësit e klasave V- ta, të shkollës sonë, realizuan një vizitë edukative në Biblioteken,Muzeun, Galerin, Teatrin e qytetit dhe në Stacionin Policor në Ferizaj.

Gjatë kësaj dite të veçantë, nxënësit patën mundësinë të njihen më nga afër me historinë, trashëgiminë kulturore dhe vlerat e qytetit tonë, si dhe me rolin dhe përgjegjësitë e Policisë në shoqëri. Ata u pritën me shumë përzemërsi dhe morën informacione interesante, duke bërë pyetje dhe duke mësuar përmes përvojës së drejtpërdrejtë.

Kjo vizitë shërbeu si një mundësi e mirë për të zgjeruar njohuritë, për të zhvilluar kureshtjen dhe për të forcuar lidhjen me institucionet e rëndësishme të komunitetit.

Një falënderim i veçantë shkon për zyrtarët policorë të Policia e Kosovës për mikpritjen e ngrohtë, profesionalizmin dhe gatishmërinë për t’i afruar nxënësit më pranë punës dhe misionit të Policisë. Përkushtimi dhe kujdesi i tyre e bënë këtë vizitë një përvojë të paharrueshme për fëmijët tanë.

Falënderojmë edhe përfaqësuesit e këtyre institucioneve për mikpritjen dhe bashkëpunimin!

Festa e Abetares shënon përmbylljen e njohurive të para për shkronjat e arta, të cilat hapin horizontin e botës së leximit.
Yjet e vegjël të klasës l-2, nën tingujt e muzikës dhe lojës me maskota shënuan këtë ditë të veçantë për ta!

Paqi rrittë të mbarë dhe pafundësisht suksese të dashur nxënës!

Mësuesja juaj: Emine Guri Hajredini

Jora Haliti, nxënëse e klasës së VI, na bëri krenarë me suksesin e saj në garat e kitarës, të mbajtura në shkollën e muzikës "Prenk Jakova" në Prishtinë.
Ajo u rendit e dyta në këtë garë, duke i hapur shteg sukseseve të mëtejme!

Jorën e urojmë që të shkëlqejë përherë nën tingujt e kitarës së saj!