SHFMU "Ismail Qemali" Prelez i Jerlive

Një përmbyllje e mrekullueshme e një rruge të bukur drejt dijes!

Faleminderit, mësuesja Safete, për përkushtimin, dashurinë dhe punën e palodhshme me nxënësit.
Ju keni lënë gjurmë të paharrueshme në zemrat e tyre dhe keni qenë udhërrëfyese në hapat e parë të leximit e shkrimit.

Respekt dhe mirënjohje për punën tuaj të çmuar!🌷📖❤️

Sot, nxënësit e klasës së parë orën mësimore e realizuan me mbështetjen e gjysheve të dashura. Kujdesi dhe dashuria e tyre e bënë këtë orë edhe më të veçantë.
Ju falënderojmë nga zemra për përkushtimin tuaj.

Me shumë respekt dhe mirënjohje,
Mësuesja Safete. 🌷

FALËNDERIM

Falënderojmë nga zemra prindërit e paraleles së ndarë për kontributin dhe gatishmërinë e treguar.
Falë mbështetjes suaj, brenda një kohe shumë të shkurtër u bë e mundur blerja e një kositëseje për shkollën tonë.

Bashkëpunimi dhe përkrahja juaj e vazhdueshme janë shumë të rëndësishme dhe vlerësohen jashtëzakonisht shumë. Ju faleminderit për besimin, mirëkuptimin dhe gatishmërinë për të kontribuar sa herë që paraqitet nevoja.
Çdo ndihmë e juaja është e vlefshme për shkollën dhe nxënësit tanë.

Së bashku ta bëjmë shkollën një vend më të mirë për fëmijët tanë! 🌱

🌿 Aktivitet me rastin e Ditës së Mjedisit 🌿

Me rastin e Ditës së Mjedisit, nxënësit vizituan lulishten “Natyra”, ku patën mundësinë të njiheshin nga afër me lloje të ndryshme lulesh dhe me rëndësinë e kujdesit për natyrën. Gjatë vizitës, ata morën lule si dhuratë nga lulishtja për zbukurimin dhe gjelbërimin e ambientit të shkollës.

Pas vizitës, nxënësit mbollën lulet në oborrin e shkollës, duke kontribuar në krijimin e një mjedisi më të bukur, më të gjelbër dhe më mikpritës për të gjithë.

Falënderojmë përzemërsisht lulishten “Natyra” për mikpritjen dhe për lulet e dhuruara. 🌱🌷