Shkolla e Mesme Ekonomike "Faik Konica"

IAAP “Faik Konica” për herë të tretë radhazi shpallet fituese e projektit RYCO, së bashku me Shkolla e Mesme Profesionale Elbasan, në kuadër të programit Superschools.
Ky bashkëpunim i veçantë solli një përvojë unike shkëmbimi, ku nxënësit tanë dhe ata nga Elbasani u bënë mikpritës për njëri-tjetrin, duke ndarë jo vetëm përditshmërinë, por edhe kulturën, traditat dhe ëndrrat për të ardhmen.
🌟 Një ditë e mbushur me zbulime, kulturë dhe reflektim!
Programi Superschools u shndërrua në një udhëtim të vërtetë mes dijes, angazhimit dhe identitetit të përbashkët, duke promovuar historinë, trashëgiminë, ndërtimin e urave të bashkëpunimit, ndërtimin e paqes, njohjen ndërkulturore dhe respektimin e njëri-tjetrit.
🎓 Vizita në Universiteti “Aleksandër Xhuvani” – Fakulteti Ekonomik, hapi horizonte të reja për zhvillimin akademik dhe profesional të nxënësve tanë;
🤝 Takimi me aktivistët e YRCI dëshmoi fuqinë e të rinjve për të sjellë ndryshim dhe për të ndërtuar komunitete më të forta;
🏛️ Vizita në Muzeu Etnografik i Elbasanit solli një përvojë të veçantë njohjeje me traditat dhe jetën e dikurshme, duke pasuruar më tej dimensionin kulturor të shkëmbimit;
🏰 Shëtitja kulturore në Kalaja e Elbasanit na afroi më shumë me historinë, trashëgiminë dhe vlerat tona të përbashkëta;
🏛️ Takimi me përfaqësues të pushtetit lokal në Elbasan theksoi rëndësinë e mbështetjes për të rinjtë dhe zgjerimin e bashkëpunimeve ndërmjet vendeve tona, jo vetëm në arsim, por edhe në fusha të tjera.
🤗 Një rol të pazëvendësueshëm në realizimin me sukses të këtij projekti patën edhe prindërit, mbështetja dhe besimi i të cilëve ishte thelbësor për këtë përvojë të veçantë shkëmbimi.
Ky shkëmbim ishte më shumë se një aktivitet — ishte një përvojë që na mësoi të shohim më larg, të ndjejmë më thellë dhe të veprojmë së bashku drejt një të ardhmeje më të ndritur.
📍 Shkëmbimi i parë në Elbasan u realizua me shumë sukses, duke vendosur themele të forta për vazhdimin e këtij bashkëpunimi frymëzues.
🚀

Sot në shkollën tonë patëm kënaqësinë të mirëpresim Policinë e Kosovës, të cilët mbajtën një ligjëratë me temën “Dhuna në familje dhe dhuna ndaj fëmijëve”.

Nxënësit patën mundësinë të informohen më shumë për format e dhunës, pasojat e saj dhe rëndësinë e raportimit dhe kërkimit të ndihmës. Diskutimi ishte shumë i vlefshëm dhe i ndërgjegjshëm, duke nxitur reflektim dhe përgjegjësi tek të rinjtë.

Falënderojmë Policinë e Kosovës për angazhimin dhe bashkëpunimin në edukimin dhe mbrojtjen e fëmijëve tanë.

Në shkollën tonë u shënua Dita e Shkollës me një program të pasur kulturor-artistik, i cili solli emocione, kreativitet dhe shumë krenari për të gjithë komunitetin tonë shkollor.

Gjatë aktivitetit u ndanë mirënjohje për nxënësit dhe klasat më të suksesshme, si dhe për mësimdhënësit që me përkushtim dhe profesionalizëm kontribuojnë çdo ditë në edukimin dhe formimin e gjeneratave të reja.

Ky aktivitet ishte një dëshmi e punës së përbashkët, talentit dhe përkushtimit që e bëjnë shkollën tonë një vend të dijes, bashkëpunimit dhe suksesit.

Urime të gjithë nxënësve dhe mësimdhënësve për arritjet dhe kontributin e tyre! 🎓📚✨

Me rastin e Ditës së Shkollës sonë – 15 Marsit, Qendra e Karrierës në IAAP ‘Faik Konica’ organizoi garën e Firmave Ushtrimore për nxënësit e klasave të 11-ta. Përmes kësaj gare, nxënësit patën mundësinë të demonstrojnë aftësitë e tyre në sipërmarrje, kreativitet dhe menaxhim biznesi, duke zbatuar në praktikë njohuritë e fituara gjatë procesit mësimor. Ky aktivitet synon të nxisë frymën e bashkëpunimit, inovacionit dhe përgatitjes profesionale të të rinjve për tregun e punës.

🇽🇰 Program festiv me rastin e 17 Shkurtit – Ditës së Pavarësisë së Kosovës 🇽🇰

Në kuadër të aktiviteteve për 17 Shkurtin në shkollën tonë u organizua një program i veçantë artistik dhe edukativ kushtuar Ditës së Pavarësisë së Kosovës. Ky aktivitet ishte një ndërthurje e artit me historinë, duke forcuar tek nxënësit ndjenjën e identitetit, respektit dhe përgjegjësisë ndaj vendit tonë.

🇽🇰 Gëzuar 17 Shkurti – Dita e Pavarësisë së Kosovës! 🇽🇰

Plot krenari dhe dashuri për atdheun!

Sot në IAAP “Faik Konica” shënuam Ditën e Pavarësisë me një aktivitet simbolik, duke nderuar sakrificën dhe rrugëtimin e popullit tonë drejt lirisë.

Me respekt për historinë dhe me besim në të ardhmen, nxënësit dhe stafi ynë reflektuan mbi vlerat e pavarësisë, unitetit dhe përgjegjësisë qytetare.

Gëzuar 17 Shkurtin! 🇽🇰✨
Lavdi të gjithë atyre që kontribuan për Kosovën e lirë!

Në vazhdën e aktiviteteve, me rastin e 18-vjetorit të pavarësisë së Republikës së Kosovës, sot në shkollën tonë u mbajt një ligjëratë nga veteranët e luftës së fundit. Në këtë ligjëratë nxënësit tanë u informuan për historinë tonë, që nga fillimi e deri në ditët e sotme. Për luftën e fundit dhe për sakrificat e popullit tonë, deri në shpalljen e pavarësisë së shtetit tonë.

Nxënësit e IAAP “Faik Konica” në Ferizaj, në kuadër të Këshillit të Karrierës, organizuan një aktivitet humanitar në ambientet e shkollës. Me këtë rast, ata sollën dhe përgatitën ushqime të ndryshme, të cilat u sh*tën, ndërsa mjetet e grumbulluara u dedikuan për qëllime humanitare.

Ky aktivitet shërbeu si një përvojë e vlefshme edukative, duke nxitur solidaritetin, përgjegjësinë sociale dhe angazhimin aktiv të nxënësve në shërbim të komunitetit.

Me rastin e Ditës ndërkombëtare të punës vullnetare, sot në IAAP “Faik Konica” organizuam një orë të veçantë edukative me humanistin Agon Zhinipotoku.
Nxënësit tanë u njohën me rëndësinë e mirësisë, solidaritetit dhe ndihmës së ndërsjellë në një botë që ka gjithnjë e më shumë nevojë për vlerat humane.

Agoni solli shembuj inspirues nga jeta e përditshme dhe i motivoi të rinjtë që të veprojnë me zemër, të jenë më të vëmendshëm ndaj tjetrit dhe të kontribuojnë pozitivisht në komunitet.

Faleminderit Agon Zhinipotoku për mesazhin frymëzues dhe për praninë e tij sot në këtë ditë të veçantë!
Falenderim edhe për nxënësit tanë për energjinë, diskutimet dhe pjesëmarrjen aktive.

Nxënësit dhe mësimdhënësit e Shkollës së Mesme Ekonomike – IAAP “Faik Konica” shënuan me krenari 28 Nëntorin – Ditën e Flamurit përmes një aktiviteti festivo-edukativ. Të veshur kuq e zi, ata prezantuan punime historike dhe momente kyçe nga rruga drejt pavarësisë shqiptare.
Në kuadër të këtij manifestimi, zhvilluam edhe një vizitë te Kryetari i Komunës, z. Agim Aliu.

Ky aktivitet rikujtoi vlerat e atdhedashurisë dhe unitetit, duke e bërë 28 Nëntorin një ditë të veçantë për komunitetin shkollor.

Rroftë Flamuri! Gëzuar 28 Nëntorin!