SHFMU "Liman Rekaj" Prelez i Muhaxherëve

Gëzuar 1 Qershorin – Ditën Ndërkombëtare të Fëmijëve! 🎈👧🧒
Qofshi gjithmonë të lumtur, të shëndetshëm dhe plot buzëqeshje. Le të jetë fëmijëria juaj e mbushur me dashuri, lojëra dhe ëndrra të bukura që bëhen realitet.

Gëzuar 1 Qershorin – Ditën Ndërkombëtare të Fëmijëve!
Qofshi gjithmonë të lumtur, të shëndetshëm dhe plot buzëqeshje. Le të jetë fëmijëria juaj e mbushur me dashuri, lojëra dhe ëndrra të bukura që bëhen realitet.

Nxënësit e SHFMU “Liman Rekaj”, në bashkëpunim me Handikos, festuan 1 Qershorin – Ditën Ndërkombëtare të Fëmijëve, në sheshin e qytetit të Ferizajt. Përmes aktiviteteve të ndryshme, buzëqeshjeve dhe atmosferës festive, fëmijët kaluan momente të paharrueshme duke përcjellë mesazhe dashurie, barazie dhe gëzimi për të gjithë.
Falënderojmë Handikos për bashkëpunimin dhe kontributin në organizimin e kësaj dite të veçantë për fëmijët tanë.

Gëzuar 1 Qershorin – Ditën e Fëmijëve!

Me respekt
Drejtori Lulzim Idrizi

Me datë 29.05.2026 festuam Festën e Abetarës, një ditë të veçantë për nxënësit tanë. Me gëzim dhe krenari, ata treguan njohuritë e fituara gjatë vitit shkollor dhe dëshmuan se tashmë kanë hapur derën e dijes. Urojmë që rruga e tyre drejt suksesit të jetë gjithmonë e mbushur me mësim, gëzim dhe arritje. Urime Festa e Abetares!

🏆⚽ Urime nxënësve tanë për vendin e parë të fituar në turnirin e futbollit!
Me lojë të shkëlqyer, përkushtim dhe frymë ekipore, ata arritën të shpallen kampionë dhe ta përfaqësojnë shkollën tonë me dinjitet.
Ky rezultat është fryt i përkushtimit, punës së palodhshme dhe bashkëpunimit të shkëlqyer mes nxënësve dhe mësimdhënësve.
Jemi krenarë për suksesin tuaj dhe ju dëshirojmë edhe shumë fitore e arritje në të ardhmen!
Championlt e shkollës sonë janë:
Milot Reka kl9
Erdi Jakaj kl8
Erin Reka. kl7
Emir Breznica kl7
Eron Kastrati kl7
Erdi Lalinovci kl6

Me respekt!
Drejtori Lulzim Idrizi

Sot, me shumë përkushtim, bashkëpunim dhe vullnet, u realizua me sukses projekti ynë, i cili solli një hapësirë më të bukur, më kreative dhe më motivuese për nxënësit tanë.
Ky projekt është dëshmi se kur bashkohen idetë, puna dhe dëshira për të mirën e fëmijëve, rezultatet janë të jashtëzakonshme. Falënderojmë nga zemra Drejtorinë e Arsimit, drejtorin e shkollës, prindërit, donatorët, mësimdhënësit dhe nxënësit për mbështetjen dhe kontributin e dhënë gjatë gjithë realizimit të projektit.
Një falënderim për realizuesen e projektit, Adriana Derguti, e cila me përkushtim, kreativitet dhe punë të palodhshme bëri të mundur që kjo ide të shndërrohet në një realitet të bukur për nxënësit tanë.
Sot nuk përuruam vetëm një projekt, por një hapësirë që do të sjellë buzëqeshje, motivim dhe kujtime të bukura për çdo nxënës.
Me respekt,
Drejtori Lulzim Idrizi

Me datë 13.05.2026

Nxënësit tanë realizuan një vizitë edukative në Shpellën e Gadimes dhe në qytetin antik të Ulpianës, ku patën mundësinë të njihen më afër me bukuritë natyrore dhe trashëgiminë historike të vendit tonë. Kjo vizitë ishte një përvojë e vlefshme që ndërthurte mësimin, kulturën dhe argëtimin.

I nderuar Fadil Jakaj
Në emër të shkollës sonë, ju shprehim falënderimet më të sinqerta për dhurimin e disa topave sportivë për nxënësit tanë. Kontributi juaj është shumë i vlefshëm dhe do të ndikojë pozitivisht në aktivitetet sportive dhe zhvillimin e tyre fizik e shoqëror.
Bujaria dhe mbështetja juaj tregojnë përkushtim ndaj edukimit dhe mirëqenies së të rinjve. Ju jemi mirënjohës për këtë gjest fisnik dhe shpresojmë që bashkëpunimi ynë të vazhdojë edhe në të ardhmen.
Me respekt dhe mirënjohje,
Drejtori i shkollës Lulzim Idrizi

Faleminderit nga zemra për pjesëmarrjen tuaj në Ditën e Shkollës!
Me rastin e Ditës së Shkollës, duam të shprehim mirënjohjen dhe falënderimet tona më të sinqerta për të gjithë mysafirët tanë të nderuar prindër, nxënës, bashkëpunëtorë, përfaqësues të institucioneve dhe miq të shkollës të cilët na nderuan me praninë dhe mbështetjen e tyre.
Prania juaj e bëri këtë ditë jo vetëm më të veçantë, por edhe më domethënëse për gjithë komunitetin tonë shkollor. Fjalët tuaja inkurajuese, kujtimet e ndara dhe shembulli juaj janë një frymëzim i madh për nxënësit tanë, të cilët janë e ardhmja jonë.
Le të vazhdojmë të punojmë së bashku për të ndërtuar ura bashkëpunimi, për të rritur breza të edukuar dhe për të kultivuar dashurinë për dijen.
Ju faleminderit që e ndatë këtë ditë të veçantë me ne mirënjohës përherë!

Me respekt dhe mirënjohje
Drejtori i shkollës
Lulzim Idrizi