Shkolla Fillore e Mesme e Ulët " Dituria " Dardani

Faleminderit për vizitën që na bëri ish mësimdhënësi i shkollës sonë ars. Zymer H. Haliti, tani në pension.
Me këtë rast, ai na dhuroi disa libra për bibliotekën e shkollës sonë në mesin e tyre edhe dy libra botime të tij.
Me respekt,
Drejtori e shkollës
Shiqeri Halili

Sot, me këto dy fotografi, kurorëzojmë një vit të mbushur me punë, përkushtim, bashkëpunim dhe shumë arritje.
Faleminderim të sinqertë për secilin mësimdhënës dhe punëtorë të shkollës për angazhimin e palodhshëm në edukimin dhe arsimimin e nxënësve tanë.
Sukseset e shkollës sonë janë rezultat i punës së përbashkët, profesionalizmit dhe përkushtimit tuaj.
Ju uroj shëndet dhe shumë suksese në vitet që vijnë.

Me respekt
Shiqeri Halili

🎓🌟 Urime për përfundimin me sukses të ciklit fillor (klasat 1–5)! 🌟🎓

Sot është një ditë e veçantë dhe plot emocione, pasi shënojmë përfundimin me sukses të një etape të rëndësishme në jetën tuaj shkollore. Pas pesë vitesh mësimi, përkushtimi dhe përpjekjesh, ju po mbyllni ciklin fillor dhe po hapni një kapitull të ri drejt sfidave dhe sukseseve të ardhshme. 📚✨
Gjatë këtij rrugëtimi, nën kujdesin dhe udhëheqjen e mësuesve Musa Topalli dhe Liridona Hyseni Lipovica, keni mësuar jo vetëm njohuri të vlefshme, por edhe vlera të rëndësishme njerëzore si respekti, përgjegjësia, bashkëpunimi dhe dashuria për dijen.
Me këtë rast, shprehim falënderimin dhe mirënjohjen tonë të veçantë për mësimdhënësit tuaj për kontributin, durimin dhe dashurinë me të cilën iu kanë udhëhequr gjatë këtyre viteve. Një falënderim i sinqertë shkon edhe për prindërit, të cilët kanë qenë mbështetës të vazhdueshëm në edukimin dhe suksesin e fëmijëve të tyre. 🌹👏
Të dashur nxënës, sukseset tuaja janë krenaria jonë. Vazhdoni të ëndërroni, të mësoni dhe të punoni me vullnet, sepse çdo hap që bëni sot ju afron më shumë me realizimin e synimeve tuaja. Besoni në veten tuaj dhe mos ndaloni kurrë së kërkuari dije. 🌈⭐
🍀 Ju urojmë shëndet, lumturi dhe shumë suksese në rrugëtimin tuaj të mëtejshëm arsimor! 🍀

Me respekt e mirënjohje
Drejtoria e Shkollës

🎓
📚
🌟
🍀
👏
📖
🌈
⭐
🏫

Në kuadër të aktiviteteve për "Ditët e Kulturës", në shkollën tonë në pranimë e nxënësve të klasëve 6 dhe 7 u mbajt një ligjëratë nga Ilir Bytyçi përfaqësues i Njësisë për Trashëgimi dhe Muze me temën "Rrugëtimi i Kosovës deri në ditën e çlirimit".
Faliminderit Ilir Bytyçi për ligjeratën dhe bashkëpunimin e vazhdueshëm!
Me respekt,
Nga drejtoria e shkollës

Semimaturantët 2026

✏️✏️Festa e Abetares📕📚

Nën udhëheqjen e mësueses Makfire Idrizi, u organizua Festa e Abetares, e cila shënon një moment të veçantë përfundimin e hapit të parë në botën e dijes. Me përkushtimin dhe kujdesin e mësueses, nxënësit prezantuan një program të larmishëm dhe shumë të bukur.

Me recitime, këngë dhe valle, fëmijët treguan njohuritë e tyre të fituara gjatë këtij viti shkollor, duke sjellë emocione dhe krenari tek të gjithë të pranishmit. Atmosfera ishte festive, plot buzëqeshje dhe duartrokitje.

Urime nxënësve për këtë arritje të rëndësishme dhe falënderime të veçanta për mësuesen Makfire Idrizi për punën dhe përkushtimin e saj të palodhshëm! 🎉📚
Me respekt, drejtoria e shkollës

Me një organizim të shkëlqyer, mbrëmë u mbajt Ceremonia e diplomimit të Semimaturantëve të shkollës fillore "Dituria" në Dardani, "4 Prilli" në Zllatar.
Sa ishte një natë feste e gëzimi, ishte edhe emocionuese, ku nxënësit e klasëve të 9-ta përfunduan rrugëtimin e tyre dhjetë vjeqar në shkollat tona.
Nxënësit tanë në shenjë respekti dhe falenderimi iu dhuran mësimdhënëve dhe drejtorëve dhurata te ndryshme.
Urime Semimatura nxënës të dashur!
Ju dëshirojmë shëndet dhe shumë suksese në jetë!

Faleminderit për vizitën që na bëri ish nxënësi i shkollës sonë Faton Nuredini , tani afarist i suksesshëm.
Faleminderit për dhuratat modeste dhe gatishmërinë e tij për të mbështetur shkollën tonë në ndonjë projekt të rëndësishëm për nxënësit tanë.
Me respekt, drejtoria e shkollës

Urime 1 Qershori - Dita e fëmijëve
🩵🍒🧡🍒💜