19/06/2026
Aktivitete përshëndetëse me klasët e V-ta
Nxënësit e klasëve të V-ta zhvilluan një aktivitet përshëndetës me rastin e përfundimit të klasës së pestë, të shoqëruar me mësueset: Fatë Ymeri, Merita Kqiku, Kaltrina Rexhepi.
Ata ndanë kujtime dhe mesazhe në rrethin e miqësisë, lexuan letra falënderuese për mësueset e tyre dhe realizuan fotografi simbolike me profesionet që dëshirojnë të ushtrojnë në të ardhmen. Aktiviteti u përmbyll me një koktej të vogël dhe ceremoninë e hedhjes së kapelave, duke krijuar emocione të veçanta për të gjithë.
18/06/2026
Me shumë gëzim dhe emocione mbajtëm programin e fundit të parashkollorëve tanë. Me këngë, valle dhe recitime, fëmijët na dhuruan momente të bukura e të paharrueshme.
Edukatorët: Shyrete Ismajli, Arbnora Qazimi dhe Aferdita Sadiku
Gjeneratat parafillor 2025/2026
18/06/2026
Revista “Ardhmëria” numër 9.
Në një botë që ndryshon çdo ditë dhe në një sfidë të vështirë për librin, ne kemi zgjedhur të mos ndalemi dhe ta vazhdojmë rrugëtimin tonë.
Revista" Ardhmëria" nuk është vetëm një titull- është një përgjegjësi. Është besimi se çdo ide ka vlerë, çdo zë meriton të dëgjohet dhe çdo hap i vogël mund të sjellë një ndryshim të madh.
Po e sjellin numrin e nëntë të revistës" Ardhmëria", përgatitur me përkushtim dhe përgjegjësi nga Idajete Qazimi Jetmira Jashari Beqiri, Luljeta Zeqiri dhe Fatbardha Krosa Lubishtani
16/06/2026
Sot në shkollën tonë mbizotëroi një atmosferë e veçantë. Mes emocioneve, brohoritjeve të nxënësve e falënderimeve, e përcollëm për në pension një person të veçantë, arsimtarin Sami Salihi.
Përshëndetja me të ishtë një moment shumë emocionues si për nxënësit edhe stafin e shkollës. Njerëz si ai, lënë gjurmë të pashlyeshme në zemrat e nxënësve e në kujtimet e kolegëve.
Duke i dëshiruar shëndet e gëzime në familje, vizioni i tij do të mbahet gjallë në shkollën tonë duke vazhduar me frymën pozitive dhe dashamirësinë që ka ndarë me të gjithë. Vetëm persona si ai, dinë të lënë gjurmë në zemrat e të tjerëve dhe të gdhendin kujtime të bukura.
E gëzofsh pensionin arsimtari Sami Salihi!
16/06/2026