SH F M U "Vezir Jashari" Ferizaj

Urime për suksesin e jashtëzakonshëm!

Nxënësja e klasës së VI-të, Drina Terstena, ka arritur një sukses të madh duke fituar vendin e parë në festivalin “Diamond Fest”. Ky çmim është rezultat i talentit, përkushtimit, punës së palodhur dhe dashurisë së saj për artin dhe muzikën.

Me kënaqësi të veçantë, përgëzojmë nxënësen Berna Krasniqi, të klasës së VII-të të SHFMU “Vezir Jashari” në Ferizaj, për arritjen e vendit të tretë në garën “MAC Challenge”, të organizuar nga Mehmet Akif Schools.
Urime Berna Krasniqi për vendin e tretë në “MAC Challenge” – vazhdo të shkëlqesh! 🌟🏆👏

Pas shumë vitesh, revista shkollore "Zëri i Shkollës" rikthehet në shkollën tonë me numrin e parë për vitin shkollor 2025/2026. Ajo pasqyron veprimtaritë dhe arritjet e shkollës sonë, duke përfshirë fjalën hyrëse të drejtorit, historikun e shkollës, figurën e heroit Vezir Jashari, aktivitetet dhe sukseset e nxënësve, mësimdhënësve dhe prindërve të dalluar, si dhe poezi, ese dhe punime artistike. Kjo revistë ruan kujtimet, vlerat dhe sukseset e shkollës sonë. Ajo është përgatitur nga arsimtarja e gjuhës shqipe Adifete Shabani, në bashkëpunim me pesë nxënës të klasave të VIII-ta.

Sot, në Ditën e Çlirimit të Republikës së Kosovës, përjetuam një moment historik dhe tejet domethënës për shkollën tonë dhe gjithë komunitetin.
Me krenari dhe respekt të thellë zbuluam shtatoren e Dëshmorit të Kombit, Vezir Jashari, emrin e të cilit e mban shkolla jonë. Ky akt është më shumë se një monument — është kujtesë, nderim dhe obligim për brezat që po rriten në bankat e kësaj shkolle.
Figura e Vezir Jasharit do të qëndrojë përherë si simbol i sakrificës, guximit dhe dashurisë për atdheun, duke na kujtuar se liria që gëzojmë sot u fitua me gjakun e dëshmorëve tanë.
Falenderojmë nga zemra Këshillin Organizativ për Ngritjen e Shtatores së Dëshmorit të Kombit, Vezir Jashari, të cilët bënë një punë të jashtëzakonshme organizative. Falenderojmë përzemërsisht kryetarin e Komunës, z. Agim Aliu me stafin e tij, për ndihmën e pakursyer në realizimin e kësaj iniciative madhështore . Falenderojmë familjen Jashari për bashkëpunimin në ngritjen e shtatores së Dëshmorit, Vezir Jashari.

Lavdi e përjetshme Dëshmorit të Kombit, Vezir Jashari! Lavdi të gjithë dëshmorëve të lirisë! Urime Dita e Çlirimit të Republikës së Kosovës!

Me respekt të pafund
drejtori i shkollës
Arben Aliu

Sot më 09.06.2026 u mbajt dita e parë e ligjeratës:
"PARANDALIMI I DHUNËS", në mbikqyrje të trajnerës Marije Vuksani.
Pjesëmarrës ishin nxënësit e klasëve të VIII-ta dhe VII-ta.
Ligjërues ishin Arta Ferizi dhe Arbenita Kosumi Nuhiu, te cilat me shumë përkushtim realizuan aktivitetin e përgatitur me nxënës.
Ky aktivitet mbështetet nga organizata Terres des hommes, e cila ka për qëllim fuqizimin e fëmijëve dhe të rinjëve për parandalimin e dhunës dhe mbështetjen e bashkëmoshatarëve.

Nxënësja e klasës së dytë, Nila Bucalija, arriti një sukses të shkëlqyer në konkursin ndërkombëtar të pianos “Tirana Talent”, i cili mbahet çdo vit në Tiranë dhe mbledh talentë të rinj nga vende të ndryshme. Nila u vlerësua me Vendin e Parë, duke grumbulluar 99 pikë nga juria profesionale.
I urojmë Nilës edhe shumë suksese të tjera në skenat kombëtare dhe ndërkombëtare.

Nxenesja Sara Mehmeti eshte nje nxenese jo vetem e dalluar me sukses te shkelqyeshem por edhe nje shkrimtare e mirefillte. Ajo ka botuar nje liber dhe tashme eshte ne perfundim te librit te dyte.
Sara eshte nje inspirim per gjeneratat e reja per kreativitetin e saj dhe per shpalosjen e imagjinates se saj ne vepra letrare.

Me krenari ju njoftojmë se nxënëset e klasës së gjashtë, Buna Bushi, Amela Selimi dhe Dritë Xhakli, kanë arritur rezultate të shkëlqyera në Festivalin e Këngës Popullore të mbajtur në Kaçanik.

Në këtë aktivitet kulturor, ku morën pjesë interpretuese të reja nga vende të ndryshme, Buna Bushi u shpërblye me vendin e dytë, ndërsa Dritë Xhakli fitoi vendin e tretë, duke dëshmuar talent, përkushtim dhe dashuri për këngën tonë popullore.

Nxënësit e klasave VI, VII dhe VIII, nga gjashtë nxënës për secilën klasë, nën organizimin dhe udhëheqjen e mësimdhënëseve Misere Zeqiri dhe Besa Bytyqi, marshuan nga shkolla deri në sheshin e qytetit. Ata mbanin punime të realizuara në hamerë, të cilat përmbanin mesazhe të bukura dhe frymëzuese kushtuar fëmijëve, duke përcjellë rëndësinë e të drejtave, lumturisë dhe mirëqenies së tyre.

Ndërkohë, fëmijët e grupit parashkollor zhvilluan aktivitete argëtuese dhe kreative në oborrin e shkollës, ku përmes lojërave, këngëve dhe aktiviteteve të ndryshme shënuan këtë ditë të veçantë.
Këto aktivitete sollën gëzim, buzëqeshje dhe atmosferë festive, duke e bërë 1 Qershorin një ditë të paharrueshme për të gjithë fëmijët.