SHFMU "GANI ELSHANI" KROIKOVË

Nga aktivitetet e sotme me rastin e 1 Qershorit-Dita Ndërkombëtare e Fëmijëve
****Gëzuar!****

Me ftesë të Bashkisë Fushë Arrëz dhe shkollës 9 vjeçare,, Pjeter Arbnori" me të cilën shkolla jonë është e binjakëzuar, me datë 23 dhe 24 maj, u mirëpritëm në ,,Festivalin mbarëkombëtar të instrumentistëve të vegjël popullor" nga kryetari i Bashkisë z.Hil Curri, drejtoresha e Zyres Vendore Arsimore Pukë, znj Blerinda Pema,drejtoresha znj. Lizë Voci dhe stafi i shkollës 9 vjeçare ,,Pjetër Arbnori".
Kolektivi i shkollës nën udhëheqjen e drejtorit Fadil Hoxha shpreh falënderim dhe mirënjohje të sinqert për ftesën dhe shoqërimin gjatē qendrimit tonë në Fushë Arrëz si dhe DKA për mbështetje dhe sponzorizimin e kësaj vizite.

Sot,nxënësit e klasës së parë,nën udhëheqjen e mësuesit Blerim I Hoxha, shënuan një nga momentet më të rëndësishme në rrugëtimin e tyre – Festën e Abetares. Kjo festë simbolizon përfundimin me sukses të hapit të parë drejt dijes, edukimit dhe formimit të tyre.
Falënderim dhe mirënjohje mësuesit i cili po përmbyll një periudhë të artë të punës së tij si mësimdhënës dhe prindërve për mbështetjen dhe përkrahjen e tyre.

Urime e paçi gjithmonë suksese!

INFORMIM
Regjistrimi i fëmijëve në klasë të parë dhe parafillor bëhet në periudhën nga 15.05.2026 deri më 15.06.2026.
Me rastin e regjistrimit duhet të keni me vete ekstratin e lindjes së fëmiut.
Suksese për të gjithë!

Me iniciativën e mësimdhënësit Arben Haziri, në shkollën tonë mirëpritëm Karvanin e Shkrimtarëve për Fëmijë,,Agim Deva" të udhëhequr nga shkrimtari Xhevat Syla.
Në këtë ngjarje të pranishëm kishim edhe drejtorin e DKA-së z.Muhamet Gjoka, drejtorin në pension z.Salih Elshani, koordinatorin e cilësisë tani në pension z.Ruzhdi Orana, ish drejtorin z.Murtez Shala, mësimdhënës, nxënës dhe staf shkollor. Me këtë rast u mbajt orë letrare si dhe bibliotekës së shkollës i dhuruan disa libra për fëmijë.

Rion Hoxha, nxënës i klasës së VIII, vazhdon me sukseset e tij në garën e Olimpiadës së Matematikës duke u renditur në vendin e dytë në nivel komunal.
Urime e sukseset qofshin shoqërues i përhershëm i juaji!

Për një ambient më tërheqës, më atraktiv dhe më miqësor.
Me iniciativën e drejtorisë dhe me përkrahjen dhe realizimin nga mësimdhënësi i Artit Figurativ Arton Spahiu dhe artistëve të rinj të shkollës sonë, u realizuan këto murale me mesazhe për arsimin dhe dijen.

Pranvera si stinë është vërtet e bukur, kujdesi për ambientin veç sa e shton edhe më shumë bukurinë pranverore!
Për një ambient më të pastër,më të këndshëm e më tërheqës, kujdesi na takon të gjithëve!

Nxënësi i klasës se tretë, Amar Elshani, në garën komunale ‘Spelling Bee’ e organizuar nga Smart Academy, zuri vendin e dytë në nivel komunal.
Të lumtë Amar! Suksese!

Dita e Tokës u shënua edhe nga nxënësit e klasës së VI,nën mbikqyrje të mësimdhënëses së gjuhës angleze Sevgjane Spahiu Kukaj, përmes punimimeve, ata përcollën mesazhe për rëndësin e ruajtjes së ambientit!