Gjimnazi "Gjergj Kastrioti Skënderbeu" - Drenas

12/05/2026

Me krenari sot Drejtorija Komunale Arsimit ,DKA Drenas ndau mirënjohje për nxënësit tanë të Gjimnazit “Gjergj Kastrioti Skënderbeu”, të cilët me punë, përkushtim dhe talent kanë arritur rezultate të shkëlqyera në lëndën e matematikës.
Suksesi juaj është dëshmi e angazhimit të vazhdueshëm, vullnetit për dije dhe përfaqësimit dinjitoz të shkollës sonë. Jemi krenarë me secilin prej jush dhe besojmë se këto arritje do të jenë vetëm fillimi i shumë sukseseve të tjera në të ardhmen.

Mirënjohje dhe falënderim i veçantë shkon edhe për profesorët, prindërit dhe të gjithë ata që i mbështesin nxënësit në rrugëtimin e tyre drejt dijes dhe suksesit.

07/05/2026

Vazhdojmë me suksesin dhe projektin e radhes , për gjimnazin tonë👏

📣 Njoftim për përzgjedhjen e tetë shkollave në projektin “Iniciativa për Zhvillimin e Liderëve të Rinj të Ballkanit Perëndimor” - BELI

✅ Pas një procesi të kujdesshëm dhe gjithëpërfshirës të vlerësimit, të bazuar edhe në kriteret e përcaktuara të projektit, kemi kënaqësinë të njoftojmë përzgjedhjen e tetë shkollave përfituese në kuadër të projektit “Iniciativa për Zhvillimin e Liderëve të Rinj të Ballkanit Perëndimor” (BELI). Procesi i aplikimit u karakterizua nga aplikime me cilësi të lartë, të cilat dëshmuan përkushtimin, kreativitetin dhe seriozitetin e shkollave në përmbushjen e objektivave të projektit.

🎯 Shkollat e përzgjedhura janë:

Shkolla e Mesme Teknike "Nexhmedin Nixha", Gjakovë;
Gjimnazi "Haxhi Zeka" Istog;
Gjimnazi "Gjergj Kastrioti Skënderbeu" - Drenas;
SHMLM Kongresi i Manastirit- Pozharan, Viti;
Shkolla e Mesme e Lartë - Gjimnazi "Eqrem Çabej" (Vushtrri);
SH.M.L "Gjin Gazulli", Prishtinë;
Gjimnazi i Shkencave Natyrore " Xhavit Ahmeti " Gjilan-;
SHMLP "7 Shtatori" Prishtinë Tregti-Hoteleri-Turizem, Prishtinë.

🤝 Falënderojmë të gjitha shkollat që aplikuan në këtë thirrje dhe inkurajojmë ato që nuk u përzgjodhën këtë herë të vazhdojnë të angazhohen dhe të aplikojnë në mundësi të ardhshme.

30/04/2026

Sot gjimnazi ynë pati nderin dhe privilegjin të mirëpresë në ambientet e shkollës Dr. Ilir Kurtishi, njëherazi drejtor i Klinikës së Onkologjisë pranë Qendres Klinike Universitare të Kosovës.

Ky aktivitet u realizua me organizimin e psikologes së shkollës sonë, e cila ka bërë identifikimin e interesave të nxënësve për orientim në karrierë, me mbështetjen e drejtorit të shkollës, z. Naim Doberdonali, si dhe me kërkesë të Këshillit të Nxënësve. Falë këtij bashkëpunimi, patëm mundësinë që Dr. Kurtishi të ndajë dijen, përvojën dhe këshillat e tij me nxënësit tanë maturantë në temën “Orientimi në Karrierë”.

Shkolla jonë, përveç misionit edukativ, ka për vizion mbështetjen e nxënësve jo vetëm në aspektin akademik, por edhe në atë social , profesinal dhe njerëzor.

Gjatë këtij takimi, Dr. Kurtishi, si mjek me përvojë të gjatë dëshmoi se profesioni i mjekut është mbi të gjitha human, duke na nderuar me prezencën e tij në Drenas. Nxënësit patën mundësi të parashtrojnë pyetje të ndryshme, të cilat rezultuan shumë të vlefshme për orientimin e tyre në karrierë, veçanërisht për ata që synojnë të ndjekin studimet në fushën e mjekësisë.Ilir Kurtishi #

26/04/2026

Sot, tetë nxënës të gjimnazit tonë përfunduan me sukses trajnimin treditor të mbajtur në qytetin e Prizrenit, ku morën pjesë nxënës nga katër shkolla të rajoneve të ndryshme të Kosovës me temën
“Shkathtësitë jetësore për një të ardhme të shëndetshme”.
Gjatë këtij trajnimi u trajtuan tema të rëndësishme, ndërsa nxënësit tanë patën mundësinë të shkëmbejnë përvoja, ide dhe njohuri të reja me bashkëmoshatarët e tyre. Në përfundim të aktivitetit, të gjithë pjesëmarrësit u certifikuan për angazhimin dhe pjesëmarrjen e tyre.

Ky trajnim u realizua në kuadër të një projekti të financuar nga Ministria e Shëndetësisë, i implementuar nga LYC Youth Center dhe i mbështetur nga DKA Drenas.
Kjo nismë nuk përfundon këtu. Shkolla jonë do të vazhdojë të mbështesë dhe promovojë nxënësit tanë, duke i fuqizuar dhe inkurajuar vazhdimisht për të ecur përpara si bartës të ndryshimeve pozitive.

24/04/2026

Sot, në ambientet e shkollës sonë, patëm kënaqësinë të mirëpresim përfaqësues nga Zyra e Bashkimit Evropian në Kosovë. Katër nxënëset e shkollës sonë, ambasadore të përzgjedhura më herët nga HIBRID, mbajtën ligjërata mbi Edukimin Medial, në kuadër të përmbylljes së trajnimeve që përfshinë pesë shkolla të Kosovës.

Ky aktivitet dëshmoi edhe një herë angazhimin dhe përkushtimin e nxënësve tanë, të cilët çdo ditë e më shumë po përfshihen përtej kufijve të shkollës sonë, duke spikatur me aftësitë, përgatitjen dhe përfaqësimin e tyre dinjitoz. Jemi krenarë që nxënësit tanë po shkëlqejnë dhe po bëhen shembull i pjesëmarrjes aktive dhe suksesit.

22/04/2026

FESTË NË AMBIENTET E SHKOLLËS SONË

Kremtimi i ditës së shkolles sonë u shndërrua në një ditë të veçantë. Prania e mysafirëve të nderuar, profesorëve, prindërve dhe nxënësve i dha kësaj feste një madhështi.
Shkolla nuk është vetëm një institucion ajo është një mision. Për ta jetësuar këtë mision, kërkohet një vizion i qartë dhe përkushtim i përbashkët. Së bashku, ne ndërtojmë dhe realizojmë ëndrrën për një të ardhme më të ndritur për brezat e rinj.

Faleminderit të gjithëve që ish*t pjesë e kësaj dite të paharrueshme!

05/04/2026

Të dashur nxënës dhe të nderuar mësimdhënës

Ju urojmë pushime të këndshme pranverore, të mbushura me qetësi, energji të reja dhe reflektim.

Pushimi pranveror do të zgjasë nga data 06.04.2026 deri më 13.04.2026, duke përfshirë edhe festat shtetërore sipas kalendarit.

Me respekt
Drejtoria e shkollës

03/04/2026

Në kuadër të projektit “Promovimi i Vlerave Humane” të organizuar nga Kryqi i Kuq dhe mbështetur nga DKA z. Muhamet Gjoka ,perfundoi ligjërata informuese në tri shkolla të komunës në Gjimnazin “Gjergj Kastrioti Skënderbeu”, në shkollën “Rasim Kiçina” dhe në shkollën “Gani Sylaj”.

Këto ligjërata u organizuan nga grupi i nxënësve, nën udhëheqjen e profesorëve Ermira Demiqi dhe Ilir Demaku. Gjithashtu, një kontribut të vlefshëm dha edhe psikologia e shkollës, Ganimete Shala Gjokaj e cila trajtoi aspekte të rëndësishme që lidhen me mirëqenien emocionale e sociale të nxënësve me theks të veqantë Bullizmin si fenomen . Ajo foli per njohjen e pasojave të bullizmit , identifikimin dhe parandalimin .

Kjo ligjeratë përfshiu nxënësit e klasave V,VI,VII,VIII dhe IX -ta shkollat e mesme të ulëta, si dhe nxënësit e klasave X dhe XI nga gjimnazi.

Desiminatorët dhe nxënësit falenderojnë drejtorin e Gjimnazit “Gjergj Kastrioti Skënderbeu”, z. Naim Doberdolani, drejtoreshën e shkollës “Rasim Kiçina”, znj. Flakarta Gllareva, si dhe drejtorin e shkollës “Gani Syla”, z. Rifat Demaku.

Ky aktivitet pati për qëllim rëndësinë e respektit të ndërsjellë, komunikimit të shëndetshëm dhe ndërtimin e një mjedisi shkollor të sigurt,pa dhunë e pa frikë dhe të barabartë për te gjithë.

02/04/2026

PËRFUNDIMI I KUIZIT TË DITURISË

Gjimnazi “Gjergj Kastrioti Skënderbeu”
Me sukses është përmbyllur Kuizi i Diturisë i organizuar në gjimnazin tonë. Garat e diturisë dhe kuizet janë gjithmonë të mirëpritura dhe kanë një rëndësi të veçantë, pasi u japin nxënësve mundësinë të garojnë përtej kufijve të klasave të tyre, me një dimenzion ndryshe .Përmes këtyre aktiviteteve, ata kanë mundësi të shfaqin dhe të zhvillojnë aftësitë njohëse të fituara gjatë mësimeve.
Njëkohësisht, kuizi synon të sfidojë inteligjencën e nxënësve, të nxisë logjikën dhe të zhvillojë mendimin kritik .

Më poshtë paraqiten rezultatet sipas klasave dhe drejtimeve:

Klasa 10
Drejtimi Shoqëror
• Vendi i parë: X – 10
• Vendi i dytë: X – 9
• Vendi i tretë: X – 8

Drejtimi Natyror
• Vendi i parë: X – 5
• Vendi i dytë: X – 3
• Vendi i tretë: X – 4

Klasa 11
Drejtimi Shoqëror
• Vendi i parë: XI – 10
• Vendi i dytë: XI – 8
• Vendi i tretë: XI – 11

Drejtimi Natyror
• Vendi i parë: XI – 5
• Vendi i dytë: XI – 6
• Vendi i tretë: XI – 3

Klasa 12
Drejtimi Shoqëror
• Vendi i parë: XII – 12
• Vendi i dytë: XII – 8
• Vendi i tretë: XII – 7

Drejtimi Natyror
• Vendi i parë: XII – 4
• Vendi i dytë: XII – 2
• Vendi i tretë: XII – 1 & XII – 3

Përveç kësaj, në garat për lëndën e Kimisë, nxënësit tanë u renditën në nivel komunal në vendet e para, sipas rezultateve të paraqitura në tabelën më poshtë.

Falënderojmë të gjithë nxënësit për pjesëmarrjen dhe angazhimin e tyre, si dhe mësimdhënësit për mbështetjen në organizimin e këtij aktiviteti dhe për punën e tyre të palodhshme dhe të përkushtuar.

24/03/2026

Sot në shkollën tonë, Gjimnazi “Gjergj Kastrioti Skënderbeu” u zhvillua një ditë e mbushur me energji, bashkëpunim dhe përkushtim në kuadër të projektit PVH. Nxënësit punuan me entuziazëm në aktivitetet e planifikuara, duke ndarë ide kreative dhe duke bashkëpunuar ngushtë me njëri tietri për të çuar përpara projektin ndërkulturor.

Nën udhëheqjen dhe mbështetjen e profesoreve Ermira Demiqi dhe Ilir Demaku, si dhe me bashkëpunimin e profesorit të Arteve Ylber Haxhiu, ata realizuan hapa të rëndësishëm drejt promovimit të bashkëjetesës dhe tolerancës.

Atmosfera ishte frymëzuese dhe plot motivim, ndërsa çdo aktivitet i zhvilluar sot dëshmoi përkushtimin e nxënësve për të ndërtuar një komunitet më të mirë dhe më gjithëpërfshirës

23/03/2026

Sot, drejtori i shkollës bashkë me stafin, organizuan një event me rastin e pensionimit të profesorit të nderuar dhe shumë të respektuar, prof. Sylejman Morina,prof i lëndes së Kimisë i cili ka kontribuar për plot 42 vite si mësimdhënës dhe profesor i dalluar. Prof. Morina ka qenë një vlerë e shtuar për gjimnazin tonë, duke lënë gjurmë pozitive tek nxënësit dhe kolegët e tij.

Urime për pensionimin tuaj profesor!
Ju nuk po largoheni, por po lini një shenjë të paharrueshme në Gjimnazin “Gjergj Kastrioti Skënderbeu” që do të mbetet për brezat që do të vijnë.