SHFMU "Dëshmorët e Fortesës" - Fortesë, Drenas

🌌

Me rastin e përurimit të shkollës sonë, u organizua një ngjarje e veçantë dhe festive, ku së bashku ndamë gëzimin, krenarinë dhe mirënjohjen për punën, përkushtimin dhe arritjet e përbashkëta.
Programi festiv u pasurua me performanca të bukura nga nxënësit e shkollës, të cilët para të pranishmëve prezantuan këngë, valle, poezi dhe skeçe, duke i dhënë kësaj ngjarjeje një atmosferë edhe më të ngrohtë, të gëzueshme dhe domethënëse.

Gjatë kësaj ngjarjeje u ndanë mirënjohje për nxënësit e dalluar të vitit shkollor 2025/2026, nga klasa parafillore deri në klasën e nëntë, si vlerësim për suksesin, sjelljen shembullore dhe angazhimin e tyre në procesin mësimor.
Në këtë ngjarje u vlerësuan edhe mësimdhënësit e dalluar me rastin e 7 Marsit – Ditës së Mësuesit, për kontributin e tyre të çmuar në edukimin dhe arsimimin e brezave të rinj, mësimdhënësi Alban Gjoka dhe mësimdhënësja Egzona Bajraktari.

Po ashtu, mirënjohje nga drejtoria e shkollës iu nda mësimdhënëses së Edukatës Fizike, Lirie Gjoka, për angazhimin, përkushtimin dhe rezultatet e arritura në gara sportive, si dhe nxënësve pjesëmarrës që përfaqësuan shkollën me dinjitet dhe sukses.

Falënderime të sinqerta u shprehën edhe për anëtarët e Këshillit Drejtues të Shkollës, Këshillit të Prindërve, si dhe për prindërit kontribuues, të cilët gjatë këtij viti shkollor dhe në vazhdimësi kanë mbështetur shkollën dhe aktivitetet e saj.

Ky përurim shënon një kapitull të ri për shkollën tonë, duke na motivuar të vazhdojmë me përkushtim, bashkëpunim dhe vizion të qartë drejt sukseseve të reja.

Urime përurimi i shkollës!
Së bashku për një arsim më cilësor dhe një të ardhme më të ndritur për nxënësit tanë.

📢 Njoftim
Ju njoftojmë se është hapur afati për pranimin e fëmijëve në klasën përgatitore/parafillore dhe regjistrimin në klasën e parë për vitin shkollor 2026/2027.

🗓 Afati i aplikimit: 15.05.2026 – 15.06.2026

📄 Dokumenti i nevojshëm:
- Ekstrakti i lindjes

👨‍👩‍👧 Prindi ose kujdestari duhet të jetë i pranishëm gjatë regjistrimit.

Me respekt,
Drejtoria e shkollës

📢 Njoftim

Të dashur nxënës,
Të nderuar prindër e mësimdhënës

Ju njoftojmë se, bazuar në vendimin e Ministrisë së Arsimit, Shkencës dhe Teknologjisë, testi i arritshmërisë për vitin 2026 do të mbahet më
26 qershor 2026.

Ju urojmë suksese të gjithë nxënësve në përgatitjet e tyre!

Njoftim

Të dashur nxënës,
Të nderuar prindër e mësimdhënës,

Bazuar në Ligjin Nr. 03/L-064 për Festat Zyrtare të Republikës së Kosovës, ju njoftojmë se, për nder të festave zyrtare, për nëpunësit e Administratës Publike të Republikës së Kosovës, ditë pushimi gjatë muajit Maj do të jenë:

- 1 maj 2026, Dita Ndërkombëtare e Punës
- 9 maj 2026 – Dita e Evropës (ditë pushimi: 11 maj 2026)
- 27 maj 2026– Kurban Bajrami

Me respekt,
Drejtoria e Shkollës

Sot, më 30 prill, u shënua Dita e Shkollës sonë, një datë që për ne ka kuptim të veçantë.

Shkolla jonë mban me krenari emrin “Dëshmorët e Fortesës”, në nderim të atyre që dhanë jetën për lirinë e vendit tonë pikërisht në këtë ditë. Kujtimi për ta mbetet udhërrëfyes për brezat që rriten në bankat tona, duke na kujtuar çdo ditë vlerën e dijes, lirisë dhe përgjegjësisë.

Në këtë ditë të rëndësishme, ne jo vetëm festojmë rrugëtimin dhe arritjet e shkollës sonë, por edhe përulemi me respekt para sakrificës së dëshmorëve, duke u zotuar se do të vazhdojmë të edukojmë breza të ndërgjegjshëm, të përkushtuar dhe me dashuri për atdheun.

Gëzuar Dita e Shkollës! 🏫

Me respekt,
Drejtoria e Shkollës

Me shumë mirënjohje falënderojmë z. Bajram Kastrati (prind), Avdullah Kastrati dhe Albion Kastrati, të cilët kanë kontribuar me pajisjen e të gjitha klasëve të shkollës me perde, duke krijuar kushte më të përshtatshme për mësimnxënie dhe mësimdhënie.

Ju faleminderit për mbështetjen, kujdesin dhe bashkëpunimin tuaj!

Me respekt,
Drejtoria dhe stafi i shkollës

Sot, në kuadër të Ditës Botërore të Librit – 23 Prilli, nxënësit e klasës së katërt sollën diçka vërtet të veçantë, krijuan librin e tyre me poezi.
Me shumë kreativitet dhe përkushtim, ata sollën vargje të bukura që pasqyrojnë botën e tyre. 📖✨

Klasa IV 🌟
Mësimdhënësja Valbonë Istogu 💐

NJOFTIM

Të dashur nxënës,
Të nderuar prindër dhe mësimdhënës,

Ju njoftojmë se pushimi pranveror do të fillojë nga data 7 deri më 10 prill 2026.
Në kuadër të festave të Pashkëve, dita e hënë, 6 prill 2026 është pushim për Pashkët Katolike, ndërsa dita e hënë, 13 prill 2026 është pushim për Pashkët Ortodokse.

➡️Procesi mësimor do të rifillojë të martën, më 14 prill 2026.

Ju urojmë pushime të mbara!

Me respekt,
Drejtoria e shkollës

Dje, nxënësit e klasës së dytë shënuan 2 Prillin - Ditën Botërore të Librit për Fëmijë me aktivitete leximi në klasë. 📖
Në këndin e leximit, ata komentuan librat e lexuar, treguan histori e ngjarje dhe ndanë mesazhet që morën prej tyre.
Po ashtu, nga mësimdhënësja e tyre u njohën më shumë me autizmin, duke theksuar rëndësinë e mirëkuptimit dhe pranimit. 📚💙

Klasa II 🌟
Mësimdhënësja Blerona Krelani 💐