Qendra me bazë në komunitet- Brodosanë

Sot në Qendrën tonë kaluam një ditë plot mësim dhe argëtim ku fëmijët mësuan për orën dhe kohën përmes lojës ⏰, poashtu përgatitëm edhe nga një orë prej letre duke zhvilluar kreativitetin dhe aftësitë praktike ✂️🕒.
Në takimin e mëngjesit ndamë ide, bashkëbiseduam dhe kaluam momente të bukura së bashku.

🚓 Aktivitet edukativ në kuadër të temës “Profesionet”

Sot, çerdhja jonë pati kënaqësinë të mirëpresë pjesëtarë të Policisë, të cilët realizuan një vizitë shumë të veçantë dhe edukative për fëmijët.
Kjo vizitë u organizua me qëllim që fëmijët të njihen nga afër me profesionin e policit, rolin e tij në shoqëri dhe rëndësinë e ruajtjes së rendit dhe sigurisë. Gjatë takimit, fëmijët patën mundësinë të mësojnë më shumë rreth detyrave të policisë, pajisjeve që përdorin në punën e përditshme, si dhe të bëjnë pyetje me shumë kureshtje.
Atmosfera ishte e ngrohtë dhe plot buzëqeshje, ndërsa fëmijët u ndjenë të lumtur dhe të frymëzuar nga kjo përvojë e veçantë.👮🏼‍♂️👮🏻‍♀️🇽🇰

Falënderojmë nga zemra Policinë për vizitën, përkushtimin dhe gatishmërinë për të kontribuar në edukimin dhe ndërgjegjësimin e fëmijëve tanë!

SHFMU "28 Nëntori"- Brodosanë

🎉 Përgatitjet për Ditën e Shkollës & Ditën e Flamurit 🇦🇱 SHFMU “28 Nëntori” – Brodosanë Atmosfera festive ka filluar! 🌟 Në videon e sotme sjellim një pamje nga përgatitjet intensive për manifestimin solemn me rastin e Ditës së Shkollës dhe Ditës së Flamurit. Nxënësit dhe mësimdhënësit po punojnë me përkushtim në: 🎭 Përgatitjen e programit artistik 🎤 Provave të pikave muzikore dhe recitimeve 🎨 Dekorimin e sallës dhe hapësirave të shkollës ❤️ Krijimin e një ambienti të veçantë, që pasqyron vlerat tona kulturore dhe shpirtin e festës Çdo detaj po realizohet me kujdes, me synimin që festa e 28 Nëntorit të jetë një ditë që do të mbahet mend gjatë nga nxënësit, prindërit dhe mbarë komuniteti. Falënderojmë të gjithë ata që po kontribuojnë me përkushtim e sidomos arsimtarin Fitim për përgatitjen e programit festiv! 🙏 Qëndroni me ne për momentet e bukura që po vijnë… 🎥✨