SHFMU "Samidin Emini" - Kuk

Suksesi në Olimpiadën Komunale të Matematikës!

Puna, këmbëngulja dhe besimi në vete janë çelësi i suksesit në Matematikë. Nxënësit tanë provuan se përkushtimi sjell rezultate të mëdha!

Me krenari ju njoftojmë se në ketë garë nxënësit e shkollës sonë: Amar Shabani (Klasa 7-të), u rendit në vendin e parë, Riad Nafezi (Klasa 8-të) po ashtu në vendin e parë si dhe Urat Shefqeti (Klasa 9-të) që u rendit në vendin e dytë, duke dëshmuar nivel të lartë njohurish, përkushtim dhe aftësi të spikatura në matematikë.

Njëkohësisht, shprehim mirënjohje për të gjithë nxënësit pjesëmarrës që me seriozitet dhe përgatitje dinjitoze përfaqësuan shkollën tonë në këtë garë intelektuale. Kontribut dhe angazhim të veçantë treguan edhe: Reis Mehmeti, Erdi Fetahu, Hylmi Fetahu dhe Albesa Hajredini.

Falënderim i veçantë i drejtohet mësimdhënësit të matematikës, Vajdin Ademi, për përkushtimin profesional, udhëzimin e vazhdueshëm dhe mbështetjen motivuese që ka dhënë gjatë përgatitjes së nxënësve.

Amarit, Riadit dhe Uratit u dëshirojmë suksese të reja dhe arritje edhe më të mëdha në Olimpiadën në nivel republikan!

NJOFTIM:

Të nderuar prindër, nxënës dhe staf i shkollës,

Ju njoftojmë se më 1 shtator 2025 fillon zyrtarisht viti i ri shkollor 2025/2026 në ketë orar:
* Klasa 6 - 9 mësimi fillon nga ora 8:00
* Klasa 1 - 5 dhe parafillorët mësimi fillon nga ora 13:10
* Në paralelën e fshatit Pllajnik mësimi fillon nga ora 8:00.
Procesi mësimor do të zhvillohet sipas orarit të rregullt, ndërsa nxënësit të jenë të pranishëm me kohë në shkollë.

Urojmë që ky vit i ri shkollor të jetë i mbushur me suksese, dije dhe përparim për të gjithë nxënësit tanë.

Me respekt,
Drejtoria e Shkollës.

https://youtu.be/8z2UlfRrm1A?si=OHfwi7pja8n-yIiP

Manifestimi i ditës së shkollës " Samidin Emini " K*k 2025 Maj

Viti i dytë radhazi ku nxënësit e shkollës sonë përfaqësojnë Komunën tonë në Olimpiadën e Fizikës.
Këtë vit nxënësja Erlinda Ahmeti, nxënëse e Kl IX do të përfaqësoj Komunën e Dragash*t në Olimpiadën e Fizikës. Erlindës i urojm suksese në fazën e ardhshme të kësaj gare.

Njoftim!

Të dashur nxënës!

Duke shpresuar se keni kaluar pushime të mbara dhe të mbushura me momente të bukura, ju njoftojmë se procesi mësimor do të rifillojë më datë 08.01.2025 (e Mërkurë), sipas orarit të rregullt mësimor.

Ju urojmë një fillim të mbarë të këtij gjysmëvjetori dhe suksese në mësime!

Me respekt,
Drejtoria e shkollës

Gëzuar Vitin e Ri 2025 për të gjithë nxënësit, mësimdhënësit, punëtorët ndihmës dhe prindërit!

Ky vit le të jetë një fillim i mbarë, plot mundësi të reja dhe suksese për të gjithë ju.

Për nxënësit, le të jetë ky vit një hap i rëndësishëm drejt ëndrrave tuaja, me përkushtim dhe kurajë për të arritur më të mirën. Kujtoni se çdo ditë sjell një mundësi të re për të mësuar, për t’u rritur dhe për të ndërtuar një të ardhme të ndritur.

Për mësimdhënësit, faleminderit për përkushtimin dhe pasionin që tregoni në formimin e brezave të ardhshëm. 2025-ta le të jetë një vit i mbushur me arritje profesionale dhe kënaqësi nga suksesi i nxënësve tuaj.

Për punëtorët ndihmës, puna juaj është e pazëvendësueshme dhe shumë e çmuar. Falë përkushtimit tuaj, ambientet tona shkollore janë të pastra dhe të mirëmbajtura, duke siguruar kushte të përshtatshme për të gjithë.

Për prindërit, ju jeni mbështetja më e fortë për fëmijët tuaj. Uroj që ky vit t’ju sjellë lumturi, harmoni dhe krenari për arritjet e tyre.

Le të jetë ky vit i ri një kohë e bashkëpunimit të frytshëm dhe suksesit të përbashkët për të gjithë ne. Shëndet, dashuri dhe gëzim në çdo hap që bëni! Gëzuar!

Me respekt dhe mirënjohje
MSc.Xhemali Skenderi
Drejtor i SHFMU: "Samidin Emini".

Me një koktej rasti në lokalet e shkollës, sot ia uruam ditëlindjen njëherit edhe pensionimin ish mësimdhënësit, ish drejtorit dhe tani administratorit të shkollës Aledin Sylejmani i cili dha kontribut për edukimin e brezave të rinj si dhe kontribut për shkollën plot 40 vite.
I urojmë shëndet, lumturi dhe pleqëri të mbarë.
Faleminderit për kontributin e dhënë!

Përshendetje!
Nxënës, mësimdhënës dhe stafi i SHFMU-së "Samidin Emini" në K*k dhe paralelja e ndarë në Pllajnik!
Po ju informoj që nesër ditë e hënë datë 02.09.2024 po fillojmë me vitin e Ri shkollor 2024/2025 me shpresën që ky vit do të jetë edhe më i suksesshëm se vitet e kaluara, andaj me këtë rast nxënësve, mësimdhënësve dhe gjithë stafit shkollor i uroj fillimin e vitit shkollor dhe ju deshiroj shëndet dhe suksese.
Me respekt drejtori i shkollës: Xhemali Skenderi.