17/09/2024
https://www.facebook.com/share/p/dftUQugjbtKVqjs2/?
Fondacioni "Golden Eagle" dhuron 10 bursa për studentët e Kolegjit AAB
Fondacioni "Golden Eagle" dhuroi 10 bursa për studentët e nivelit master të Kolegjit AAB. Lajmi u bë i ditur nga drejtori i fondacionit, z. Shaqir Palushi, gjatë fjalës së tij motivuese në ceremoninë e diplomimit të studentëve të Kolegjit AAB.
"Do të dhurojmë 10 bursa për studentët e nivelit master, sepse të mësuarit duhet të vazhdojë gjatë gjithë jetës," tha Palushi, si njëri ndër punëdhënësit më të mëdhenj në Kosovë, e vlerësoi lartë punën e Kolegjit AAB.
“Unë kam besim në Kolegjin AAB, ashtu siç ka besim e gjithë industria/tregu i punës në të diplomuarit e Kolegjit AAB dhe i ftoj të gjithë që ta vizitojnë Kolegjin AAB për të parë punën e madhe që ky Kolegj e bënë bashkë me studentë” tha ndër tjerash Palushi në fjalën e tij.
Studentëve të Kolegjit AAB vazhdimisht iu ofrohen bursa studimi nga kompani
dhe institucione te ndryshme vendore dhe ndërkombëtare. Përzgjedhja e studentëve për këto bursa do të bëhet në bashkëpunim mes Kolegjit AAB dhe Fondacionit "Golden Eagle".
