SHFMU"Rexhep Kadrijaj" në Rastavicë

SHFMU"Rexhep Kadrijaj" në Rastavicë Institucion arsimor

Mirëseardhje për fëmijët e klasës së parë!Me rastin e fillimit të vitit të ri shkollor, u shprehim një mirëseardhje të p...
01/09/2026

Mirëseardhje për fëmijët e klasës së parë!

Me rastin e fillimit të vitit të ri shkollor, u shprehim një mirëseardhje të përzemërt nxënësve tanë më të vegjël, fëmijëve të dashur të klasës së parë, të cilët sot hedhin hapat e parë në rrugëtimin e tyre të dijes.

Ju urojmë që shkolla të jetë për ju një vend i mbushur me gëzim, dashuri, miqësi, lojë, mësim dhe suksese. Qoftë ky fillim i ri një rrugëtim i bukur drejt njohurive, ëndrrave dhe realizimit të dëshirave tuaja.

Të dashur nxënës, mirë se erdhët në familjen tonë shkollore!
Ju dëshirojmë shumë suksese, buzëqeshje dhe momente të paharrueshme në rrugën tuaj të parë drejt dijes.

Mirë se vini, vogëlushë të dashur! Ju priftë e mbara në këtë kapitull të ri të jetës suaj!

Me dashurinë më të madhe për juve, mësuesja e klasës Ganimete Ukshini!

Të nderuar mësimdhënës, staf administrativ dhe teknik,Me rastin e përfundimit të vitit shkollor, ju falënderoj për përku...
16/07/2026

Të nderuar mësimdhënës, staf administrativ dhe teknik,

Me rastin e përfundimit të vitit shkollor, ju falënderoj për përkushtimin, përgjegjësinë dhe punën e palodhur që keni treguar gjatë gjithë këtij viti.

Falë angazhimit tuaj, shkolla jonë vazhdon të jetë vend i dijes, edukimit dhe bashkëpunimit.

Ju uroj pushime të mbara, të qeta dhe të këndshme pranë familjeve tuaja. Uroj që kjo periudhë të jetë kohë çlodhjeje, ripërtëritjeje dhe mbushjeje me energji të reja për sfidat dhe sukseset e vitit të ardhshëm shkollor.

Ju faleminderit për gjithçka që bëni çdo ditë për nxënësit tanë dhe për shkollën tonë.

Pushime të mbara dhe verë të bukur! ☀️🌿

Me respekt, prof. Blerim Selmonaj
Drejtor i SHFMU “Rexhep Kadrijaj”, Rastavicë.

Urime semimaturantëve tanë! 🎓Të dashur semimaturantë!Përfundimi i shkollimit të mesëm të ulët është një arritje e rëndës...
07/07/2026

Urime semimaturantëve tanë! 🎓

Të dashur semimaturantë!
Përfundimi i shkollimit të mesëm të ulët është një arritje e rëndësishme në jetën tuaj dhe një hap i madh drejt sfidave dhe sukseseve të reja. Me rastin e marrjes së dëftesave, ju përgëzojmë për përkushtimin, punën dhe rezultatet e arritura gjatë këtyre viteve.

Ju urojmë që rrugëtimi juaj në arsimin e mesëm të jetë i mbushur me dije, suksese dhe realizim të ëndrrave tuaja. Besoni në veten, punoni me këmbëngulje dhe mos reshtni kurrë së synuari më të mirën.

Mirënjohje të sinqertë për të gjithë mësimdhënësit, të cilët me profesionalizëm, përkushtim dhe dashuri kontribuuan në edukimin dhe formimin tuaj.

Falënderim i veçantë për kujdestaren e klasës, Sevdie Sejfijaj, për kujdesin, mbështetjen dhe angazhimin e palodhshëm gjatë gjithë kësaj periudhe.

Një falënderim i veçantë u takon edhe prindërve, për besimin, bashkëpunimin dhe mbështetjen e vazhdueshme ndaj fëmijëve të tyre dhe shkollës.

Ju dëshirojmë shëndet, mbarësi dhe shumë arritje në kapitullin e ri të jetës suaj. Qofshi gjithmonë krenaria e familjeve tuaja, e shkollës dhe e vendit tonë!

Me respekt,
Drejtori i shkollës, prof. Blerim Selmonaj

Sot, së bashku me ekipin e vlerësimit të brendshëm të shkollës, patëm kënaqësinë të presim në një vizitë pune inspektorë...
03/07/2026

Sot, së bashku me ekipin e vlerësimit të brendshëm të shkollës, patëm kënaqësinë të presim në një vizitë pune inspektorët nga Sektori i Inspektimit të Arsimit në Pejë, znj. Drita Haxhaj dhe z. Rinor Mema.

Gjatë takimit u diskutua raporti preliminar i Vlerësimit të Jashtëm të Shkollës, i cili do t'i paraprijë raportit përfundimtar. Ky proces përbën një mundësi të rëndësishme për të reflektuar mbi punën tonë, për të identifikuar arritjet dhe fushat që kërkojnë përmirësim, me synim ngritjen e vazhdueshme të cilësisë në arsim.

Falënderojmë inspektorët për qasjen profesionale, bashkëpunimin dhe rekomandimet e vlefshme. Mbetemi të përkushtuar për të ofruar një mjedis sa më cilësor për nxënësit dhe për të avancuar standardet e edukimit në shkollën tonë.

Me respekt,
Drejtori i shkollës
Prof. Blerim Selmonaj

Takim i rregullt pune me Këshillin e Mësimdhënësve!Sot mbajtëm takimin e rregullt të punës me Këshillin e Mësimdhënësve,...
25/06/2026

Takim i rregullt pune me Këshillin e Mësimdhënësve!
Sot mbajtëm takimin e rregullt të punës me Këshillin e Mësimdhënësve, pas përfundimit të gjysmëvjetorit të dytë të vitit shkollor 2025/2026.

Gjatë takimit u analizuan rezultatet e arritura, sfidat e hasura gjatë procesit mësimor dhe aktivitetet e realizuara gjatë kësaj periudhe.

Po ashtu, u diskutua për përgatitjet dhe planifikimet e nevojshme për periudhën në vijim, me synimin e përmirësimit të vazhdueshëm të cilësisë në arsim.

Falënderoj të gjithë mësimdhënësit për angazhimin, profesionalizmin dhe përkushtimin e treguar gjatë gjithë vitit shkollor. Sukseset e nxënësve tanë janë rezultat i punës së palodhshme dhe bashkëpunimit të përbashkët.

Së bashku për një arsim cilësor dhe një të ardhme më të mirë për nxënësit tanë!

Me shumë respekt, drejtori i shkollës prof. Blerim Selmonaj

Të dashur nxënës të klasës së pestë,Urime për përfundimin me sukses të shkollimit fillor! Ky është një moment i rëndësis...
19/06/2026

Të dashur nxënës të klasës së pestë,

Urime për përfundimin me sukses të shkollimit fillor!
Ky është një moment i rëndësishëm në rrugëtimin tuaj arsimor, rezultat i përkushtimit, punës dhe angazhimit që keni treguar gjatë këtyre viteve.

Drejtoria e shkollës iu uron shumë suksese në etapën e re të arsimit, sa më shumë dije, shëndet, lumturi dhe realizim të ëndrrave tuaja. Ruajeni gjithmonë vullnetin për të mësuar, respektin për njëri-tjetrin dhe dashurinë për shkollën.

Një falënderim i veçantë i takon mësueses Ganimete Ukshini për punën e palodhur, përkushtimin, durimin dhe kujdesin e treguar ndaj nxënësve gjatë gjithë këtyre viteve. Kontributi i saj në edukimin dhe formimin e tyre është i çmuar dhe do të mbetet një pjesë e rëndësishme e kujtimeve të tyre shkollore.

Ju urojmë të gjithëve rrugëtim të mbarë dhe shumë suksese në vazhdim! 🌹📚🎓

Drejtori i shkollës, prof. Blerim Selmonaj

Sot festuam Ditën e Shkollës sonë. Me këtë rast, nxënësit prezantuan një program modest artistik, të përgatitur me shumë...
17/06/2026

Sot festuam Ditën e Shkollës sonë. Me këtë rast, nxënësit prezantuan një program modest artistik, të përgatitur me shumë përkushtim dhe dashuri, i cili përfshiu recitime, këngë, valle dhe pika të ndryshme kulturore-artistike. Aktiviteti u zhvillua në një atmosferë festive, duke sjellë gëzim, emocione dhe krenari për të gjithë të pranishmit.
Po ashtu, me këtë rast, drejtoria e shkollës ndau mirënjohje për të gjithë kontribuuesit dhe mbështetësit e shkollës, si dhe për nxënësit që kanë arritur rezultate të shkëlqyera në mësime dhe në gara të ndryshme, duke vlerësuar punën, angazhimin dhe sukseset e tyre.
Me mirënjohje të veçantë u nderua edhe ish-mësimdhënësi i kësaj shkolle, prof. Muhamed Selmonaj, për kontributin e çmuar, përkushtimin dhe punën e palodhshme të dhënë gjatë 15 viteve në edukimin dhe arsimimin e shumë gjeneratave të nxënësve në shkollën tonë. Misionin e tij fisnik dhe të shenjtë si mësimdhënës, ai vazhdon ta ushtrojë me të njëjtin përkushtim në SHFMU „Lan Selimi“ në Lumbardh, duke dhënë një kontribut të vazhdueshëm në formimin dhe edukimin e brezave të rinj.
Këto vlerësime përfaqësojnë një dëshmi të qartë të punës, përkushtimit dhe suksesit të tyre, duke shërbyer njëkohësisht si motivim dhe frymëzim për arritje edhe më të mëdha në të ardhmen.
Me respekt dhe mirënjohje, kujtojmë dhe nderojmë He**in e Kombit Rexhep Kadrijaj, emrin e të cilit e mban me krenari shkolla jonë.
I përjetshëm qoftë kujtimi për He**in Rexhep Kadrijaj!
Urime Dita e Shkollës!

FTESË – DITA E SHKOLLËSMe kënaqësi ju ftojmë të merrni pjesë në manifestimin tradicional kushtuar Ditës së Shkollës.📅 Da...
15/06/2026

FTESË – DITA E SHKOLLËS

Me kënaqësi ju ftojmë të merrni pjesë në manifestimin tradicional kushtuar Ditës së Shkollës.

📅 Data: E mërkurë, 17 qershor 2026
🕤 Ora: 09:30
📍 Vendi: Në ambientet e shkollës

Programi do të përfshijë aktivitete kulturore, artistike dhe edukative, të përgatitura nga nxënësit dhe stafi i shkollës.

Prania juaj do ta madhështojë këtë ditë të veçantë për shkollën dhe nxënësit tanë.
Mirë se vini!

Me respekt,
Drejtoria e Shkollës Fillore dhe të Mesme të Ulët “Rexhep Kadrijaj” – Rastavicë

Në bazë të Udhëzimit Administrativ Nr. 09/2023, ditë më parë në shkollën tonë është realizuar procesi i vlerësimit të fë...
10/06/2026

Në bazë të Udhëzimit Administrativ Nr. 09/2023, ditë më parë në shkollën tonë është realizuar procesi i vlerësimit të fëmijëve para regjistrimit në klasën e parë.

Vlerësimi u zhvillua nga ekipi profesional i shkollës, i përbërë nga:

🔹 Qëndresa Cacaj – Psikologe dhe
🔹 Donika Tahiraj – Pedagoge

Procesi u realizua në bashkëpunim të ngushtë me prindërit, pjesëmarrja dhe përkrahja e të cilëve ishte shumë e rëndësishme për mbarëvajtjen e këtij procesi.

Drejtoria e shkollës shpreh mirënjohje dhe falënderim për ekipin profesional për angazhimin dhe profesionalizmin e treguar, si dhe për prindërit që iu përgjigjën pozitivisht thirrjes për vlerësimin e fëmijëve të tyre.

Falënderojmë gjithashtu edukatoren e klasës, Zejnepe Kadrijaj, për përkushtimin, profesionalizmin dhe angazhimin e saj të çmuar për përgatitjen sa më të mirë të këtyre fëmijëve në rrugëtimin e tyre të mëtejm.

Bazuar në raportet dhe rekomandimet e dala nga ky proces, drejtoria e shkollës do të marrë vendimet përkatëse për regjistrimin e këtyre fëmijëve në klasën e parë.

Të gjithë fëmijëve u urojmë shëndet, mbarësi dhe suksese në rrugëtimin e tyre të ri drejt dijes dhe edukimit!

Me respekt, Drejtori i shkollës: Blerim Selmonaj

📢 NJOFTIM PËR REGJISTRIMIN E NXËNËSVE NË KLASËN E PARË DHE KLASËN PËRGATITORENë bazë të Ligjit për Arsimin Parauniversit...
05/06/2026

📢 NJOFTIM PËR REGJISTRIMIN E NXËNËSVE NË KLASËN E PARË DHE KLASËN PËRGATITORE

Në bazë të Ligjit për Arsimin Parauniversitar të Republikës së Kosovës nr. 04/L-032, neni 9, si dhe Udhëzimit Administrativ nr. 09/2023 të MAShTI-t për regjistrimin e fëmijëve në klasën e parë, SHFMU “Rexhep Kadrijaj” në Rastavicë njofton të gjithë prindërit/kujdestarët ligjorë se ka filluar procesi i regjistrimit të fëmijëve në klasën e parë dhe në klasën përgatitore (parafillore), i cili do të vazhdojë deri më datën 15 Qershor 2026.
✅ Kushtet për regjistrim:
• Fëmija regjistrohet në klasën e parë pasi të ketë mbushur moshën minimale 6 vjeç;
• Fëmija regjistrohet në klasën përgatitore/parafillore pasi të ketë mbushur moshën minimale 5 vjeç;
• Regjistrimi i fëmijës në klasën e parë nën moshën minimale 6 vjeç bëhet vetëm me rekomandim të ekipit profesional me bazë në shkollë;
• Vlerësimi dhe regjistrimi bëhen në prani të fëmijës dhe të njërit prind ose kujdestarit ligjor.
📄 Dokumentet e nevojshme për regjistrim:
• Certifikata ose ekstrakti i lindjes (jo më i vjetër se 6 muaj);
• Dëshmia e vaksinimit të fëmijës nga qendra e vaksinimit;
• Dëshmia e vendbanimit nga bashkësia lokale (jo më e vjetër se 6 muaj);
• Dokument identifikues i prindit ose kujdestarit ligjor;
• Formulari i regjistrimit, i cili plotësohet në shkollë gjatë procesit të regjistrimit.
Drejtoria e shkollës u uron mirëseardhje të gjithë fëmijëve që plotësojnë kushtet për regjistrim dhe suksese të shumta në rrugëtimin e tyre drejt dijes, edukimit dhe zhvillimit personal.

Me respekt,

Drejtori i shkollës,
Prof. Blerim Selmonaj

Address

Arben Qerimaj, Nr. 35
Deçan
51000

Telephone

+383390310456

Website

Alerts

Be the first to know and let us send you an email when SHFMU"Rexhep Kadrijaj" në Rastavicë posts news and promotions. Your email address will not be used for any other purpose, and you can unsubscribe at any time.

Shortcuts

Share

Category