SHFMU "28 Nëntori"- Brodosanë

06/09/2026

👮🇽🇰 Urime 6 Shtatori për të gjithë pjesëtarët e Policisë së Kosovës dhe popullin e sajë, me mirënjohje për shërbimin dhe përkushtimin e tyre ndaj qytetarëve dhe Republikës së Kosovës, në ruajtjen e rendit dhe qetësisë publike, gjithashtu dhe të shtetit tonë.

31/08/2026

📚 NJOFTIM – FILLIMI I VITIT TË RI SHKOLLOR 2026/2027 🎒
Të dashur nxënës/e, prindër dhe mësimdhënës/e,
Ju njoftojmë se më 1 shtator 2026 fillon zyrtarisht viti i ri shkollor 2026/2027 në SHFMU “28 Nëntori”.
🏫 Pas përfundimit të pushimeve verore, dyert e shkollës sonë hapen përsëri për një vit të ri me mësim, punë, bashkëpunim dhe suksese të reja.
🌟 Veçanërisht i urojmë mirëseardhjen nxënësve tanë më të rinj, të cilët për herë të parë nisin rrugëtimin e tyre shkollor!

Urojmë që ky vit shkollor të jetë i mbushur me:
📖 Dije dhe përkushtim
🤝 Bashkëpunim dhe respekt
💡 Kreativitet dhe ide të reja
🏆 Suksese dhe arritje

⏰ ORARI I FILLIMIT TË MËSIMIT
🔹 Turni i paradites: 07:30
🔹 Turni i pasdites: 12:45
🔹 Klasa e parë: 12:45
🔹 Parafillorët: 11:30

🎒 Të dashur nxënës, ju dëshirojmë një fillim të mbarë dhe një vit shkollor të suksesshëm!
❤️ Të dashur prindër, ju falënderojmë për mbështetjen dhe bashkëpunimin tuaj të vazhdueshëm.
🌟📚 Së bashku për një vit shkollor sa më të suksesshëm!
Me respekt,
Drejtoria e SHFMU “28 Nëntori”

04/06/2026

🌿☀️ Të martën "Te Rafshinat" ☀️🌿

Të martën, nxënësit dhe mësuesit e SHFMU "28 Nëntori" në Brodosanë kaluan një ditë të këndshme në natyrë, duke organizuar piknikun e përbashkët "Te Rafshinat."

Në këtë aktivitet morën pjesë nxënësit dhe mësuesit e të gjitha klasave të shkollës, të cilët shijuan momente argëtimi, lojëra dhe aktivitete rekreative në një atmosferë të ngrohtë dhe miqësore.

Aktivitete të tilla kontribuojnë në forcimin e bashkëpunimit, respektit dhe miqësisë ndërmjet nxënësve dhe mësuesve, duke krijuar kujtime të bukura për të gjithë pjesëmarrësit.

📸 Ju ftojmë të ndiqni disa nga momentet më të bukura të kësaj dite!

03/06/2026

https://youtu.be/PbozBCNB2ec?si=BpmCqaesJZaME3Je
🎉 GËZUAR 1 QERSHORIN – DITËN E FËMIJËVE! 🎉
Me rastin e 1 Qershorit – Ditës Ndërkombëtare të Fëmijëve, nxënësit dhe mësuesit e ciklit të ulët të SHFMU "28 Nëntori" Brodosanë organizuan një manifestim të veçantë, të mbushur me gëzim, këngë, recitime dhe aktivitete festive.
Një moment i veçantë i kësaj dite ishte edhe Festa e Abetares për nxënësit e klasës së parë, të cilët me krenari shënuan përfundimin e hapit të parë në rrugëtimin e tyre drejt dijes.
Falënderojmë nxënësit për paraqitjet e mrekullueshme, mësuesit për përkushtimin e tyre dhe prindërit për mbështetjen e vazhdueshme.
Ju ftojmë të ndiqni videon dhe të ndani me ne këto momente të bukura që pasqyrojnë talentin, gëzimin dhe sukseset e fëmijëve tanë.
📚✨ Urime Festën e Abetares! 🎈❤️ Gëzuar 1 Qershorin të gjithë fëmijëve!

Web: http://www.opoja.tvFb: https://www.facebook.com/tvopojaEmail...

03/06/2026

Drejtori i përgjithshëm nga zyrat e auditimit Safet Berisha dhe stafi i tijë mbajti një orë informuese me nxënësit e klasave VI dhe VII në shkollën tonë, ku prezantoi punën dhe funksionimin e organizatës së auditimit. Gjatë takimit u diskutua për rolin e auditimit në rritjen e transparencës, përgjegjësisë dhe përmirësimin e punës në institucione. Nxënësit patën mundësi të njihen më afër me rëndësinë e këtij procesi dhe të bëjnë pyetje rreth mënyrës së funksionimit të tij 🧑‍💻🏣💼🗂️

21/05/2026

ZKA mbështet Sh.F.M.U. “28 Nëntori” me inventar dhe pajisje teknologjike
Sh.F.M.U. “28 Nëntori” në Bresanë ka përfituar një donacion të rëndësishëm me inventar dhe pajisje teknologjike nga Zyra Kombëtare e Auditimit (ZKA), të cilat do të shërbejnë për përmirësimin e kushteve të mësimit dhe punës administrative në shkollën tonë.
Marrëveshja për dorëzim-pranimin e pasurisë është nënshkruar më 13 maj 2026 në Prishtinë ndërmjet Auditores së Përgjithshme të Republikës së Kosovës zonjës Vlora Spanca, dhe u.d. drejtorit të shkollës sonë, z. Durim Myrtezani.
Falë kësaj mbështetjeje, shkolla jonë ka përfituar:
- 3 laptopë
- 1 monitor
- 6 telefona të tavolinës
- 10 tavolina pune
- 2 karrige menaxheriale
- 5 karrige vizitore
- 2 dollapë druri
- 1 sirtar
- 2 paravanë
Me këtë rast, shprehim falënderimin dhe mirënjohjen tonë të thellë për Zyrën Kombëtare të Auditimit, për gatishmërinë institucionale dhe mbështetjen konkrete ndaj shkollës sonë.
Një falënderim krejt të veçantë shkolla jonë ia adreson ish-nxënësit të saj, shkrimtarit dhe gazetarit Demir Resh*ti, i cili me përkushtim dhe dashuri për shkollën ku hodhi hapat e parë të dijes, kontribuoi drejtpërdrejt në realizimin e kësaj ndihme.
Ka njerëz që largohen nga bankat e shkollës, por shpirtin e lënë aty përgjithmonë. Ka ish-nxënës që suksesin e tyre nuk e mbajnë vetëm për vete, por e kthejnë në dritë për vendlindjen dhe për brezat që vijnë pas tyre. Z. Demir Resh*ti është një shembull i tillë frymëzimi. Ky nuk është kontributi i tij i parë për shkollën tonë; ndër vite ai ka qenë pranë nesh me libra, pajisje dhe mbështetje të vazhdueshme, duke dëshmuar se mirënjohja ndaj shkollës ku je rritur mbetet një vlerë që nuk shuhet me kohën.
Falënderim i veçantë shkon edhe për z. Ylber Vehebiu për ndihmën në transportin e inventarit, si dhe për Kuvendin Komunal të Dragash*t për sigurimin e karburantit.
Mirënjohja është kujtesa e zemrës - dhe shkolla e jonë do ta kujtojë gjatë këtë mbështetje.

18/05/2026

📘➗ Kuizi i Matematikës në SHFMU “28 Nëntori” ➗📘
Në shkollën tonë u organizua kuizi i lëndës së Matematikës, nën përkujdesjen e arsimtarit Ahmed Kamberi, ku nxënësit treguan njohuritë dhe shkathtësitë e tyre në zgjidhjen e detyrave matematikore.
Në komisionin vlerësues ishin arsimtarët Osman Dedari dhe Urim Uka, të cilët kujdesën për mbarëvajtjen dhe vlerësimin korrekt të garës.
Pas një gare shumë interesante dhe të barabartë, si fituese u shpallën klasat 7/1 dhe 7/3, me pikë të barabarta. 👏🏆
Urime të gjithë nxënësve për angazhimin, bashkëpunimin dhe suksesin e treguar! 🌟

08/05/2026

📚🏛️ U REALIZUA PROJEKTI MËSIMOR – EKSKURSION NDËRKURRIKULAR
Dje, nxënësit e klasave të shtata të SHFMU “28 Nëntori” – Brodosanë realizuan me sukses ekskursionin mësimor ndërkurrikular në qytetin e Prizrenit, në kuadër të lëndës bartëse:
🏛️ HISTORI
Në këtë projekt morën pjesë edhe lëndët:
💻 TIK / Teknologji Informative dhe Komunikim
🎨 Arti Figurativ
🇬🇧 Gjuha Angleze
🤝 Edukatë Qytetare
Gjatë vizitës, nxënësit patën mundësi të njihen nga afër me monumentet historike, trashëgiminë kulturore dhe bukuritë e qytetit të Prizrenit. Përmes aktiviteteve praktike, punës në grup dhe komunikimit, ata zhvilluan aftësi të rëndësishme edukative dhe sociale.
Një pjesë e veçantë e aktivitetit ishte edhe dokumentimi i përvojës përmes fotografive dhe videove, si dhe prezantimet e nxënësve në gjuhën angleze.
Ky ekskursion ishte një përvojë e vlefshme që lidhi mësimin teorik me praktikën dhe krijoi kujtime të bukura për nxënësit dhe mësimdhënësit.
🏫 SHFMU “28 Nëntori” – Brodosanë

05/05/2026

📚⚡ Kuizi i Fizikës – Garë dhe Dijeni në SHFMU “28 Nëntori” ⚡📚
Në shkollën tonë u organizua kuizi i lëndës së Fizikës, nën përkujdesjen e arsimtarit Osman Dedari, ku nxënësit patën mundësinë të sfidojnë njohuritë e tyre në një atmosferë dinamike dhe garuese.
Në komisionin vlerësues ishin arsimtarët Daut Sinani dhe Urim Uka, të cilët siguruan mbarëvajtjen dhe vlerësimin e drejtë të garës.
Pas një përballjeje të fortë dhe me rezultat të ngushtë, fituese u shpall klasa 7/2, nën kujdestarinë e mësimdhënësit Emir Jusufi. 👏
Urime të gjithë nxënësve për pjesëmarrjen dhe përkushtimin e treguar! Aktivitete të tilla nxisin mendimin kritik dhe dashurinë për shkencën. 🌟

30/04/2026

📍 Ekskursion mësimor në Prizren – Një përvojë ndryshe për nxënësit tanë

Nxënësit e klasave të 8-ta të SHFMU “28 Nëntori” – Brodosanë realizuan një ekskursion mësimor në qytetin e bukur të Prizrenit, në kuadër të projektit ndërkurrikular “Zbulimi i Prizrenit: Udhëtim në Histori, Kulturë dhe Turizëm.”

Gjatë këtij aktiviteti, nxënësit patën mundësinë të vizitojnë disa nga pikat më të rëndësishme historike dhe kulturore, si: Shadervani, Xhamia e Sinan Pashës, Kalaja e Prizrenit, Shtëpia e Lidhjes së Prizrenit dhe lagjja Marash.

Përmes këtij ekskursioni, ata:
✅ Zhvilluan aftësitë komunikuese në gjuhën angleze në situata reale
✅ Thelluan njohuritë për historinë dhe trashëgiminë kulturore të qytetit
✅ Reflektuan mbi rëndësinë e sjelljes qytetare dhe bashkëpunimit në grup
✅ Shprehën kreativitetin përmes artit figurativ dhe fotografisë

🎥 Një pjesë e veçantë e aktivitetit ishte realizimi i një videoje nga vetë nxënësit, të cilët prezantuan përvojën e tyre duke u shprehur në gjuhën angleze dhe duke reflektuar mbi rëndësinë e këtij ekskursioni. (së shpejti)

Falënderojmë mësimdhënësit për përkushtimin dhe organizimin e këtij aktiviteti të suksesshëm, si dhe nxënësit për angazhimin dhe sjelljen shembullore.

👏 Së bashku po ndërtojmë përvoja që lidhin mësimin me jetën reale!