Itu-Asau College

Itu-Asau College This page created by former Students of Itu Asau College, we let you know what happend in our School

20/01/2026

Talofa i le tapuaiga a si o'u itumalo pele. Mai Si'usave seia paia Mati'a ma Ti'aituau. Susu i Susuga i le nofo a Faafeagaiga ma Faletua aemaise o Tupu ma Tootooau ole Itumalo. Le tapuaiga a Tina ma Tama matutua aemaise le paia o Matua o alo ma fanau aoga a la tatou Kolisi. Malo tapuai malo tatalo. Sa outou po le fala, anapogi ma tatalo i a*o e fia ma tapuaia faiva ole fanau ile 2025 lea ua a'e manuia le faatautaiga. Atu e! E moni ai le upu " O faiva tapuaia o faiva ia e a'e male manuia" .Ao le upu a le fai Salamo " Lo'u Agaga e, ia e faamanu atu ia Ieova, o mea uma foi o i totonu ia te a'u ia faamanu i lona suafa Paia". Lau p**e lea le Atua.
Lea ua taulimaina le faaiuga ole suega sa tàlia ole SSLC 2025 ma le agaga e tumu i le faafetai ma le loto ua faamalieina. Tumau pea le maualuga ole tulaga ile taumafai a nai fanau sa tauina le taua ile la tausaga, ma o loo faaauauina pea le solosolo lelei ma le agai i luma o si o tatou Kolisi tau atia'e i tulaga i faaiuga o suega a le Matagaluega ma si o ttou Malo. O mea uma ua lelei ia fai ma viiga ole Atua.
Faamalo foi ile paia ole Komiti o Aoga faapea le le PTA mo la outou lagoalgo. E màmà lava se avega pe a o ttou tutu faatasi .
Faamalo i Matua le tima'i, faamalo i le aiga Faiaoga le a'oa'o ae sili i nai fanau i lo latou finau male tauivi.
Viia le Alii

●E faasilasila ma le faaaloalo atu ai, ua tatala nei le avanoa amata atu nei ile asò A*o Lulu 21o Ianuari mo le pikiina o le faaiuga o lenei suega i le Kolisi mai ile 9am seia paia le 1pm.
Faia ma le faaaloalo tele

Faafetai

PULEGA OLE KOLISI

!

31/08/2025

Paia o Matua o Tama & Teine Kolisi Itu Asau

Ua faamalo le folau faamalo le onosai i tiute ma faiva o fitàituga ai. Viia le Alii ua o tatou aulia mai le faaiuga o lenei masina ole tausaga, e ui ina o loo iai pea i tatou i lapataiga o faama'i pipisi ae faafetai i lona alofa tausi mai ua momoli mai ai lo outou soifua ma so matou ola i lenei vaitau ole tausaga.
E faasilasila atu ma le agaga maualalo ole a toe a'e uma mai tamaiti o vasega uma ile Aoga ile a*o a taeao a*o Gafua 01 Setema 2025 ile taimi masani.
Manatua mai vaega nei.
I. Laei mai le toniga ma ona vaega masani e pei o ulu ia 'oti pupuu, fusiua ma seevae ft
II. Meaaoga sa tuuina atu ole Vaia*o 5
III. Lesitala ole Kuata 3
IV. Lesitala PTA pe a fai e lei totogiina.

LAPATAIGA.
I. O loo iai pea tatou i poloaiga ma lapataiga ole Dengue Fever. Faamolemole taofi lou alo ile fale pe a fai o maua i auga ole dengue fever.
II. Moomia le talaaao mai ole Matua ole tamaititi e lei auai i aoga ile taimi ole lockdown mo le faamaninoga o ni mafuaaga na lè auai ai
III. Ia tausisia puipuiga masani mo faama'i pipisi. Ia fai talifofoga (mask) i taimi uma e lou alo ia ma oe le Matua pe a fai ete agai mai ile aoga.
IV. Aumai le faguvai mamà ona ua fai si umi o le là faaumiumi (dry sea*on) i lenei vaitau.

Mo ni isi faamatalaga, valaau mai le telefoni #7736778

Faia male ava tele

PULEGA

Address

Asau Savaii
Apia
2216

Website

Alerts

Be the first to know and let us send you an email when Itu-Asau College posts news and promotions. Your email address will not be used for any other purpose, and you can unsubscribe at any time.

Shortcuts

Share

Category