St Theresa School - Lepea

Faasilasilaga,

Matua, Faiaoga faapea alo ma fanau o lenei laumua pele,

E ofo alofa ma faatalofa atu i le suafa manumalo o Keriso I lenei A*o Sa Paia. Malo afua ailao ua maua ia te outou uma.

O nai faasilasilaga e fia faailoa atu I luga o auala o fesootaiga.

1. O taeao A*o Gafua, 20 Aperila, 2026 o le a usuia ai le fonotaga a le auaiga o faiaoga I le itula e 12.00 I le aoauli. E muamua ona fai le tatou tapenaga o potuaoga ma meaaoga faasauni mo le toe amatalia o aoaoga a le fanau mo lenei foi Kuata ua toe amatalia i le itula e 7.30 i le taeao.

2. O le a toe a'e uma le fanau aoga mai i le Vasega Amata (Pre School) seia ol i le Vasega 8 poo le Year 8, le A*o Lua, 21 o Aperila 2026 i le itula e 7.00 i le taeao.

3. Taimi amata ma taimi tuua mo le fanau aoga mo le Kuata 2.
Pre Sch: 8.00 taeao seia oo i le 12.00 aoauli
Yr 1 - Yr 8: 8.00 taeao seia oo i le 1.30 aoauli.

4. O loo tatala foi le tatou ofisa mo fanau e fia resitara mai mo le Kuata 2.

Faia lenei faasilsilaga ma le ava tele. Faamolemole faafesootai mai le pulega o le laumua mo nisi faamatalaga.

Telefoni 7734680.

Faafetai
Sr. TEVAGA (puleoga)

Last Friday Zumba here at St Theresa Sch Lepea

Faasilasilaga Tauà,
E ofo alofa ma faatalofa atu i le paia ma le mamalu o matua, aiga ma tau aiga a lenei laumua. O nisi nei o vaega e ao ona silafia e matua.

1. O le a*o a taeao, lea e faamoemoe e osia ai le Taulaga Paia o le Misasa auà le tatalaina o aoaoga a le fanau mo lenei foi Tausaga. O le itula 8.30am e amatalia ai lenei Taulaga Paia. O le faamoemoe e faapaiaina ai alii ma tamaita'i o le Vasega 8 ua tofia e le aiga faiaoga auà le taitaiina ma faa*oa le màtafaioi, tiute ma faiva i totonu lava o le laumua. E tatalo atu ma le agaga e tumu i le faaaloalo, sei o tatou auai faatasi I le a*o a taeao.
E ofu aoga uma mai le fanau mo le faamoemoe taeao.

2. Uluai Fonotaga a le PTA i lenei tausaga. E tatalo atu i matua uma lava sei o tatou faatasi ma auai mai ile fonotaga a Matua ma faiaoga i le A*o Lua, 17 o Fepuari, 2026 I le itula e 12.00 I le aoauli. E tauà lou leo, lagona ma manatu e faa*oa auà le atinaega o le tatou laumua.

Manuia tele fuafuaga o lenei a*o.

Soifua ma ia Manuia.

Sr. Malia Tevaga

Faasilasilaga,
Ou te muai faatalofa I le paia ma le mamalu o Matua, Faiaoga aemaise alo ma fanau a lenei Laumua. Tainane aiga, tauaiga, uo ma e masani o loo lagolagoina lenei laumua i soo se auala. Malo le soifua sopo ma le soifua tului. Ua tatou taunuu mai ma le fiafia i lenei tausaga fou. Viia le Atua mamana.
Ae ao pea ona motu le pa ua silafia le amataga o lenei tausaga faaleaoaoga.

1. Ua alu nei le lua (2) o vaia*o o faia Resitara a fanau fou o loo fia faatonuina ma faa - ulufale I lenei laumua.

2. A*o Gafua (2 Fepuari) o le a toe amatalia uma ai le fanau aoga o loo i le Vasega Fa(4) agai atu i le Vasega Valu(8). Faamolemole le fanau e te a'e mai ma lau salu tu poo le salu lima faatasi ai ma lau fala papa.

3. A*o Lua ( 3 Fepuari) o le a amatalia uma mai ai le fanau aoga mai ile Vasega Amata poo le Pre School seia oo ile Vasega 3.

Faamoemoe ole a utagia mai lenei faasilasilaga I le ava tele.

Faamanuia tele le Atua i tiute ma faiva o lenei a*o.

Mo nisi faamatalaga faamolemole faafesootai mai numera ole telefoni 7734680.

Faafetai

Pulega a le Laumua

Faasilasilaga,

Viia le Atua ona o mea mamana ua ia faia ma foai iai tatou. Faamalo foi le soifua ma le lagi e màmà ia te outou uma lava e ala i lenei a*o. Ae ao lava ona avatu i luga o nei auala o fesootaiga faasilaislaga o le tatou laumua.

E iai ia te au le ava tele ma le faaaloalo e faailoa atu ai i le tatou faalapotopotoga a matua ma faiaoga le tatou fonotaga sa tolopōina mai I le A*o Gafua o le vaia*o lava lenei, lea ole a faataunuuina i le a*o a taeao, A*o Faraile 5 Tesema, 2025 I le itula e 10.00am I le taeao. Faamoemoe ole a tatou faatasi uma ai taeao mo lenei fonotaga.

Faia lenei faasilasilaga taua ma le faaaloalo tele.

Faafetai

Sr. Malia Tevaga

Faasilasilaga,
Mo matua uma lava aemaise aiga ma tauaiga o lenei laumua, e faapito augafa foi i le fanau aoga. E faailoa atu le tatou faatasiga taeao mo le tatou laugatogi o lenei tausaga. E amata le tatou faamoemoe i le itula e 9.00am I le taeao. O lenei foi vaega taua ole a faia ma faataunuu I le tatou laumua lava I Sagata Telesia Iesu Tama Meamea I Lepea nei. Faamolemole le fanau e ofu aoga uma mai, sei vagana le Vasega 8 o le latou ofu faauu lea sa faaaogaina i le A*o ole Taulaga Paia ole Misasa faauuga. O le tatou Vasega Amata faauu ole a ofu mai foi o latou ofu papae pei ona iai I tausaga taitasi. O le maea ai ole tatou faamoemoe e ala ile laugatogi ole a faatino ai le tufatufaina o ripoti a le fanau, ma faia ai loa le fonotaga a Matua, aiga faiaoga faapea le komiti e ala I vaega e ao lava ona silafia e le mamalu o matua.

Faamolemole faafesootai mai le numera ole telefoni mo nisi faamatalaga. 7734680.

Faafetai

Pulega

Faasilasilaga
Faamolemole matua uma o alo ma fanau o lenei laumua e faamanatu le tatou fonotaga i le a*o à taeao A*o Faraile, 17 Oketopa 2025 i le itula e 11.00 i le taeao i le Hall a le laumua, ona o se mataupu tauà aemaise ai le tau faaiuiu o le tatou galuega o loo faia i le taimi nei. Ou te valaau faaaloalo atu ai faamolemole matua, e matuai manaomia lava outou uma e ala i lenei fonotaga, e faailoa atu ai ma le polokalame ole tatou Kuata mulimuli o loo totoe nei.

Faia ma le faaaloalo tele lenei faasilasilaga tauà.

Faamanuia tele le Atua ia te outou uma i le feagai ai ma tiute ma faiva o lenei a*o.

Faafetai.

Sr Malia Tevaga. SOLN

Faamolemole matua taga'i ane i le faasilasilaga a le Ofisa o Aoga e faatatau i alo ma fanau mo le vaia*o fou. Ua toe faaauauina lè lè faia o ni aoga, ona ole saogalemù lautele.

E valaau faaaloalo atu foi i matua uma lava o le laumua e fia faia le tatou fonotaga ma le feiloaiga i le A*o lulu, 13 Aukuso, 2025 i le tatou laumua. O le itula e 12.00pm o le a faatino ai lenei fonotaga.
1. E talanoaina ai meaaoga a le fanau i lona aotelega ma le faatulagaina.

2. Polokalame alualu mamao a le laumua, faapea foi ma le tatou galuega i lona tapenaga atoa. Talu ai ua tatou iai i vaega ma'aleale o le faama'i o lea e ao ona tatou sauniuni ma tapenapena ai pea.

Faamolemole faafesootai mai le ofisa i numera ole telefoni, 7603186 poo le 7734680.

Faamanuia atu foi le A*o Sa o Tamà, i tamà uma lava o lenei laumua.

Faafetai

Pulega..

Faasilasilaga,
1. Faamolemole Matua o alo ma fanau e lei oo atu mea'aoga e pei ona tufatufaina atu, o loo avanoa le laumua i le taimi nei mo le pikiina atu. Faamolemole faafesootai mai Susuga i Faiaoga mo nei vaega taua i le tatou Laumua.

2. O le A*o Faraile nei (1 Aukuso 2025) e tatau ona toe faafoi mai ai meaaoga a le fanau sa tufatufaina atu mo le faatinoga, ae toe pikiina ai nisi o meaaoga mo le fanau ua maea ona tapenaina mo le vaia*o fou.

Mo nisi faamatalaga, faamolemole faafesootai mai le numera 7603186 a le laumua poo le 7734680.

Manuia tele lenei a*o.

Faamanuia le Atua!

Faafetai
Sr Maria. Lolesio Tevaga soln

Matua e,
E ofo alofa ma faatalofa i le paia o Matua, Susuga i Faiaoga, o aiga ma uo e ala i lenei laumua. Ae ua faaaogaina lenei vaega o fesootaiga e momoli atu ai nisi o vaega e ao ona silafia e le tatou laumua atoa.

1. O lena ua toe faapipii atu le faasilasilaga na faa*oa mai ai le Faatonusili o Aoga a le Malo e faatatau mo le taofia o le fanau e ala i vasega o loo ta ua i lalo. Ae ao foi ona toe avatu ina ia malamalama lelei auà foi le nofo silafia o matua ma faiaoga a le tatou Laumua ona ole tulaga ma'aleale o loo iai le faama'i o le Dengue Fever.

2. Mo le tatou Laumua, ua na'o tamaiti o loo i le Vasega 6 ma le 8 o le a toe amatalia aoaoga i le A*o Gafua 21 Iulai seia oo i le A*o Faraile, 25 Iulai, 2025.

Mo isi Vasega e le'o ta'ua i le faasilasilaga e faaauau pea le malologa ma le nofo saogalemù ina ia puipuia mai ile faama'i.
Upu e masani ai i tatou uma, "E sili le puipuia nai loo le togafitia."

3. Mo le aiga Faiaoga faamolemole e toe amatalia uma tatou auaunaga ma matafaioi i galuega, i le A*o Gafua 21 Iulai, 2025 i le 7.00 i le taeao.

Faamolemole matua, aiga ma tau aiga faapea le aiga faiaoga, sei faa*oa atu lenei faasilasilaga i nisi e leo mauaina.

Ia saga faamanuia le Atua i le alo atu mo le A*o Sa Paia o le Alii. Maua foi se faiga malologa filemu o lenei po.

Mo nisi faamatalaga faamolemole faafesootai mai le ofisa 7603186 / 8422152 po'o lenei foi pasiga auà lava le fia malamalama atili.

Faafetai

PULEGA A LE LAUMUA.

Faasilasilaga,

Matua e,
E ofo alofa ma faatalofa atu i le suafa manumalo o Iesu Keriso, lo tatou Faaola i lenei A*o Sa paià.

Ae ao ona faailoa atu nisi o fesuiaiga tatau mo le a'ega o le tatou laumua.

1. A*o Gafua 28 Aperila, o le a faia ai le fonotaga a le auaiga Faiaoga (staff) i le itula e 9.30 i le a*o a taeao.

2. A*o Lulu 30 Aperila, i le itula e 8.00 i le taeao, e a'e mai ai Vasega 5, 6, 7 ma le 8.

3. A*o Gafua o le isi vaia*o, a*o 5 o Me, e a'e uma mai ai alo ma fanau o loo i le Pre School, Yr 1, 2, 3 & 4.

Mo le silafia matua, ua faatuai ona amatalia lenei Kuata, ona o ni mafuaaga tatau ma onomea, e ala ile tatou galuega o loo faatino nei.

Faamolemole mo nisi faamatalaga faafesootai mai le pulega ole laumua i
numera o le telefoni,(7734680 poo le 8422152).

Manuia tele lenei A*o Sa!

God bless

Pulega
Laumua Sagata Telesia.