Fuelavelave Press

Brief History: Talofa lava, matou te mua’i taia le i’ulauniu ma fa’apa’i atu ma le fa’aaloalo, e faigata auā o ou paia Samoa mai le amataga se ia o’o I le gataaga. O le māfua’aga ua ala ai ona fa’aigoa lenei ‘auauna’ga e le afioga ia Tofaeono Tanuvasa Tavale le – Fuelavelave Press® e afua ona ole ‘fue’ o le lauga a le atunu’u, e pei ona silafia e lavelave le filiga o le fue, e fa’apenā ona faigatā ma loloto le gagana ma le tofā i se failauga. O le ala lea ua a’e ai se tofā I le Afioga ia Tofaeono Tanuvasa Tavale ina fa’amaumau vaega ‘ese’ese o le aganu’u fa’a Samoa e auala mai lea I tusitusiga. O le tama lenei, ua ova atū le 40 tausaga o galue aua le lolomiina, su’esu’eina ma le teuteuina atili o tusi I le gagana Samoa. I lenei vaitaū e ova atu ma le 30 tusi, na tusiā e le tama lenei ua avea nei tusi ma alagaoa e mapu iai failauga a’o sauniuni I so’o se lauga I totonu o mafutaga I le ekalesia, nu’u fa’apea ‘aiga. E moni lava le upu i le muāgagana “o le to’oto’o e tausiā le fealofani.” E le gata fo’i I lea, a’e ua avea fo’i nei tusi e utuvaī iai tupulaga mo le malamalama atili ma le fa’aolaolaina pea o le gagana. I le tausaga e 2011 na fa’avaeina ai lenei ‘auauna’ga I le tama ma le tina ia Ivona Tofaeono Tanuvasa ma le naunauta’iga ina ia avea lenei ‘auauna’ga e tautua ai aua si o tatou nu’u pele o Samoa. I le a*o 16/02/2013 na tatala alo’aia ai le maketi fa’atau I Magele I a*o to’ana’i ta’itasi e o'o lava i lenei a*o. I le a*o 29 o Mē 2013, na tu’umalo ai le Afioga Tofaeono Tanuvasa Tavale ona o le valaaūlia I le tama I le lagi. Oi talofa’e “ua maliliu toa ma ua ma’i mau ai aupe’ga o le tauā.” Ua motu le falute ua fai i lagi le tuliga ti'a I le tama a tumuā po’o le la’au na faufausia e A’ana. E ui lava ina ua motusiā le mafutaga ma le tama, o le taofī ia avea neī tusi e fa’aolaolaina ai pea galuega lelei ma mea na mo’omo’o ai le tama ina ia fa’aaūaūina. Talofa lava and warm greetings from the treasure of the Pacific - Samoa. Inspired by his endless passion for the Samoan culture and timeless traditions The Late Tofaeono Tanuvasa Tavale QSM presents the finest collection of Samoan literature, proverbs, poems and tribal roots in the form of text. Join us as we share our commitment to liberate our father’s valuable work into the hearts and homes of Samoans living close and abroad.