07/01/2023
ព្រះមហាវិសុទ្ធិបាលោ សឺន ឈូន ព្រះជន្ម ៩០ ព្រះវស្សា
វត្តមុនីសាគរ ដើមអម្ពិល
ឃុំព្រែកតាមុំ ស្រុកជ្រោយញ ខេត្តឃ្លាំង
~~~~~~~~~~~~~~~~~~~~
តាមការការលើកឡើងរបស់លោក តាំង សារៈ ប្រធានតំបន់ នៃសហព័ន្ធខ្មែរកម្ពុជាក្រោម ប្រចាំព្រះរាជាណាចក្រកម្ពុជា បានលើកឡើងក្នុងកម្មវិធី "ជំនួបនិស្សិត បញ្ញវន្ត និងសប្បុរសជនខ្មែរក្រោម" ដែលរៀបចំដោយ សម្ព័ន្ធសមណនិស្សិត~និស្សិតខ្មែរកម្ពុជាក្រោម កន្លងទៅថា៖
សូមយើងនាំគ្នាមកឈ្វេងយល់ពីព្រះសង្ឃខ្មែរកម្ពុជាក្រោម ដែលបានទទួលគោរមងារជាទីព្រះមហា នៅឯដែនដីកម្ពុជាក្រោម ក្រោយពេលប្រឡងជាប់សញ្ញាប័ត្រពុទ្ធិកវិទ្យាល័យព្រះសុរាម្រឹត (សាលាបាលីជាន់ខ្ពស់) នៅនាទីក្រុងភ្នំពេញ ដោយទទួលបានអាហារូបករណ៍ ពីក្រសួងធម្មការនៃរាជរដ្ឋាភិបាល និងរដ្ឋាភិបាលសង្គមរាស្រ្តនិយម និងសាធារណរដ្ឋខ្មែរពីឆ្នាំ១៩៤០ ដល់ឆ្នាំ១៩៧៥ ដូចតទៅនេះ
តាមការស្រាវជ្រាវរបស់ខ្ញុំព្រះករុណា ខ្ញុំបាទរកឃើញមានចំនួន ២២ព្រះអង្គដូចខាងក្រោមនេះ៖
- ឆ្នាំ១៩៤៥ មាន ១អង្គ គឺព្រះមហាសឺន ថុង (មហាថុង) នៅខេត្តព្រះត្រពាំង។
- ឆ្នាំ១៩៥០ មាន ៨ព្រះអង្គ គឺ៖
១- ព្រះមហាហ្វុិញ កាង អតីតចៅអធិការវត្តលក្ខណវង្សឈូងធំ ឃុំទឹកសាប ស្រុជ្រោយញ ខេត្តពលលាវ។
២- ព្រះមហា ស្រី វត្តចុងផ្នោ ស្រុកផ្នោដាច់ ខេត្តព្រះត្រពាំង អតីតៈឧបការី ព្រះតេជព្រះគុណ វិនយប្បញ្ញា ថាច់ ង៉ោស ព្រះសង្ឃនាយកគណៈពុទ្ធសាសនាខេមរនិកាយ។
៣- ព្រះមហា ថាច់ ពេជ្រ អតីតៈព្រះចៅអធិការវត្តឃ្លាំង ឃុំខាញ់ហុឹង ស្រុកបាយឆៅ ខេត្តឃ្លាំង អតីតៈព្រះមេគណខេត្តឃ្លាំង អតីតៈអគ្គលេខាធិការ គណៈពុទ្ធសាសនាខេមរនិកាយ។
៤- ព្រះមហាថាច់ ជឿង (ភោគ) វត្តព្រែកឈូក ឃុំកំពង់ ស្រុកព្រែកឈូក (ឡងមៃ) ខេត្តលង់ហោរ។
៥- ព្រះមហា ហ្វុិញ គឿង វត្តមុនីសាគរ (ដើមអម្ពិល) ឃុំព្រែកតាមុម ស្រុកជ្រោយញ ខេត្តពលលាវ អតីតៈអនុប្រធានរដ្ឋសភា នៃសាធារណរដ្ឋសង្គមនិយមវៀតណាម។
៦- ព្រះមហាគង់ សុផាន់ (ហង្ស) អតីតៈចៅអធិការវត្តកោះចន្លុះ ស្រុកពាម ខេត្តក្រមួនស អតីតៈព្រះមេគណខេត្តក្រមួនស។
៧- ព្រះមហា ថាច់ ស៊ាម វត្តទេពារាមព្រៃជាប់ ឃុំទឹកសាប ស្រុកជ្រោយញ ខេត្តពលលាវ អតីតៈព្រះវិន័យធរអនុគណ ស្រុកជ្រោយញ ខេត្តឃ្លាំង។
៨- ព្រះមហា គីម សាង អតីតៈចៅអធិការវត្តផ្នោរដូង ឃុំហុីវទឺវ ស្រុកកញ្ចោង ខេត្តព្រះត្រពាំង អតីតៈនាយកគណៈពុទ្ធសាសនាថេរវាទ។
- ឆ្នាំ១៩៦០ មាន ៥ព្រះអង្គគឺ៖
១- ព្រះមហា ថាច់ ធឿន អតីតៈចៅអធិការវត្តគម្ភីរសាគរ ព្រែកជ្រៅ ឃុំស្នែត ស្រុកពលលាវ ខេត្តពលលាវ អតីតៈព្រះអនុគណស្រុកពលលាវ ខេត្តពលលាវ។
២- ព្រះមហា សឺន ឈូន ព្រះចៅអធិការវត្តមុនីសាគរ ដើមអម្ពិល (មានព្រះជន្មមកដល់បច្ចុប្បន្ន) ឃុំព្រែកតាមុម ស្រុកជ្រោយញ ខេត្តពលលាវ អតីតៈអគ្គលេខាធិការគណ ខេត្តពលលាវ។
៣- ព្រះមហា យឿង សំណាង វត្តចន្ទរង្សី ព្រៃនគរ អតីតៈឧការីព្រះតេជព្រះគុណព្រះមហាធម្មវិរិយោ គីម សាង នាយកគណៈពុទ្ធសាសនាថេរវាទ។
៤- ព្រះមហា សឺន ថាន ព្រះពហូស្សូតវត្តទេពារាមព្រៃជាប់ ឃុំទឹកសាប ស្រុកជ្រោយញ ខេត្តពលលាវ អតីតៈប្រធានគណៈអាចារ្យ និងជាប្រធានសមណប្បាតុករខេត្តពលលាវ។
៥- ព្រះមហា ថាច់ ឃៀន អតីតៈព្រះពហុស្សូតវត្តសិរីតាមុឺន ឃុំដៃនង ស្រុកព្រែកគយ ខេត្តឃ្លាំង។
- ឆ្នាំ១៩៧០ ដល់ឆ្នាំ១៩៧៥ មាន ៨អង្គគឺ៖
១- ព្រះមហា ថាច់ ភោគ វត្តព្រែកឈូក ឃុំកំពង់ ស្រុកព្រែកឈូក ខេត្តលង់ហោរ អតីតៈឧបនាយកគណៈពុទ្ធសាសនាថេរវាទ។
២- ព្រះមហា ត្រា ភោគ (កាន) វត្តឃ្លាំង ឃុំខាញ់ហុឹង ស្រុកបាយឆៅ ខេត្តឃ្លាំង អតីតៈព្រះឧទ្ទេសាចារ្យវត្តឃ្លាំង។
៣- ព្រះមហា យ៉ាញ់ អូន (មិនចាំវត្ត) ខេត្តក្រមួនស អតីតៈអគ្គស្នងការពុទ្ធិកសិក្សា នៃគណៈពុទ្ធសាសនាថេរវាទ។
៤- ព្រះមហា តាំង ណូ ព្រះចៅអធិការវត្តឃ្លាំង សង្កាត់លេខ៦ ទីក្រុងឃ្លាំង(បច្ចុប្បន្ន) ជាអនុប្រធានសមាគមព្រះសង្ឃស្នេហាជាតិ ខេត្តឃ្លាំង។
៥- ព្រះមហា ថាច់ ហូន ព្រះចៅអធិការវត្តទេពារាមព្រៃជាប់ ឃុំទឹកសាប ទីរួមខេត្តជ្រោយញ ខេត្តឃ្លាំង បច្ចុប្បន្នជាព្រះអនុគណ ទីរួមស្រុកជ្រោយយញ ខេត្តឃ្លាំង។
៦- ព្រះមហា តាំង សាយប៉ារី (ឆាយ) អតីតៈព្រះឧទ្ទេសាចារ្យវត្តឃ្លាំង។
៧- ព្រះមហា ត្រឹង យាង វត្តឃ្លាំង ឃុំខាញ់ហុឹង ស្រុកបាយឆៅ ខេត្តឃ្លាំង អតីតៈព្រះឧទ្ទេសាចារ្យវត្តឃ្លាំង។
៨- ព្រះមហា ទ្រឿង រឹន (ប៉ាក) វត្តចំប៉ា ឃុំកំពង់ធំ ស្រុកខ្សាច់ ខេត្តឃ្លាំង អតីតៈព្រះឧទ្ទេសាចារ្យវត្តចំប៉ា។
សរុបរួមក្នុងចំណោម ២២អង្គនោះគឺ៖
- ខេត្តឃ្លាំង មានចំនួន ៧ ព្រះអង្គ
- ខេត្តពលលាវ មានចំនួន ៧ ព្រះអង្គ
- ខេត្តព្រះត្រពាំង មានចំនួន ៤ ព្រះអង្គ
- ខេត្តក្រមួនស មានចំនួន ២ ព្រះអង្គ
- ខេត្តលង់ហោរ មានចំនួន ២ ព្រះអង្គ។
តែក៏អាចនៅព្រះមហាខ្លះទៀតដែលខ្ញុំព្រះករុណា ខ្ញុំបាទស្រាវជ្រាវរកមិនទាន់ឃើញ ដូច្នេះប្រសិនបើព្រះតេជព្រះគុណម្ចាស់ និងអស់លោកណាបានដឹងសូមជួយបន្ថែមតាមការគួរ៕
---------------------------------
ថ្ងៃអាទិត្យ ២រោច ខែបុស្ស ឆ្នាំខាល ចត្វស័ក ព.ស.២៥៦៦
រាជធានីភ្នំពេញ, ត្រូវនឹងថ្ងៃទី៨ ខែមករា គ.ស.២០២៣
