31/01/2025
قرارات هامة جدا من وزير التربية والتعليم
حوادث العنف، والضرب، والبلطجة،
اللي حصلت خلال الأيام الأخيرة من بعض الطلاب
كان لازم يكون ليها وقفة من حديد ..
من وزارة التربية والتعليم ..
فهناك حزمة قرارات يجب أن يعلمها الجميع .....
1- إلغاء امتحانات أي طالب يثبت عليه ارتكاب عنف، أو بلطجة، أو كان يحمل آلات حادة في المدرسة أو في محيطها، واعتباره راسبا عن العام الدراسي كله..
كما حدث من طالب المدرسة الدولية في الإسكندرية.
2- فصل نهائي لكل من ثبت عليه العنف، الطعن، البلطجة، الضرب، الشغب في اللجان، أو ترهيب المعلمين والطلاب، كما حدث في الشهادة الإعدادية بالقاهرة.
3- إلغاء امتحانات أي طالب، وفصله فصلا نهائيا، إذا قام والده أو والدته، بممارسة العنف، البلطجة، الضرب، الترهيب، ضد أي طالب أو معلم، كما حدث في محافظة المنيا من طعن إحدى الأمهات لزميل ابنها.
4- مطالبة المديريات والإدارات التعليمية، بقائمة للطلاب مرتكبي كل هذه الوقائع، وبعد إدانتهم، ليكون قرار الفصل من وزير التربية والتعليم شخصيا، بما لا يُعرض المدارس لأي ضغط أو ابتزاز أو وسائط أو علاقات.
5- حتى لو تم الصلح في أية مشكلة أو قضية ..فيه حاجة اسمها حق المجتمع
حضرتك تنازلت عن حقك انت حر أما حق المجتمع اللى حضرتك فرد فيه فلأ
أنا كوزارة أو كحكومة هجيب حق المجتمع منك بعقوبات إدارية ومليش دعوة اتصالحتوا إزاي وليه.
= اللي حصل، وبيحصل، لو اتغطى عليه لأي سبب كان، هتبقى كارثة على المجتمع كله. وطالما الإدارات والمديريات والمدارس موقفها سلبي بالشكل ده يبقى الحل عند وزير التربية والتعليم بقرارات لا تقبل التهاون.
= وزير التعليم يقدر يعملها. واللي أهله مش عارفين يربوه. واللي أهله بيشجعوه على البلطجة. يبقى الوزارة تربيه هو واللي المفروض يربوه ..
الكلام موجه لفئة معينة تعلم نفسها ..
لكننا لا ننكر أن طائفة من أولياء الأمور طبقة مثقفة جدا
وقد ربت أولادها خير تربية ..
لأجل هؤلاء وبهم تسير العملية التعليمية ..
