Uchqo‘rg‘on tuman 40-sonli umumiy o‘rta ta'lim maktabi rasmiy sahifasi

Учқўрғон туманида битирувчи ёшлар учун “Бўш иш ўрунлари меҳнат ярмаркаси” ўтказилди

Мазкур бўш иш ўринлари меҳнат ярмаркасига 256 нафардан ортиқ фуқаролар, бугунги кунда бандлиги таъминланмаган битирувчилар, ишсиз ёшлар, хотин-қизлар жалб этилди

Ушбу бўлиб ўтган бўш иш ўринлари меҳнат ярмаркасида тумандаги 46 та ташкилот, муассаса ва йирик ишлаб чиқариш корхоналари, ўзларидаги 412 та мавжуд бўш иш ўринлари билан қатнашди

Ярмаркада иштирок этган ишсиз фуқароларнинг 44 нафарига ишга жойлашиши учун йўлланмалар берилди. Шундан 36 нафари доимий иш ўринларига жойлаштирилди. Касбга тайёрлаш ва қайта ўқитиш учун 52 нафар фуқароларга йўлланмалар берилди

Шунингдек, 64 нафар фуқаролар ҳақ тўланадиган жамоат ишларига йўналтирилди. Жумладан, 6 нафар ишсиз фуқароларга субсидия асосида тикув машинаси ва сварка аппаратлари бериш орқали бандлиги таъминланди

Ярмаркаларда тижорат банклари ҳамда меҳнат органларининг малакали мутахассислари томонидан 90 нафар фуқароларга талаб ва эҳтиёжларидан келиб чиққан ҳолда тижорат банклари томонидан имтиёзли кредитлар олиш тартиби, ҳамда четда ишлаш истаги бўлган фуқароларга миграция бўлими мутахассислари томонидан етарлича маслаҳатлар берилиб, Ўзбекистон Республикасининг “Аҳоли бандлиги тўғрисида”ги Қонун доирасида кенг қамровли тушунтиришлар берилди

Таътил болаларнинг мириқиб дам олишлари, турли туман тадбирларда иштирок этиб, ижодий ва ташкилотчилик қобилятларини ривожлантиришга кенг имкон берувчи давр

"Ватанпарвар" ташкилоти Учқўрғон туман ЎСТК, туман халқ таълими бўлими, Ўзбекистон Ёшлар иттифоқи туман Кенгаши, Республика Маънавият-маърифат маркази туман бўлинмаси ҳамкорлигида тумандаги 1- сонли умумий ўрта таълим мактабида ташкил этилган кундузги оромгоҳида "Қувноқ стартлар", "Ким чаққон" ҳамда "Қувноқ эстафета" турлари бўйича спорт мусобақалари ўтказилди

Мусобақада 6-та умумий ўрта таълим мактабидан келган 150 нафардан зиёд ўқувчи ёшлар қатнашди
Якуний натижаларига кўра 1-ўрин 40-умумий ўрта таълим мактаби ўқувчилари, 2-ўрин 5-умумий ўрта таълим мактаби ўқувчилари, 3-ўрин 44-умумий ўрта таълим мактаби ўқувчилари қўлга киритдилар

Мусобақа ғолиблари эсдалик совғалари билан тақдирландилар

Учқўрғон тумани 1-сон касб-ҳунар мактабида туман ҳокимлиги, ёшлар ишлари агентлиги ҳамда туман спорт бўлими ҳамкорлигида аҳоли ва ёшлар ўртасида спортнинг шахмат ва шашка турлари бўйича “Туман сектор раҳбари кубоги” учун мусобақа ташкил этилди
Мусобақада 7 ёшдан 70 ёшгача бўлган спортчилар иштирок этди. 11-15 ёшли иштирокчилар ўртасидаги беллашувда 40-умумий ўрта таълим мактаби ўқувчилари фахрли 1-ва 2-ўринларни эгалладилар. Мусобақа натижаларига кўра ғолиб ва совриндорларга сектор раҳбарнинг совғалари топширилди

9-may "Xotira va qadrlash kuni" munosabati bilan maktabimizda ko'p yillar mobaynida mehnat qilib, o‘quvchi-yoshlarga ta'lim-tarbiya bergan va xozirda nafaqada bo‘lgan faxriy ustozlarimiz Salomov To‘lamirza domla hamda Jo‘rayeva Ra'noxon ayalar xolidan xabar olindi.

Xotira o‘zlikni anglash, o‘tmishni doimo yodda tutishga da'vat etib turadigan muqaddas tuyg‘udir.
9-may "Xotira va qadrlash kuni" munosabat bilan 40-umumiy o‘rta ta'lim maktabida "Xotira aziz, qadr-muqaddas" deb nomlangan tadbir bo‘lib o‘tdi. Kunning boshida ustozlarimizga maktab sardorlari "Sharaf lentalari"ni taqdilar.
Faollar zalida esa boshlang‘ich sinf o‘quvchilari ijrosidagi badiiy tadbir barchaga xush kayfiyat ulashdi. Undan so‘ng esa maktabimiz hovlisida yuqori sinf o‘g'il bolalari o‘rtasida milliy xalq o‘yinlari, sport musobaqasi bo‘lib o‘tdi. Musobaqa baxs munozaraga boy bo‘ldi.

Vatan-ostonadan boshlanadi.
Inson dunyoga kelishi bilan Vatan oldidagi burchi hamda vazifasi u bilan birga bo‘ladi.
Shu tushunchani yosh avlodga singdirish, jinoyatchilik hamda huquqbuzarlikni oldini olish, turli oqimlarga kirib qolmaslik, insoniylik vazifalarni shakllantirish maqsadida Uchqo‘rg‘on tumanidagi 40-umumiy o‘rta ta'lim maktabida yuqori sinf o‘quvchilarining ota-onalariga "Ogohlik-davr talabi" mavzusida yig‘ilish bo‘lib o‘tdi.
Yig‘ilishga tumanimizning mutasaddi tashkilot rahbarlari taklif etildi.
Ota-onalar milliy kuy sadolari ostida kutib olindi.
Maktabda tashkil etilgan badiiy to‘garak azolarining chiqishlari yurtimizdagi tinchlik va osoyishtalik shukuhini yana bir bor ko‘rsatdi. Shundan so‘ng ekstremistik harakatlarning salbiy oqibatlari haqidagi videolavha namoish etildi.
Yiĝilish so‘ngida esa maktabning faol o‘quvchilarining ota -onalariga tashakkurnoma hamda esdalik sovg‘alari topshirildi. Ota-onalar bilan hamkorlikda ishlashning ijobiy natijalari birma-bir misollar bilan aytilib bunday faoliyatni yanada kuchaytirish kerakligi kelishib olindi.

2022-yil 25-aprel kuni maktabimizda O‘zbekiston Respublikasi Prezidentining yoshlarni tarbiyalashda besh muxim tashabbusidan kelib chiqib, yoshlarni musiqa, rassomchilik, teatr va san’atning boshqa turi bo‘yicha turlariga qiziqishlarini oshirish maqsadida Namangan viloyati “Yosh aktyorlar maktabi” MCHJ tashabbusi bilan mamlakatimizdagi taniqli san’at ustalari ishtirokida “Yangi O‘zbekiston yoshlar nigohida” shiori ostida ijodiy uchrashuv o‘tkazildi.
Uchrashuvga serqirra ijodkor, qo‘shiqch va aktyor, bolajonlarimizga “Kichkina tabib” filmidagi ajoyib roli bilan tanilgan Dilshodbek Kattabekov tashrif buyurdi.

Uchqo‘rg‘on tuman XTB ga qarashli 40-sonli umumiy o‘rta ta'lim maktabi 20-aprel kuni 7-a sinf o‘quvchilari ishtirokida buyuk shoir o‘tkir qalam sohibi. Satrlardagi soddalik va xalqonalik kuychisi Muhammad Yusuf tavvaludi munosabati bilan o‘tkazilgan "Zakovat" bellashuvidan fotolavhalar.

40-umumiy o‘rta ta'lim maktabida 5 ta muxum tashabbus bo‘yicha doira to‘garagi ham doimiy o‘tkazilib borilmoqda mashg‘ulotlardan fotolavha.
To‘garak rahbari Qobiljon Bannayev

Учқўрғон туман маданият маркази “Қўғирчоқ театрт” тўгараги рахбари томонидан 40-мактабда 5-ташаббус асосида ўқувчилар ўртасида машғулотлар ўтказилди.Ўқувчиларга эртаклар асосида сахна беъзаклари тайёрлаш хақида тушунча берилди. Тўгарак рахбари Ф.Ботировa

2022 йил 19-апрель куни Учқўрғон туман маданият маркази ходимлари томонидан 5-ташаббус аосида тумандаги 40-мактабда машғулотлар ўтказилди. Машғулотда ёш китобхонларга Ўзбекистон халқ шоири М.Юсуф таваллудининг 86 йиллиги олдидан хаёти ва ижоддан тушунтиришлар берилди