2maktab_toshloq

23/01/2023

III CHORAK O'QUV MASHG'ULOTLARI BOSHLANDI
Toshloq tumanidagi barcha umumiy oʼrta taʼlim maktablarida 2022-2023 oʼquv yilining 3 chorak oʼquv mashgʼulotlari boshlandi.

Jumladan tumanimizdagi 2-umumiy oʼrta taʼlim maktabida chorak boshlanishi oldidan oʼquvchilar uchun umumiy saflanish boʼlib oʼtdi. Unda nafaqat oʼquvchilar, balki ota-onalar ham ishtirok etdilar.

Yigʼinda maktab direktori I. Karimov oʼquvchilarga maktabga kelishda yoʼl xavfsizligi qoidalariga rioya qilish, sirgʼanchiq yoʼllardan yurmaslik, xonalardagi issiqlikni taʼminlash, sinf xonalari eshiklarni ochiq qoldirmaslik zarurligini taʼkidladi.

Maktab direktorining MMIB oʼrinbosari H. Solieva oʼquvchilar oʼrtasida is gazidan ehtiyot boʼlish, botulizm kasalligi haqida tushuncha berdi.

Ertalabki saflanish tadbirida ishtirok etgan ota-onalar maktab maʼmuriyatiga oʼz minnatdorchiliklarini izhor etish bilan birga maktabni qish-qirovli kunlarda oʼqishga tayyorlash uchun yordam bergan tuman hokimligiga ham rahmatlar aytishdi.

Maktabda oʼquv jarayonlarining boshlanishi munosabiti bilan oʼquv xonalarida qaynatilgan suv tashkillandi. Oʼquv xonalaridagi havo harorati oʼrtacha 18-20 gradusni tashkil etadi.

07/12/2022

07/12/2022

Конституция бахтимиз қомуси
Бугун хорижий тилларга ихтисослаштирилган 2-умумий ўрта таълим мактабида Ўзбекистон Республикаси Конституцияси қабул қилинганлигининг 30 йиллигига бағишланган “Конституция бахтимиз қомуси” мавзусида маънавий-маърифий тадбир бўлиб ўтди.
Тадбирни туман ХТБ мудири А. Солиев очиб Ўзбекистон Республикаси Конституцияси қабул қилинганлигининг 30 йиллиги куни муносабати билан йиғилганларни табриклади. Ўқувчилар томонидан Ўзбекистон Республикаси Давлат мадҳияси ижро этилди.
Тадбирда, туман ҳокимининг туман хокимининг Ёшлар сиёсати,ижтимоий ривожланиш ва маънавий-маърифий ишлар бўйича ўринбосари Э. Мадаминов сўзга чиқиб, Асосий қонунимиз ўзининг тамойиллари ва қоидалари билан мамлакатимиз тақдири, ҳар бир инсоннинг ҳуқуқ ва эркинликларини белгилашда муҳим ҳужжат эканлигини таъкидлаб, устоз-мураббийлар, ўқувчиларни байрам билан табриклади.
Тадбирда халқ таълими тизимидаги ислоҳотларни амалга оширишдаги хизматлари, ёш авлодни она Ватанга муҳаббат, миллий ва умуминсоний қадриятларга ҳурмат руҳида тарбиялашга қўшган ҳиссаси учун бир гуруҳ устоз мураббийлар туман ХТБнинг фахрий ёрлиқ ва эсдалик совғалари билан тақдирландилар. Шунингдек асосий фан олимпиадаларида вилоят миқёсида ғолибликни қўлга киритиб республика босқичига йўлланма олган ўқувчиларга ҳам туман ХТБнинг эсдалик совғалари ва фахрий ёрлиқлари топширилди.
Ўтказилган тадбирга хорижий тилларга ихтисослаштирилган 2-умумий ўрта таълим мактаби ўқувчилари томонидан ижро этилган куй ва қўшиқлар ўзгача завқ бағишлади.
А. Нишонов,
шу мактабнинг ижодий-маданий масалалар бўйича тарғиботчиси.

03/12/2022

Bugun xorijiy tillarga ixtisoslashtirilgan 2-umumiy o‘rta ta’lim maktabida O‘zbekiston Respublikasi Konstitutsiyasi qabul qilinganligining 30 yilligiga bag‘ishlangan “Zakovat” intellektual o‘yini bo‘lib o‘tdi.

Zukkolar bahsida maktabning 5-sinflardan tashkil topgan 4 ta jamoasi ishtirok etdi. 3 tur bo‘yicha bo‘lib o‘tgan bilimlar bellashuvida eng ko‘p bal to‘plagan 5 F sinf o‘quvchilari g‘oliblikni qo‘lga kiritdilar.

G‘oliblarga maktab ma’muriyati tomonidan Faxriy yorliq va kitoblar sovg‘a qilindi.

26/10/2022

Президент ҳузуридаги Давлат бошқаруви академияси бўлим мудири Нурали Шодиев бугун тумандаги 2-умумий ўрта таълим мактаб ўқувчилари билан самимий учрашув ўтказди.
📍 Ушбу учрашув қизғин бахс мунозара ва савол жавобларга бой тарзда ўтди. Тадбир якунида иқтидорли ўқувчиларга халқ таълими бошқармаси томонидан эсдалик совғалари топширилди.
📍 Шу ўринда мактабнинг анъанасига мувофиқ Нурали Шодиевга мактабнинг фахрий ўқитувчиси ёрлиғи топширилди.

15/10/2022

https://online.fliphtml5.com/gmofn/yzns/

2022 йил 13 октябрь

05/10/2022

Maktabdagi informatika to'garagi

05/10/2022

Maktabdagi ingliz tili to'garagida

30/09/2022

https://online.fliphtml5.com/gmofn/gjep/

2022 йил 30 сон

23/09/2022

https://online.fliphtml5.com/gmofn/xeju/

2022 йил 24 сентябрь

05/09/2022

БИЛИМЛАР САРИ ЧОРЛАР БИРИНЧИ ҚЎНҒИРОҚ
Бугун юртимиздаги барча мактабларда биринчи қўнғироқ жаранглади. Бу қўнғироқ бу йил биринчи марта мактаб остонасига қадам босган болакайлар учун чин маънодаги илк қўнғироқ бўлди.
Туманимизда “Янги Ўзбекистонда эл азиз, инсон азиз” шиори остида ўтказилган “Билимлар куни” ўқувчи ёшлар, ота-оналар ҳамда кенг жамоатчилик вакиллари иштирокида кўтаринки кайфиятда бўлиб ўтди. Айниқса, 1-синфга қабул қилинган 3891 нафар болаларга тантанали равишда “Президент совғалари”ни топширилиши болажонларга олам-олам қувонч улашди.
Байрамона руҳда ўтаётган “Билимлар куни” тадбирларида туман ҳокими А.Джурабаев иштирок этди. Тумандаги 43-умумтаълим мактабидаги биринчи қўнғироқ тадбирида ўқувчиларни янги ўқув йили билан табриклади.
2022-2023 ўқув йилида 7-, 20-, 43-сонли умумий ўрта таълим мактабларида ўқувчилар янги қурилган ўқув биноларида барча шароитларга эга синфхоналарда таълим-тарбия оладилар.
Тадбирда сўз олган туман ҳокими ўқувчиларни Билимлар куни билан қутлаб, юксак марралар сари дадил парвоз этиб, илм-маърифат чўққиларини забт этишларида омад ва муваффақиятлар тилади. Сўнг туман ҳокими мактабнинг 1-синф ўқувчиларига «Мустақиллик дарси»ни ўтди.
Таълимни ривожлантириш масаласи Президентимиз бошчиликларида олиб борилаётган ислоҳотларнинг, бугунги кун сиёсатининг бош масаласига айланди. Тадбирда давлатимиз раҳбари мустақиллигимизнинг ўттиз бир йиллигига бағишланган тантанали маросимда сўзлаган нутқида устувор қилиб ажратиб берган 5 та муҳим йўналишнинг биринчиси таълим этиб белгилангани, 2022-2026 йилларга мўлжалланган Янги Ўзбекистоннинг тараққиёт стратегиясидан ҳам таълимни, инсон капиталини ривожлантириш асосий вазифалардан бири сифатида ўрин олганига эътибор қаратилиб, Фарғонада ҳам барча босқичдаги таълимни ривожлантириш бўйича умумвилоят ҳаракатига старт берилгани маълум қилинди.
Туманда жорий ўқув йилида таълим муассасаларига жами 3891 нафар ўқувчилар қабул қилинган бўлиб, уларга 12 турдаги ўқув қуролларидан иборат “Президент совғалари” тантанали топширилди.
Туманимиздаги хорижий тилларга ихтисослаштирилган 2-сонли умумий ўрта таълим мактабида ўтказилган “Биринчи қўнғироқ” тадбирида вилоят ҳокимининг ўринбосари, вилоят ҳокимлиги оила ва хотин-қизлар бошқармаси бошлиғи К. Кавлонова иштирок этиб 1-синфга қабул қилинган жажжи болажонларга Президент совғаларини тантанали равишда топширди.
“Янги Ўзбекистонда эл азиз, инсон азиз” шиори остида ўтказилган Мустақиллик дарсида мамлакатимизда мустақиллик йилларида ижтимоий-сиёсий, иқтисодий, маънавий-маърифий, ташқи сиёсат ва хавфсизликни таъминлаш борасида эришилган ютуқлар, ёшларни қўллаб-қувватлаш борасида давлатамизда амалга оширилаётган ислоҳотлар тўғрисида маълумотлар бериб ўтилди.
Абдураҳмон Нишонов,
Мактабнинг ижодий-маданий масалалар бўйича тарғиботчиси.