Imom Termiziy Madrasasi

VAQT QADRI

▪️Agar bir umrning qadrini bilmoqchi boʻlsang – kapalaklardan soʻra.

▪️Agar 10 yilning qadrini bilmoqchi boʻlsang – 20 yoshida nogiron boʻlib qolgan 30 yoshli odamdan soʻra.

▪️Agar 1 yilning qadrini bilmoqchi boʻlsang – imtihondan yiqilgan talabadan soʻra.

▪️Agar 1 oyning qadrini bilmoqchi boʻlsang – farzandi 8 oyda tugʻilgan onadan soʻra.

▪️Bir kunning qadrini bilmoqchi boʻlsang – hosili kuz yomgʻirida qolgan dexqondan soʻra.

▪️Bir soatning qadrini bilmoqchi boʻlsang – uyiga bir soat kech kelgan tarbiyali farzanddan soʻra.

▪️5 daqiqaning miqdorini bilmoqchi boʻlsang – poyezdga kech qolgan yoʻlovchidan soʻra.

▪️Bir daqiqaning oʻndan bir qadr-miqdorini bilmoqchi boʻlsang – bemorni kasalxonaga olib kelayotgan shofyordan soʻra.

♻️Энди бизни қуйидаги манзилларда ҳам кузатиб боришингиз мумкин👇

Telegram (https://t.me/termiziylar)|Facebook (https://www.facebook.com/termiziylar/)|imomtermiziy.uz| Instagram (https://www.instagram.com/imomtermiziy/) | YouTube (https://www.youtube.com/channel/UC7Uh0hMD8jlXMS2fFc3iV2w)

АМАЛИМИЗ ЯГОНА ВА ҚАҲҲОР ЗОТ УЧУНДИР!

Салафийларга раддия борасида фойдали савол-жавоблар:
— Агар сиздан Салафий «Аллоҳ қаерда?» деб сўраса, унга нима деб жавоб берасиз?
— Унга «Аллоҳ азалда, азалда Ундан бошқаси бўлмаган» деб айтилади. Азалда осмон, Арш ва Курсий бўлмаган. Макон ҳам, томон ҳам бўлмаган. Аллоҳ маконсиз ва томонсиз мавжуддир! — Агар Салафий сиздан «Маконсиз ва томонсиз мавжуд бўлиш ақлга сиғадими?» деб сўраса, нима деб жавоб берасиз? — Унга «Аллоҳ таоло макон ва томонни яратишидан олдин, маконсиз ва томонсиз мавжуд бўлганидек, маконни ва томонни яратганидан сўнг ҳам маконсиз ва томонсиз мавжуд бўлиши дуруст бўлаверади. Бу нарса Аллоҳнинг мавжудлигини бекор қилмайди!» деб айтилади.
— Агар қайсарлик қилиб, «Сен Роббингни инкор қилаяпсан» деб айтса, нима деб жавоб берасиз?.
— Унга «Сен гумонинг бўйича Набий соллаллоҳу алайҳи васалламга Роббини инкор қилган, деб туҳмат қилган бўласан. Чунки, Набий соллаллоҳу алайҳи васаллам шундай деб айтганлар: «Аллоҳ бор эди ва Ундан бошқа бирор нарса бўлмаган!» (Имом Бухорий ривоят қилган)», деб айтилади.
— Агар сиздан «Аллоҳнинг Зоти бор деб биласанми?» деб сўраса, нима деб жавоб берасиз?.
— Унга «Аллоҳнинг Зоти деганда бошқа ҳақиқатларга ўхшамаган Аллоҳнинг ҳақиқати тушунилади. Аммо, сенинг наздингдаги Зот эса, жисмдир!» деб айтилади.
— Салафий сиздан «Аллоҳ оламнинг ичидами ёки ташқарисида?» деб сўраса, нима деб жавоб берасиз?.
— Унга «Олам йўқ пайти ҳам Аллоҳ азалда эди. Аллоҳ оламнинг ташқарисида, дейилмайди. Олам яратилганидан сўнг Аллоҳ оламнинг ичида бўлди, деб ҳам айтилмайди. Чунки, Аллоҳ ўзгармайди. «Ҳидаятул ҳаяро» деган китобда Ибн Қоййим роҳимаҳуллоҳ: «Балки, Пайғамбарларнинг барчаси аввалидан охиригача битта эътиқодда бирлашади», деб келтирадилар ва пастроқда «Тўртинчиси (яъни, Аллоҳ таоло ҳақида эътиқод қилиш лозим бўлган шартлардан бири): Аллоҳ таоло ўзгармайди» деб зикр қиладилар», деб айтилади.
— Агар Салафий сиздан (устингиздан мазаҳ қилиб) «Аллоҳ таоло ўзгармайди» деган сўзнинг маъноси нима?», деб сўраса, нима деб жавоб берасиз?.
— Унга «Аллоҳ таоло маконни яратишидан олдин маконсиз азалда бор эди. Уни яратганидан кейин ҳам азалда маконсиздир. Чунки, У Зот ўзгармайди», деб айтилади.
— Агар Салафий сиздан «Аллоҳ тепада ҳам эмас, пастда ҳам эмас, олдинда ҳам эмас, орқада ҳам эмас, ўнгда ҳам эмас, чапда ҳам эмас, деган сўзингни қаердан олиб гапираяпсан?» деб сўраса, нима деб жавоб берасиз?. (Димашқияларнинг сўзи).
— Унга «Унга (Аллоҳга) ўхшаш бирор нарса йўқдир», оятидан. Тепа деган нарсанинг эса кўплаб мисоллари бордир. Бизнинг айтган сўзимизни Аҳли сунна вал жамоанинг эътиқодини нақл қилиб келтирган Имом Таҳовийнинг сўзлари ҳам қўллаб-қувватлайди: «Аллоҳ таолони яратилган нарсаларда бўлганидек, олти томон ўраб турмайди!» деганлар», деб айтилади.
— Агар Салафий сизга «Агар Аллоҳ оламнинг ичида ҳам, ташқарисида ҳам бўлмаса, сизлар Роббингизни зое қилибсиз» деб айтса, нима деб жавоб берасиз? (Димашқияларнинг сўзи).
— Унга «Олам Аллоҳ таолонинг йўқдан бор қилган яратган махлуқи. Азалда фақат Аллоҳ бордир. Аллоҳ Ўзининг ягона эканини айтади! Сизларнинг мусибатингиз Аллоҳ таолони тасаввурингизга солиб, махлуқотларига солиштиришингиз ва бунга эътиқод қилишдан бошқасини қабул қила олмаслигингиздир! Бу шайтоний солиштиришдир!» деб айтилади.
— Агар Салафий сизга «Аллоҳ таоло бирор макон тутмаган ҳолда Аршнинг устида мавжуддир» деб айтса, унга нима деб жавоб берасиз? — Унга «Набий соллаллоҳу алайҳи васалламдан Аршнинг устида китоб (Лавҳул маҳфуз) борлиги собит бўлган» деб айтилади.
— Агар Салафий сизга «Аллоҳ таоло Аршдан юқорида махлуқ бўлмаган (яратилмаган) томондадир» деб айтса, нима деб жавоб берасиз?
— Унга «Сен «Яратилмаган томон» деган сўзинг билан Аллоҳ таолога азалда шерик бор деган бўласан. Бу ширк ва залолатдир!», деб айтилади. Бир муддат илгари ўзимизники бўлмаган бир (интернетдаги) жамоада Аллоҳ таолони осмонда яшайди, дейдиган қайсар Салафийга раддия берган эдим. — Унга «Аллоҳ таолонинг барча нарсани яратувчиси эканига иймон келтирасанми?» дедим. — У «Ҳа» деди. — Унга «Аллоҳ таолонинг «Аллоҳ таоло оламлардан беҳожатдир» оятига иймон келтирасанми?» дедим. — У «Ҳа» деди. — Унга «Сен ўзинг ҳозир ақидангни ботил эканини тасдиқладинг! Зеро, Аллоҳ таоло маскан тутадиган маконга муҳтож эмас. Чунки, У Зот оламлардан беҳожатдир!» дедим. Сўнг жамоадагилар уни жамоадан Аллоҳнинг фазли ила чиқариб юборишди…

✍️ Ҳайбатулло РАШИДОВ - Шўрчи тумани “Толли ота жоме масжиди” имом хатиби

♻️Энди бизни қуйидаги манзилларда ҳам кузатиб боришингиз мумкин👇

Telegram (https://t.me/termiziylar)|Facebook (https://www.facebook.com/termiziylar/)|imomtermiziy.uz| Instagram (https://www.instagram.com/imomtermiziy/) | YouTube (https://www.youtube.com/channel/UC7Uh0hMD8jlXMS2fFc3iV2w)

ҲИЗБУТ-ТАҲРИРЧИЛАРНИНГ АЙРИМ АМАЛИЙ ВА АҚИДАВИЙ БУЗУҚ ҚАРАШЛАРИ

Тоифани чуқурроқ ўрганган киши уларнинг ақида ва амалиётларидаги айрим мантиқсизликларни кўриб ҳайратга тушиши табиий. Масалан Ҳизб раҳнамоси Набаҳонийнинг савол-жавоблар жамланмасида “Ислом давлатида кофир шахснинг ҳарбий қўмондон бўлиши мумкин, шунингдек, исломий парламентга кофир шахснинг аъзо бўлиши ҳам мумкин” дейилган. (Робиъус-соний 1390 ҳж). Албатта, гуруҳларини тан олмаган ва фаолиятларини чеклаб қўйган ҳар қандай мусулмон раҳбариятни ҳеч иккиланмасдан кофирга ҳукм қилувчи ҳизбийларнинг бу қарори ақлларни лол қолдирувчи мантиқсизликдан бошқа нарса эмас.
Ҳизбчилар бир қанча ақидавий муҳим масалаларда уммат етакчилари бўлмиш аҳли сунна уламоларига беодобона хилоф қилишганки, бу билан аҳли суннат ва жамоатдан ажраб кетишган:
 Муқаллиднинг иймони саҳиҳ деб эътиборга олиниш масаласи. Аҳли сунна жамоасининг таълимотига кўра, ота-боболарининг йўлига эргашган ҳолда мусулмон эканини айтиб, ўз иймонини ҳар тарафлама илмий исботлаб беришдан ожиз саводсиз киши мўмин-мусулмон деб ҳисобланаверади. Бу масалада ҳизбнинг фикри бошқача. Яъни, уларнинг таъкидлашича мўмин киши мўмин эканлигини илмий асослар билан исботлаб бермас экан у мусулмон эмас.
 Қабр азоби, Дажжол фитнаси каби муҳим эътиқодий ҳақиқатларга иймон келтириш масаласи. Ҳанафий мазҳаби асосчиси, аҳли суннат раиси имоми Аъзам Абу Ҳанифа раҳимаҳуллоҳ ўзлариниг “Фиқҳи Акбар” номли китобларида бу масалани қуйидагича баён қилганлар: “Қабрда Мункар ва Накир исмли фаришталарнинг кириб, марҳумдан савол сўрашлари ҳақ ва ростдир. Қабрда бандага руҳнинг қайтарилиши, қабрнинг кофирлар ва баъзи гуноҳкор мусулмонларни қисиши, уларнинг қабр азобини тортишлари ҳақ ва ростдир. Дажжол ва Яъжуж-Маъжужнинг чиқишлари, қуёшнинг кун ботар томонидан чиқиши, Исо алайҳиссаломнинг осмондан тушишлари ва бошқа қиёмат аломатлари саҳиҳ хабарларда зикр этилганидек ҳақ ва ростдир!”. Бу ҳақиқатларни Ислом тарихида фақатгина ҳаддан ошган, асосли илмдан узоқда бўлган ва замон зайли билан йўқ бўлиб кетган нобакор тоифаларгина инкор қилган эдилар. “Ҳизб”чилар ҳам уларнинг эътиқодий бузуқликларини такрорлаб умматга қарши томонга ўтишган.
 Амри маъруф наҳй мункар масаласи. Аҳли сунна таълимоти бўйича ҳар бир мусулмоннинг зиммасида қирқта муҳим фарз масъулиятлари бордир. Эзгулик, яхшиликка чақириб, ёмонликдан қайтариб насиҳат қилиш ўша қирқ фарзнинг ичидан ўрин олган фарз амаллардандир. Ҳизбчиларнинг иддаосича амри маъруф ва наҳй мункарни шахс эмас исломий давлат бажаради, исломий давлат йўқ экан ҳеч кимга амри маъруф ва наҳй мункар вожиб бўлмайди эмиш…
Ҳизбчиларнинг амалий масалалардаги мудҳиш хатоларидан бири шуки, улар фаҳш сурат ва видеоларни кўриш, номаҳрам аёлни ўпиш каби шарманда ишларни мубоҳ санайдилар.

✍️ Ҳайбатулло РАШИДОВ - Шўрчи тумани “Толли ота жоме масжиди” имом хатиби

♻️Энди бизни қуйидаги манзилларда ҳам кузатиб боришингиз мумкин👇

Telegram (https://t.me/termiziylar)|Facebook (https://www.facebook.com/termiziylar/)|imomtermiziy.uz| Instagram (https://www.instagram.com/imomtermiziy/) | YouTube (https://www.youtube.com/channel/UC7Uh0hMD8jlXMS2fFc3iV2w)

#Раддия
ХАВОРИЖЛАР КИМЛАР?

“Хаворижлар” деб аталган тоифа анъанавий исломдан – аҳли суннат ва жамоатдан илк ажралиб чиққанлар гуруҳи бўлиб, Расулуллоҳ соллаллоҳу алайҳи ва саллам уларни “дажжол малайлари” ва “дўзах итлари”, деб атаганлар ва доимо огоҳлантирганлар. Уламолар эса хаворижларнинг кимлар экани, қандай бўлишлари ва алоҳида хусусиятлари борасида фикр билдириб ўтганлар. Уларнинг якдил фикрлари шуки, хаворижлар ўз подшоҳларига ва давлатлари раҳбарларига қарши чиқувчи ва ўз юртларини уруш-жанжаллар гирдобига тортувчи бахтсиз нокаслардир.

✍️ Ҳайбатулло РАШИДОВ - Шўрчи тумани “Толли ота жоме масжиди” имом хатиби

♻️Энди бизни қуйидаги манзилларда ҳам кузатиб боришингиз мумкин👇

Telegram (https://t.me/termiziylar)|Facebook (https://www.facebook.com/termiziylar/)|imomtermiziy.uz| Instagram (https://www.instagram.com/imomtermiziy/) | YouTube (https://www.youtube.com/channel/UC7Uh0hMD8jlXMS2fFc3iV2w)