Халқ Дарди Расмий

29/04/2025

Манинг мурожаатим қуйидагича:

Ўғлим Махмудов Давлатжон Учқўприк туманидаги 28-мактаб филиали — 2-Идим мактабида 9-“Д” синфда таълим олмоқда.

2025 йил 25 апрель куни ўғлим мактабга бориб, синфига кирганида ўз ўрнига ўтирмоқчи бўлган. Бир неча синфдоши унга қаршилик қилган. Ўғлим барибир ўрнига ўтирганида, 3 нафар синфдоши уни калтаклашган. Уруш пайтида ўқувчилардан бири телефон билан ўғлимнинг кўз атрофига уриб, жароҳат етказган.

Бу воқеа 3 соат давом этган информатика дарси пайтида, ўқитувчи синфда бўлган ҳолда содир бўлган. Афсуски, ўқитувчи жанжални тўхтатиш ўрнига шахсий телефони билан шуғулланган ва бу ҳолатга бефарқ қараган.

Ўғлим синфдошлари томонидан шифохонага олиб борилган. Мен борганимда ўғлим ранги оқариб, кўз атрофи кесилган ҳолда ётарди. Бирор биринчи ёрдам кўрсатилмаган. Ўғлимнинг юзига 2 тикиш қўйилди. Ўша пайтда информатика ўқитувчиси келиб, “Менга орқада кўзим йўқ” деб жавоб бериб, кетиб қолди. Ҳеч ким аҳволдан хабар олмади.

Ўша куни мактабгача таълим бўлимидаги болалар психологи менга қўнғироқ қилиб, “келишайлик” деди. Мен эса “Қонун томонидан гаплашаман”, деб жавоб бердим.

Ҳозир эса ўғлимнинг устозлари ва синфдошлари шифохонага бориб, унга босим ўтказишмоқда. “Мактабга борсанг, сени тинч қўймаймиз”, деб таҳдид қилишяпти. Ўғлим эса мактабга қайтишдан, ҳатто кўчага чиқишдан ҳам қўрқяпти.

Қонун қаерда? Нега шундай масъулиятсиз раҳбарлар ва ўқитувчилар мактаб ва мактабгача таълим муассасаларида ишлашга йўл қўйилмоқда?

Мен сизлардан — мактабгача таълим бўлими раҳбаридан, мактаб директори ва синф раҳбаридан ҳамда масъулиятсиз информатика ўқитувчисига нисбатан қатъий чора кўришингизни сўрайман.

Ҳурмат билан,
Мелиқузиева Дилоромхон

uz

28/04/2025

Қўқон: Ёзилмаган қонунлар ва унутилган шаҳар

Қўқонда ҳанузгача ёзилмаган қонунлар ҳукм суради. Кимдир хоҳлаган жойини эгаллайди, ҳеч кимдан уялмайди. Ерлар берилади, унинг ҳужжатлари тайёрланади, қурилиш нормаларига мос келадими-йўқми ҳеч кимнинг иши йўқ. Фуқаролар манфаатлари эса ҳеч кимни қизиқтирмайди.

Шу сабаб, биз қўқонликлар, сабр билан кутяпмиз.

Жаноб Президент, Қўқонга ташриф буюринг!

Қўқоннинг бугунги аҳволи Ислом Каримов давридан қолган тартибсизликларни эслатади: ҳар тарафда латта-путта дўконлар, носоғлом бозорлар, қулаётган бинолар. Шаҳар аҳволига қараб, кўнгил оғрийди.

33 йилда Қўқонда давлат маблағи ҳисобидан нима қурилди? Йўқ. Бугун Қўқонда қандай объектлар бўлса, ҳаммаси тадбиркорларнинг ҳисобига қурилган. Давлат томонидан фахрланадиган ягона бино 90-йилларда қурилган NBU банкидир, холос. Шаҳар кўпроқ туманга ўхшайди.

Қўқон ўз юзи ва шарафини йўқотмоқда.

Раҳбарлар эса энг кичик дўкон ёки сомсахона очилганда лента қирқиш билан банд. Савол: қачон йирик завод-фабрикалар қурилади? Қачон Қўқон халқи учун муносиб иш ўринлари яратилади? Қачон замонавий йўллар таъмирланади?

Наманганга борсангиз худди пойтахтда юргандек бўласиз. Андижонга кирсангиз Бобур ва Темурийлар шон-шуҳратини ҳис қиласиз.
Аммо Қўқонда фақат надомат ва алам бор.

Биз қўқонликлар, футболни яратган шаҳармиз. Лекин бугун футболимиз ҳам Қўқон каби иложсиз ҳолатда.

Жаноб Президент, Қўқонга келинг!

Фақат фестиваль учун эмас. Шаҳарнинг ҳақиқий аҳволини кўриш учун келинг. Қўқон бизнинг фахримиз эди. Ҳозир эса у забонга тушган вайрона ҳолатга келди. Фестивалларга тайёргарлик қилинаётган бўлиши мумкин, аммо Қўқоннинг қалби ва руҳи ачинарлик.

#

16/02/2025

Ҳурматли Президентимиз, Шавкат Миромонович Мирзиёевга мурожаат!

Мен, Тожиева Дилноза Улуғбек қизи, Хоразм вилояти, Бог‘от тумани, Боғзор маҳалласи, Илҳом кўчаси, 9-уйда яшайман.

Йошлар дафтаридан субсидия асосида тикув машинаси олиш учун ариза берган эдим. Президентимиз веб-сайти орқали қилган мурожаатимдан сўнг, маҳалламиз ёшлар етакчиси М. Нуриметов (тел.: 94 004 33 22) бир ой олдин уйимизга келиб, “Бир ҳафта ичида ёшлар дафтарига киритиласиз, шу тушунтириш хатига имзо қўйсангиз, тез орада тикув машинасини ҳам оласиз” деб ваъда берган эди.

Мен унга ишониб, талаб қилинган ҳужжатларга имзо чекдим. Аммо бир ой ўтса-да, на ёшлар дафтарига киритилдим, на ваъда қилинган ёрдамни олдим.

Шу сабабли, “Халқ дарди” админларидан ва масъул органлардан илтимос қиламан: менинг мурожаатимни муҳтарам Президентимизга етказишда амалий ёрдам беринг!

Мен ҳам ўз ишимни бошлашни, ҳалол меҳнат билан тирикчилик қилишни истайман. Аммо ваъда қилинган ёрдамларнинг амалга ошмаслиги менинг орзу-умидларимни чиппакка чиқармоқда.

Илтимос, бу ишга эътибор беринг ва адолат ўрнатишда ёрдам беринг!

Телефон рақамим: +998 94 055 25 30
uz




uz

20/01/2025

09/01/2025

Фарғона транспорт прокуратураси томонидан 2024 йилнинг 2 январь куни «Марғилон-Олтириақ» темир йўл бекатлари оралиғида содир бўлган фуқаро А.С.Саримсоковни ўз эҳтиётсизлиги сабабли ҳаракатдаги поезд уриб юбориши оқибатида вафот этганлиги ҳолати бўйича Фарғона вилояти, Қўштепа тумани, “Хумдон” маҳалла фуқаролар йиғини фаоллари иштирокида муҳокама қилинди.

Ўтказилган тадбир давомида бу турдаги салбий ҳолатларни содир этилишига йўл қўймаслик борасида фикр алмашилиб, ҳуқуқни муҳофаза қилувчи органлар, транспорт корхоналари, таълим муассасалари ҳамда маҳалла йиғинлари ўртасида ҳамкорлик ишларини янада кучайтириш чора-тадбирларини амалга ошириш белгиланди.
Манба:Транспорт прокуратураси

Telegram Instagram Facebook

04/01/2025

Ассалому алайкум ҳурматли юртдошлар!

Мен Фарғона вилояти, Дангара тумани, Қизилмушт МФЙ, Зумрад кўчаси, 11-уйда яшайман. Менинг фарзандам 6 ойлик бўлиб, ногиронлик билан дунёга келган. Ачинарлиси, фарзандимнинг оғир ҳолати сабабли турмуш ўртоғим бизни ташлаб кетган. Ҳозирда бувимизнинг уйида яшаб келмоқдаман.

Қизимнинг бир томони катта туғилган, тилининг ҳам бир томони катталиги туфайли емишни қийинчиликсиз бажара олмайди. Фақат махсус NAN кашаси ичади, у эса қиммат бўлиб, 4 кунда тугайди. Ҳар бирини 170 минг сўмдан олиб турибман. Қўшимча равишда дори-дармон учун ҳам анча маблағ сарфланади.

Шу вақтгача фарзандим учун кредитлар олдим ва қарзга ботиб кетдим. Энди эса ниҳоятда оғир аҳволдаман — кашасига ҳам, даволаши учун керак бўладиган дориларга ҳам маблағ топа олмаяпман. Қизимни даволатишим керак, аммо ҳозирча уни пенсияга ҳам чиқара олмаяпман.

Маҳалламиздан ҳозирча ёрдам йўқ. Ёлғиз бошим билан бу вазиятдан чиқа олмаяпман. Барчадан илтимос қиламан: фарзандим учун имкони борча ёрдам берсангиз. Бу жуда оғир, аммо фарзандим учун бунга мажбурман.

Мурожаат учун:
Телефон рақамим: +998936447375

Юқорига суянадиган дарахти йўқ инсонлар учун сиз ва биз ёрдамчимиз! Савоб ишларингизга Аллоҳнинг марҳамати ёр бўлсин.

Тарқатиб берсангиз, миннатдор бўламан!

30/12/2024

#2024йил
#Йилнома
#Телеграмда

“Халқ Дарди” жамоаси, сизларнинг ишончингиз ва қўллаб-қувватлашингиз туфайли, халқ овози бўлиш йўлида улкан қадамлар ташлади.

Бу йил биз нафақат рақамларда, балки қалбларда ҳам ўсдик. 15,600 дан ортиқ нафарлик жамоамизга йил давомида 8,200 янги инсон қўшилди. Постларимиз 38 миллион марта кўрилди,
157,200 марта улашилди.
Бу рақамлар ортида бизга ишониб, ўз дардини юборган, ўзгаларга ёрдам қўлини чўзган юз минглаб қалблар бор.

Лекин биз учун энг катта ютуқ — сизларнинг ишончингиз ва самимий қўллаб-қувватлашингиз. Ҳар бир изоҳ, ҳар бир улашиш биз учун илҳом манбаи!

2025 йилда ҳам биз сизлар билан бирга янада катта марраларга эришамиз. Биз халқимиз дардларини эшитишда, ёритишда ва ечим топишда давом этамиз.

Сизларга самимий миннатдорчилик билдирамиз. Янги 2025-йил барчамиз учун ҳайрли ва барокатли йиллардан бўлиб келсин!

“Халқ Дарди” жамоаси

Telegram Instagram Facebook

27/11/2024

Ҳурматли истеъмолчилар,
27 ноябрь 2024 йил, чоршанба куни соат 09:00 дан 17:00 гача “Чархий” подстанциясида (Т-1 3-СШ, 6 кВли фидерлар: Шаҳар-4, Богдорчилик, Янгиобод) таъмирлаш ишлари ўтказилиши режалаштирилган.

Ушбу ишлар давомида хавфсизликни таъминлаш мақсадида қуйидаги маҳаллаларда электр энергияси вақтинча узилади:
• МФЙ: 6, 7, 9, 22, 27, 51, 52, 60.

Юзага келган ноқулайликлар учун узр сўраймиз ва сизларнинг тушуниш билан қарашингизга умид қиламиз.

Қўқон шаҳар электр тармоқ корхонаси

25/11/2024

ЭЛЕКТРАСЕТЬ СВЕТ ЎЧИШИ ҲАҚИДА ОЛДИНДАН АҲОЛИНИ ХАБАРДОР ҚИЛИШГА МАЖБУР!

Вазирлар Маҳкамасининг 31.05.2024 йил кунги 319-сон қарорига асосан,

➖ ҳудудий электр тармоқлари корхоналари электр тармоғи хўжалиги объектларининг режали таъмирланиши туфайли электр энергияси билан таъминлашдаги мумкин бўлган узилишлар тўғрисида камида 3 кун олдин огоҳлантиришга мажбур.

✔️ Шунингдек, истеъмолчиларга электр энергияси етказиб беришнинг тўхтатиб турилиши ва бунинг сабаблари тўғрисида маълумот бериши лозим.