ЎзХДП Тошкент шаҳар Чилонзор тумани кенгаши

ИНФОЛИБ-2024

Хафталик доирасида халқаро анжуман ўз ишини бошлади.

Ўзбекистонда хизмат кўрсатгпн маданият ходими, халқ севган шоира, биз кутубхоначиларнинг доимий хамкори, китобхонлик, мутолаа маданияти тарғиботчиси Зулфия Мўминова билан Ёшлар телевиденияси РОСТИНИ АЙТИНГ кўрсатувида бирга иштирок этдик.

Ассалому алайкум!

Азиз Ватандошларим, устозларим, курсдошларим, хамкасбларим, опа-сингилларим, ўғилларим ва қизларим!!!
Сизни ва яқинларингизни энг буюк, энг азиз байрамимиз – Ўзбекистон Республикаси Мустақиллигининг 33 йиллиги айёми билан самимий муборакбод этаман!
Сизларга сиҳат-саломатлик, хонадонингизга файзу барака ва фаровонлик тилайман. Мустақил Ватанимизнинг тинчлиги, гуллаб-яшнаши ва равнақи йўлида олиб бораётган ишларингизда зафарлар ёр бўлсин!
Мустақиллик қадри боқий, байрам шукуҳи файзли, истиқлолимиз абадий бўлсин!!!

Ёшлар телеканалида РОСТИНИ АЙТИНГ кўрсатувида иштирок этдик. Фақат ростини гапирдик.

Ёшлар телеканалида.

Ростини айтинг кўрсатувига бориб РОСТ гапириб келдик. Албатта бу яхшиликка, кўрсатувнинг мақсади юртимизда китобхонликни янада ривожлантиришга қаратилган.

Менинг юртим телеканалида.

Китобхонликни ошириш, китобларни нашр этиш ва уларнинг тарғиботига бағишланган кўрсатувда иштирок этдик.

КИТОБЛАР - ЕТУКЛИККА ЕТАКЛАР!
30 апрель куни Тошкент шаҳар «Билим” ахборот-кутубхона маркази ҳамда Олмазор туман ҳокимлиги билан ҳамкорликда ҚУЁШ маҳалласи кутубхонасида “Мен муваффақиятли аёлман” лойиҳаси доирасида “Китоблар - етукликка етаклар” мавзусида Ўзбекистон халқ артисти Малика Иброхимова ва Ўзбекистонда хизмат кўрсатган артист Доно Бобохоновалар билан ижодий учрашув ўтказилди.
Тадбирда учрашувнинг асосий ташаббускори Ўзбекистонда хизмат кўрсатган маданият ходими, “Мехнат шухрати” ордени сохиби Вазира Собирова, Тошкент шаҳар “Билим” ахборот-кутубхона маркази директори Ҳафиза Каримова, МФЙ раиси Фарход Жалилов, маҳалла фаоли Комила Юсупова, нуронийлардан Акмал Бегматов, Республика маънавият ва маърифат маркази Олмазор туман бўлими раҳбари Муаззам Алибаева ҳамда маҳалла фуқаролари, ёшлари иштирок этдилар.
Учрашув жуда қизиқарли, мазмунли ва ҳаяжонли дақиқаларга бой бўлди. Чунки актрисалар ўзларининг ҳаёти, ёшликдаги қизиқарли воқеалар, фаолиятидаги оғир, синоатли, муваффақиятли ва завқли дақиқалар билан ўртоқлашдилар. Айниқса Малика Иброхимованинг ўйнаган ролларидан парчалар, монологлари иштирокчиларни бефарқ қолдирмади. Доно Бобохонованинг “Бозор кўрмаган йигит” асаридаги чиқишларидан парча ҳамда совчилликка боришдаги кулгили воқеаларни жонли тарзда, бевосита залдаги иштирокчи оналар билан бирга ижро этиб бериши барчамизни қалбимизни янада қувончга тўлдирди.
Малика Иброхимова ва Доно Бобохоновалар ҳар иккиси ҳам барча эришган ютуқларнинг калити КИТОБ туфайли эканлигини алохида таъкидладилар. “Бизнинг хаётимиз ва ижодий фаолиятимиз КИТОБСИЗ ўтмайди, албатта КИТОБЛАР - ЕТУКЛИККА ЕТАКЛАЙДИ!”, деб ёшларга мурожаат қилдилар. Барча тадбирга келганлар ўзлари қизиқтирган саволлар билан мурожаат қилишди ва ўз навбатида жавоблардан мамнунлик хис этдилар.
Ҳафиза Каримова томонидан учрашувларимиз Тошкент шаҳрининг барча туманларида, маҳалла кутубхоналарида ҳам ташкил этилиши таклифи актрисаларимиз томонидан қўллаб-қувватланди. Ишонамизки, мана шундай маънавият тадбирлари, етук ва буюк шахслар билан ижодий учрашувлар пойтахтимизнинг барча гўшаларида давом этади.