Notes_pg

08/07/2022

Tavakkul siriga bog'langan kishida avvalo kalom yo'qoladi.

✍️🏻 Nuriya Cheleen "Qalb iffati"

22/06/2022

Islomdan keyin, ortga qaytish - kufr ekanligiga iqror bo'lgan qalbimga, iltimos, qarshilik qilmang! Onajon, siz ham men bilan birga bo'ling! Allohga qasamki, barcha ibodatlar ichida U Zotning ulug'vorligiga eng munosibi - sajda ekanligini angladim.
Peshonasini onasining lablariga yaqinlashtirarkan, undan mehr kutgancha shunday dedi:
- Ona, qizingizning peshonasidan o'pmaysizmi? Qarang, qizingizning peshonasida, butun bahorlar yig'ilsa ham undirolmaydigan gulning - sajdaning kurtaklari bor! Qizingiz Qur'onga ishondi, onajonim! Va qizingizga faqat Robbisiga sajda qilish yarashadi! Ona, men bilan eng yaxshi yo'l shu! Meni bu yo'lda yolg'iz qo'ymang! Yo'limda yo'ldosh bo'ling! Oxiratda ostidan anhorlar oqib turuvchi jannat bog'larida siz bilan yashashni xohlayman! Keling, onajon!

✍🏻 Ahmad Gunbay Yildiz "Bizga sajda yarashadi"

27/02/2022

Rasululloh ﷺ o'qib yurgan duolari:

اللَّهُمَّ إنِّي أَسْأَلُكَ عِلْماً نَافِعاً، وَرِزْقاً طَيِّباً، وَعَمَلاً مُتَقَبَّلا

"Allohumma inniy asaluka 'ilman naafi'an va rizqon toyyiban va 'amalan mutaqobbalan"

(Ma'nosi: Allohim! Sendan foydali ilm, pokiza rizq, qabul bo'ladigan amal so'rayman)

Ibn Moja va Ibn Sunniy rivoyati.

29/01/2022

Yaxshi ko'rgan insonlaringga saxiy bo'l, ahdga vafodor bo'l va eng baxtli onlarni g'animat bil!
Allohga qasamki, o'limdan keyingi sog'inchga toqat qilib bo'lmaydi.

✍🏻 Ayman Yog'iy

27/01/2022

Duo umiddir...
Umidi bo'lganning duosi, duosi bo'lganning esa umidi bo'ladi.

✍🏻 Muhammad Amin Yildirim

19/01/2022

Qaniydi ba'zi so'zlarning peshonasi bo'lsa-yu,o'pib olsang!

✍🏻 Mubashshir Ahmad

25/09/2021

Alloh uchun tark qilish🍀

25/09/2021

Qayg'ursang, Qur'oni Karimni o'qib, uni hayotingga tatbiq qilolmayotganing uchun qayg'ur.
Xafa bo'lsang, Rasululloh sollallohu alayhi va sallamni joningdan, molingdan, yaqinlaring, tug'ishganlaringdan ortiq sevolmaganing uchun xafa bo'l!
Qayg'ursang, haqiqiy ma'nodagi banda, Nabiy sollallohu alayhi va sallamga chin ummat bo'lolmayotganing uchun qayg'ur, u zotning shafoatlariga noil bo'lolmasligingdan qo'rqib qayg'ur!
Balki, "Bo'ldi, bas!" dersan?
Balki, o'zingni yo'qotib qo'ygandirsan?
Balki, yig'layotgandirsan?
Balki, bu musibatlarning so'ngida nimaga erishganing-u nimadan quruq qolganingni o'ylayotgandirsan:
Quloq tut, Robbing senga gapiryapti:
"Sabr qilguvchilarga, musibatlarga toqat bilan ko'ksini tutganlarga hisobsiz ajru mukofotlar beriladi..."
Balki, shuncha inson orasidan nega aynan sen tanlanganingni so'rarsan?.. Unutma, Robbing tanlaganlar qiymatlidir...
Hayot imtihon emasmi?
Har bir muammo - abadiy hayotingdan joy olgan bir g'isht. Ular bo'lmaganida, oxirat diyorida senga tegishli hech narsa bo'lmasdi...

Unutma, Robbing hech kimga toqatidan tashqari yuk yuklamaydi. Balki, yuraging og'riyotgandir, balki, vujuding. Balki, ruhing azoblanayotgandir. Balki yo'qsillikda qiynalayotgandirsan? Balki, boshqa ming turli muammolar... Har qanday ahvolda bo'lsangda, tilingda bu duo yashaydi: "Yo Robbim, Seni rozi qilmaydigan ishlarni qilgan bo'lsam, meni mag'firat qil! O'zingdan boshqa iloh yo'q! Sen barcha nuqsonlardan poksan! Shubhasiz, men o'z - o'zimga zulm qildim! Meni kechir. Dard bergan ham O'zingsan, Darmonim ham O'zingsan...!

✍🏻 Said Chamlija "Iymon va huzun"

🍀

22/09/2021

"Baxtli bo'lish uchun boshqalarni baxtli qiling!" degan tushunchani g'arblikka qanday o'rgatish mumkin?!
Baxtni tushunish, tushuntirish, ta'riflash juda qiyin. Lekin biz vaqti-vaqti bilan his qiladigan, lekin farqiga bormaydigan bir tuyg'u bor. Ba'zan birovga yaxshilik qilsangiz, u ko'zlaringizga minnatdor termulib tashakkur bildiradi. "Voy, hech narsa qilganim yo'q-ku!" deb minnatdorligiga javob berganimizda qalbimizda bir lahza bo'lsa-da, go'zal hissiyotni tuyamiz. Balki baxt mana shudir!

✍🏻 Said Chamlija "Iymon va huzun"

22/09/2021

🌿Sinovlar bo'lmaganida Robbimiz huzuriga quruq qo'l bilan borgan bo'lardik.

🌿Ba'zilar: "Duo qilishdan boshqa ilojimiz qolmadi", deyishadi. Vo ajab! Aslida, bundan ko'ra kuchli narsa bormi dunyoda?!

🌿Kam berganingdam xijolat bo'lma!
Yo'qchilik bundan-da kamdir...

🌿O'kinma!
Qayg'uda qolgan bo'lsang, demak, yuraging bor ekan. Yuraksizlar xafa bo'l(ol)maydilar. Qayg'uni his qilsang, demak, baxtiyorsan. Uyg'oq qalb sohibi ekansan. Qalbing g'ofil bo'lsa, nima qilarding?
Qalbing loyiga huzun qo'shilmaganida nima qilarding?
Demakki, nazardan chetda qolmabsan. Demakki, sen ko'ngli uyg'oqlardansan.

🌿Hamma "Hech qanday chorasi ham, iloji ham yo'q!" deganida, umidsizlikka qarshi bosh ko'tarishning nomi Iymondir...

✍🏻 Said Chamlija "Iymon va huzun"

25/08/2021