Khan Academy Oʻzbek

Biz haqimizda

"Khan Academy" AQSHdagi nodavlat notijorat tashkilot bo‘lib, u 2006-yilda MTI (Massachusets Texnologiya Instituti) hamda Garvard universiteti bitiruvchisi Salmon Xon tomonidan tashkil etilgan. Akademiyaning asosiy maqsadi yer sharining barcha aholisi uchun yuqori sifat va bepul ta’lim olish imkonini berishdan iborat. Loyiha Google, Bill va Melinda Geyts fondi va boshqa ko‘plab tashkilotlar hamda alohida shaxslarning xayriyalari yordamida moliyalashtirib boriladi.

"Khan Academy" o‘zining vazifasini XXI asrdagi kommunikatsiyaning asosiy vositalaridan biri bo‘lgan oddiy sayt (https://www.khanacademy.org/) orqali amalga oshiradi. Ushbu platformada matematika, informatika, dasturlash asoslari, kimyo, fizika, tibbiyot, iqtisodiyot, Jahon tarixi, san’at tarixi, ingliz tili grammatikasi kabi fanlari alohida kurslar sifatida o‘rgatiladi. O‘quv materiallari asosan 7-9 daqiqa atrofidagi video darsliklardan iborat bo‘lib, ularning deyarli asosiy qismi Salmon Xon tomonidan yaratilgan. Bundan tashqari saytda 100 mingdan ortiq interaktiv misol va masalalar ham mavjud.

Saytning asosiy tili ingliz tili bo‘lishiga qaramay hozirgi k***a saytdan dunyo bo‘ylab har oyda 40 millionga yaqin o‘quvchilar hamda 2 millionga yaqin o‘qituvchilar foydalanadi Platfroma 190 ta davlatda qoʻllaniladi va hozirda 29 ta tilga qisman yoki toʻliq oʻgirilgan. Shu jumladan, o‘zbek tili ham shu qatorga qo‘shildi.

Ushbu sahifa "Khan Academy"ni o‘zbek tiliga tarjima qilish jarayonini yoritib borish, hamda ushbu jarayonda qatnashishni xohlagan yurtdoshlarimiz bilan muloqot qilish uchun yaratildi.