15/05/2023
🇺🇿🇺🇿🇺🇿
Toshkent shahar Chilonzor tumani Maktabgacha va maktab ta'limi bo'limi tasarrufidagi 200- sonli IDUMning 6-"A" sinfida adabiyot fanidan " Fanlararo aloqa: adabiyot, tasviriy san'at va tabiiy fanlar" mavzusida ochiq dars tashkil etildi.
Darsda o'quvchilar guruhlarga bo'lingan holda o'tirishdi.
Har bir guruhdan saylangan rassomlar o'zlari tanlagan parranda, qush va hayvon rasmlarini dars davomida chizib ko'rsatishdi.
Har bir guruh o'zlari tanlagan jonzotlar haqida slayd taqdimot namoyish etishdi.
G'olib guruh va darsda faol qatnashgan o'quvchilar rag'batlantirildi va baholandi.
Dars qiziqarli va mazmunli o'tdi.
Fan o'qituvchisi: Ismoilova M.
15/05/2023
Chilonzor tumani XTB tasarrufidagi 200-sonli IDU maktabining 11-sinf o'quvchisi kimyo fanidan o'tkazilgan xalqaro olimpiada g'olibi bo'ldi.
⚡️Joriy yilning 6- may kuni "Yangi O'zbekiston" universitetida kimyo fanidan "Buyuk allomalar izidan" nomli olimpiada o'tkazildi.Mazkur olimpiada ingliz tilida bo'lib o'tdi.Quvonarlisi shundaki, ushbu olimpiadada 200- IDU maktabining 11-"G" sinf o'quvchisi Rahmonova Dilnura faxrli 3-o'rinni egallab muddatidan oldin "Yangi O'zbekiston" universiteti talabasi bo'ldi va 2 mln so'mlik vaucherni qo'lga kiritdi.
15/05/2023
🇺🇿🇺🇿🇺🇿10-May- O'zbekiston xalq shoiri, sevimli yozuvchi, buyuk adib , akademik, G'afur G'ulom tavallud topgan sana!
Shu munosabat bilan Chilonzor tumani 200-IDU maktabining 5-"G" sinfda G'afur G'ulom tavalludining 1⃣2⃣0⃣yilligiga bag'ishlab qo'shimcha dars mashg'uloti o'tkazildi. Mashg'ulot davomida o'quvchilar G'afur G'ulom asarlari nomini va ulardan namunalar aytish bo'yicha bellashdilar.
✅✅✅Adibning "Shum bola" qissasi qahramoni Qoravoy siymosi suratini chizgan o'quvchilar rag'batlantirildi. O'quvchilar mustaqil ravishda yod olgan "Vaqt" , "Sog'inish", Sen yetim emassan", "Bilib qo'yki seni vatan kutadi" she'rlarini taqdim etishdi.
Fan o'qituvchisi: Musurmonova M.
15/05/2023
Toshkent shahar Chilonzor tumani 200-IDUM da 2023-yil 12-may kuni "Uch avlod uchrashuvi" bo'lib o'tdi. Uchrashuv davra suhbati tarzida tashkillashtirildi. Uchrashuvga Chilonzor tuman hokimligi "Nuroniy" jamoatchilik kengashi raisi, hokim maslahatchisi - Yusupov Bahodir, "Mahalla" xayriya jamoa fondi raisi-Raximov Baxtiyor, din ishlari bo'yicha bosh mutaxassisi-Mirzarahmedov Mirzaimom mehmon sifatida tashrif buyurishdi. Ular maktab o'quvchilariga yurtimizning tarixi, bugungi kuni va kelajagi haqida gapirib, odob-axloq, e'tiqod masalalariga ham to'xtab o'tdilar. Tadbirga "Xayrabod","Xonto'pi", "Yakkatut" Mahalla faollarning va nuroniy otaxonlarning tashrifi alohida ko'rk bag'ishladi. Ayniqsa, nuroniylarning mazmunli suhbati o'quvchilarda iliq taassurot qoldirdi.
