Ibn_Ibrohim

Surah Yunus 11

Agar Alloh odamlarga yaxshilikni tez keltirgani kabi yomonlikni ham tezlatsa edi, ajallari bitgan bo'lur edi. Bas, Biz ila muloqotda bo'lishdan umidi yo'qlarni tug'yonlarida tashlab qo'yamiz, adashib uloqib yuraveradilar. (Alloh taolo bandalariga yaxshilikni doim, tez, so'rasa-so'ramasa berib keladi. Bu hayotda ko'rilayotgan haqiqat. Ammo yomonlikni so'ragan zahoti bermaydi. Chunki yomonlikni ham tezda bersa, hammalari halok bo'lib ketadilar. Alloh bandalarini buning uchun yaratmagan. Shu bois ham Payg'ambarimiz (s.a.v.) bir hadislarida nasihat qilib, kishilarni o'zlariga qarshi, mollari va bolalariga qarshi duo etishdan qaytarganlar.)

Surah Al Ahzab 59
•Ey Nabiy, juftlaringga, qizlaringga va mo'minlarning ayollariga ayt: jilboblarini o'zlariga yaqin qilsinlar. Ana o'sha ularning tanilmoqlari va ozorga uchramasliklari uchun yaqinroqdir. Alloh o'ta mag'firatli va rahmli zotdir

Surah Al Haqqo
•Va ammo kimning kitobi chap tarafdan berilsa, u, voy sho'rim, koshki menga kitobim berilmasa edi
•Va hisob-kitob qandoqligini bilmasam edi
•Qani (bu dunyodagi o'lim) oxirgisi bo'lsa edi
•Molu mulkim meni saqlab qola olmadi
•Mening sultonim ham halok bo'ldi, deydir. (Mulku sultonim, mansabu obro'yim, nasabu xasabim hamma hammasi halok bo'ldi.)
•Tutinglar uni va kishanlanglar uni!!!
•So'ngra jahannamga solinglar uni!!!
•So'ngra etmish qulochli zanjirga kiriting uni!!!
•Chunki u ulug' Allohga iymon keltirmagan edi Va miskinlarga taom berishga qiziqtirmagan edi. (Miskinlarga taom berishga qiziqtirmaslik shunchalikka olib kelsa, imkoni bo'lsa turib ularga taom bermaslik qanchalik gunoh ekan buni kitobxonning o'zi fahmlayversin.)

Surah Az-Zumar 17/18
•Togʻutdan, unga ibodat qilishdan chetda boʻlganlarga va Allohga qaytganlarga xushxabar bor. Bas, bir bandalarimga xushxabar ber
•Ular gapni esh*tib, eng go'zaliga ergashadiganlardir. Ana o'shalar Alloh hidoyat qilganlardir. Ana o'shalar, ha, o'shalar aql egalaridir. (Ushbu jumladan bilinadiki, odamlar ikki toifa-Allohga yoki togʻutga ibodat etadigan bo'ladi. Uchinchi xili bo'lishi mumkin emas. Allohga ibodat qilmagan odam, albatta, tog'utga, ya'ni, Allohdan o'zgaga sig'ingan bo'ladi. Men dinsizman, hech narsaga ibodat qilmayman, deganlar yolg'on gapiradilar. Ular, hech bo'lmasa, havoi nafsiga yoki o'zi a'zo bo'lgan jamiyatning urf-odatiga bo'ysunadilar-ibodat qiladilar.)

Agar er-xotin o'rtasidagi muhabbat Alloh taolo sevadigan amallardan bo'lmaganida, uni yo'q qilish shaytonlarning eng muhim maqsadlaridan biri bo'lmas edi.
•Alloh taolo dedi: "Ikkovlaridan er-xotinning o'rtasini buzadigan narsani o'rganishar edi". [2:102]

Surah Ibrohim/4
•Qaysiki Payg'ambarni yuborgan bo'lsak, bayon qilib berishi uchun o'z qavmi tili ila yuborganmiz. Bas, Alloh kimni xohlasa, zalolatga ketkazadir, kimni xohlasa, hidoyatga soladir. U aziz va hikmatli zotdir. (Butun olamlarga va barcha qavmlarga Payg'ambar boʻlgan Hazrati Muhammadga (s.a.v.) ham arablar tilida vahiy keldi. Buning asosiy hikmatlarini Allohning O'zi biladi. Boshqa Payg'ambarlar ma'lum qavmga va ma'lum muddatga kelgan bo'lsalar, Muhammad (s.a.v.) qavmlarning hammasiga qiyomat kuniga qadar Payg'ambar qilib yuborilganlar. Payg'ambarimiz (s.a.v.) Islom dini arablar yashab turgan erlarga yoyilib bo'lishi bilan vafot topdilar. Islomni dunyoning qolgan qismiga u kishining qavmlari etkazdilar.)