22/10/2023
🏫🏫🏫
📝📝📝
Toshkent shahar Chilonzor tumani 173-sonli umumiy o'rta ta'lim maktabida "Ijodiy darslar" haftali doirasida tarix fani o'qituvchisi M.F.Meliyeva tomonidan "Tarix fanida o'quvchilar bilimini tezkor baholashda ekspress testlarning o'rni" mavzusida 9-"V" sinfida mashg'ulot tashkil qilindi. O'qituvchi "Pickers.com" sayti orqali o'quvchilarni tezkor baholash, "Bo'shliqlarni to'ldir " metodi bilan xronologiya bilan ishlash, "Gemeta" metodi orqali fanlararo integratsiya jarayonlarini dars mashg'ulotida ko'rsatib berdi.
Qiziqarli va foydali tashkil qilingan dars o'quvchilarda XXI asr ko'nikmalarini shakllantish yo'lidagi vosita bo'ldi.
19/10/2023
Toshkent shahar Chilonzor tumani 173-sonli umumiy o'rta ta'lim maktabida "Ijodiy darslar" haftaligi davom etmoqda. Ona tili va adabiyot fani o'qituvchisi Ismoilov B.J. tomonidan 6-"A" sinfida o'zbek adabiyotining yorqin vakili O'tkir Xoshimovning betsellerga aylangan "Dunyoning ishlari" asari tahlil qilindi. Dars davomida o'quvchilar badiiy asar tahlilini 3 bosqichda muhokama qildilar. Bunda eng aziz inson - ONA e'tirof etildi. Ushbu darsdan ko'zlangan maqsad o'quvchilarning kitobxonlik madaniyatini oshirish, nutqiy qobiliyatini rivojlantirish, onaga, vatanga bo'lgan muhabbatni yuksaltirish.
19/10/2023
Toshkent shahar Chilonzor tumani 173-sonli umumiy o'rta ta'lim maktabida "Ijodiy darslar haftaligi" bo'lib o'tmoqda. Ta'lim tizimidagi yangiliklardan boxabar, izlanuvchan pedagog-kadrlarni shakllantirish, "Ustoz-shogird" an'analarini davom ettirish maqsadida tashkil qilingan haftalikda matematika fani o'qituvchisi Nasimova D.A. tomonidan 5-sinflarda "Formativ baholashda sonli ifodalardan foydalanish", ona tili va adabiyot fan o'qituvchisi Ismatova D.S. tomonidan "O'quvchilarda dostonchilik maktablari haqidagi tushunchalarini rivojlantirish" mavzularidagi metodik tavsiya darslari tashkil qilindi. O'tilgan mavzuni, yangi mavzuni mustahkamlash qismlari interfaol metodlar orqali fanlararo bog'liqlikda ko'rsatib berildi. Mashg'ulotlar yakunida o'qituvchilar tomonidan olingan metodik tajriba, darsning yutuq va kamchiliklari e'tirof etildi. Haftalik davom etadi.
