126-maktab Toshkent

05/09/2026

Yangi o‘quv yili — yangi marralar sari! 🔔✨Maktabimizda 2026-2027 o‘quv yilining boshlanishi hamda "Bilimlar kuni" munosabati bilan nihoyatda ko‘tarinki ruhda, fayzli va unutilmas bayram tadbiri bo‘lib o‘tdi. 🇺🇿Maktab ostonasiga ilk bor qadam qo‘ygan jajji birinchi sinf o‘quvchilarimizning hayajoni, ustozlarimizning samimiy tabriklari va ilk qo‘ng‘iroqning sho‘x sadosi barchamizga cheksiz quvonch ulashdi. Yangi o‘quv yili barcha o‘quvchilarimizga ulkan zafarlar, omad va faqat a’lo baholar olib kelsin! 📚🎓

25/05/2026

25/05/2026

🇺🇿🇺🇿 Bugun Chilonzor tumani 126-sonli maktabda 25-may — “So‘nggi qo‘ng‘iroq” bayram tadbiri ko‘tarinki ruhda bo‘lib o‘tdi.

✅✅Tadbirda Chilonzor tuman hokimi S.M.Xolxo‘jayev, Chilonzor tumani maktabgacha va maktab ta’limi bo'limi boshlig'i F.Keldibekovlar ishtirok etdilar.

❇️❇️Tadbir davomida bitiruvchilarning yillar davomida erishgan yutuqlari, ustozlarning fidokorona mehnati hamda ota-onalarning farzand tarbiyasidagi o‘rni alohida e’tirof etildi.

🌟🌟 Shuningdek, mehmonlar tomonidan bitiruvchilarga kelgusi hayot yo‘lida ulkan muvaffaqiyatlar, omad va yorqin kelajak tilandi.

✨✨“So‘nggi qo‘ng‘iroq” tadbiri o‘quvchilarning qalbida unutilmas taassurotlar qoldirib, yangi hayot sari muhim qadam bo‘ldi.

08/05/2026

🇺🇿🇺🇿🇺🇿Toshkent shahar Chilonzor tumani 126-sonli umumta’lim maktabining 11-“D” sinf o‘quvchilari ham boshqa tengdoshlari qatori ta’lim sohasida yuqori natijalarga erishib kelmoqdalar. Xususan, ular tomonidan milliy sertifikatlar, CEFR hamda IELTS kabi xalqaro darajadagi sertifikatlar muvaffaqiyatli qo‘lga kiritildi.

✨✨Mazkur sertifikatlar o‘quvchilarning milliy sertifikat va xorijiy tillarni puxta egallaganligini tasdiqlab, ularning bilim darajasi yuqori ekanligini ko‘rsatadi. Shu bilan birga, bu natijalar o‘quvchilarga oliy ta’lim muassasalariga kirishda, ayniqsa nufuzli universitetlarga hujjat topshirishda katta imkoniyatlar yaratadi.

❇️❇️O‘quvchilarning bu kabi yutuqlarga erishishida ularning tinimsiz mehnati, ustozlarning sifatli ta’lim berishi hamda maktabda yaratilgan samarali ta’lim muhiti muhim omil bo‘lib xizmat qilmoqda. Mazkur natijalar 11-“D” sinf o‘quvchilarining kelajakka bo‘lgan ishonchi va intilishlarini yanada mustahkamlashga xizmat qiladi.

08/05/2026

🇺🇿🇺🇿🇺🇿Chilonzor tumanidagi 126-sonli umumiy o‘rta ta’lim maktabining 6-“D” sinf o‘quvchilari sinf rahbari D. Qandimova boshchiligida maktabning faxriy ustozlaridan biri R. Parpiyeva xonadoniga tashrif buyurdilar.

✅✅✅Tashrif davomida o‘quvchilar ustoz bilan samimiy suhbatlashib, ularning hayot yo‘li, pedagogik faoliyati va ta’lim sohasiga qo‘shgan hissalari haqida batafsil ma’lumot oldilar. Faxriy ustoz R. Parpiyeva o‘quvchilarga o‘z kasb tajribalari, ustoz-shogird an’analarining ahamiyati hamda bilim olishning inson hayotidagi o‘rni haqida ibratli fikrlarini bildirdi.

❇️❇️❇️Mazkur uchrashuv o‘quvchilarda ustozlarga hurmat, minnatdorlik tuyg‘ularini yanada mustahkamlab, kelajakda bilimli va vatanparvar inson bo‘lib yetishishlariga turtki bo‘ldi.

08/05/2026

🇺🇿🇺🇿Chilonzor tumanidagi 126-sonli umumiy o‘rta ta’lim maktabida “Kelajak uchun xorijiy til” loyihasi doirasida 11-sinf o‘quvchilari uchun xorijiy tillarni chuqurlashtirib o‘qitishga qaratilgan qo‘shimcha dars mashg‘ulotlari tashkil etilmoqda. Mazkur darslar malakali mahalliy hamda xorijlik o‘qituvchilar tomonidan zamonaviy metodlar asosida olib borilmoqda. Loyiha O‘zbekiston Respublikasi Maktabgacha va maktab ta’limi vazirligi tashabbusi bilan amalga oshirilmoqda.

✅✅Ayniqsa, xorijlik o‘qituvchilar tomonidan o‘tilayotgan mashg‘ulotlar o‘quvchilarda katta qiziqish uyg‘otmoqda. Darslar davomida speaking, listening, debate va interaktiv suhbat usullariga alohida e’tibor qaratilib, o‘quvchilarning erkin muloqot qilish ko‘nikmalarini rivojlantirish maqsad qilingan.

❇️❇️Mazkur loyiha orqali bitiruvchi sinf o‘quvchilarining xalqaro va milliy sertifikatlarni qo‘lga kiritishi, kelajakda oliy ta’lim hamda kasbiy faoliyatda xorijiy tillardan samarali foydalanishi uchun keng imkoniyatlar yaratilmoqda.

17/02/2026

"Kelajak uchun xorijiy til" loyihasida Chilonzor tumani 126-maktab

16/02/2026

📚 “Halollik vaksinasi” – kelajak poydevori

🇺🇿🇺🇿🇺🇿Chilonzor tumani
🏫🏫🏫 126-maktab

📚📚📚Joriy yilning 16-fevral kuni maktab direktori M.T. Baxromova tomonidan yuqori sinf o‘quvchilari uchun “Halollik vaksinasi” mavzusida navbatdagi “Kelajak soati” darsi tashkil etildi.

✅✅✅Mazkur darsda halollik, vijdon, mas’uliyat va adolat kabi yuksak insoniy fazilatlarning hayotimizdagi o‘rni haqida atroflicha fikr yuritildi. O‘quvchilarga halollik — bu insonni yuksaltiruvchi, jamiyatni mustahkamlovchi eng muhim qadriyat ekani alohida ta’kidlandi.

❇️❇️❇️Dars davomida ochiq muloqot tashkil etilib, o‘quvchilar o‘z fikr-mulohazalari bilan faol ishtirok etdilar. Hayotiy misollar, ibratli voqealar va motivatsion tavsiyalar orqali yoshlar qalbida halollik tamoyillarini mustahkamlash maqsad qilindi.

14/02/2026

🇺🇿🇺🇿🇺🇿 Chilonzor tumani
🏫🏫🏫126-maktab

✅✅✅Buyuk shoir va davlat arbobi Zahiriddin Muhammad Bobur tavalludi munosabati bilan “Bobur — qalblarimizda yashagan siymo” nomli ma’naviy-ma’rifiy tadbir bo‘lib o‘tdi.

✨✨✨Tadbir davomida yuqori sinf o‘quvchilari Bobur g‘azallarini katta ilhom va mahorat bilan ijro etdilar. Har bir baytda shoirning nozik tuyg‘ulari, Vatanga muhabbati, insoniy fazilatlari va hayotiy falsafasi o‘z aksini topib, tinglovchilarni chuqur mushohadaga chorladi. G‘azalxonlik jarayonida o‘quvchilar mumtoz adabiyotimizning nafis ohanglarini yurakdan his etib, ularni samimiy ifoda bilan namoyon etdilar.

Tadbir ko‘tarinki ruhda, badiiy chiqishlar va sahna ko‘rinishlari bilan yanada boyitildi. Bu esa o‘quvchilarda milliy merosimizga bo‘lgan hurmat va ehtiromni mustahkamladi.

❇️❇️❇️126-maktab jamoasi bunday ma’naviy tadbirlar orqali yosh avlod qalbida buyuk ajdodlarimiz merosiga sadoqat va mehr tuyg‘ularini shakllantirishda davom etadi.

13/02/2026

🌺 Bobur tavalludi – ma’naviyat va ijod bayrami

🇺🇿🇺🇿🇺🇿Chilonzor tumani
🏫🏫🏫126-maktab

❇️❇️❇️ Buyuk shoir, sarkarda va davlat arbobi Zahiriddin Muhammad Bobur tavalludi munosabati bilan o‘quvchilar o‘rtasida ma’naviy-ma’rifiy ruhda “Bobur izdoshlari” nomli ijodiy chellenj tashkil etildi. Tadbir maktab o‘quvchilarining adabiyotga bo‘lgan qiziqishini oshirish, milliy merosimizni chuqur anglash hamda yosh avlod qalbida vatanparvarlik tuyg‘ularini mustahkamlash maqsadida o‘tkazildi.

✨✨✨Mazkur chellenj nafaqat o‘quvchilarning ijodiy qobiliyatini rivojlantirdi, balki ularni buyuk ajdodlarimiz merosini qadrlashga, milliy qadriyatlarga hurmat ruhida tarbiyalashga xizmat qildi.

126-maktabda o‘tkazilgan ushbu ma’naviy-ma’rifiy chellenj yosh avlod qalbida ajdodlarimiz merosiga bo‘lgan hurmat va qiziqishni yanada mustahkamladi hamda o‘quvchilar uchun unutilmas taassurotlarga boy bo‘ldi. 🌿📚