Samarqand malaka oshirish hududiy markazi

Ikki kunlik seminar-trening taassurotlari

Ikki kun davom etgan “Zamonaviy matbuot xizmati: strategik kommunikatsiyalar va raqamli kontent” o‘quv-treningi men uchun mazmunli, sermahsul va unutilmas taassurotlarga boy bo‘ldi.

Trening davomida strategik kommunikatsiyalar, zamonaviy media, sun’iy intellekt texnologiyalaridan samarali foydalanish hamda ijtimoiy tarmoqlarda sifatli kontent yaratish bo‘yicha muhim bilim va amaliy ko‘nikmalarga ega bo‘ldik. Sohaning yetuk mutaxassislari va tajribali ekspertlari bilan bevosita muloqot qilish imkoniyati kasbiy faoliyatimiz uchun yangi g‘oya va qarashlarni shakllantirdi.

Ayniqsa, Maktabgacha va maktab ta’limi vaziri E’zoza Karimova bilan bo‘lib o‘tgan samimiy uchrashuv barchamizda katta taassurot qoldirdi. Ochiq muloqot davomida matbuot xizmatlari faoliyatini yanada takomillashtirish, axborot siyosatida zamonaviy yondashuvlarni keng joriy etish hamda tizim matbuot kotiblarining kasbiy rivojlanishiga oid bildirilgan fikr va tavsiyalar biz uchun muhim motivatsiya bo‘ldi.

Mazkur o‘quv-treningni yuqori saviyada tashkil etgan Maktabgacha va maktab ta’limi vazirligi, A.Avloniy nomidagi pedagogik mahorat milliy instituti rahbariyati, barcha tashkilotchilar, trenerlar va o‘z tajribalarini biz bilan baham ko‘rgan mutaxassislarga samimiy minnatdorlik bildiraman.

Ishonchim komilki, ushbu ikki kun davomida olgan bilim va tajribalarimiz kelgusidagi kasbiy faoliyatimizda yanada samarali ishlashimiz, jamiyatga tezkor, xolis va sifatli axborot yetkazishimizga munosib hissa qo‘shadi.
Barcha tashkilotchilar va hamkasblarga chuqur tashakkur va ezgu tilaklarimni izhor etaman.

Shahlo Kuziyeva
Samarqand viloyati Pedagogik mahorat markazi matbuot kotibi

📚 Jaholatga qarshi ma’rifat — davr talabi

🏢 Samarqand viloyati Pedagogik mahorat markazida “Jaholatga qarshi ma’rifat” mavzusida davra suhbati bo‘lib o‘tdi. Tadbirni markaz direktori Anvar Sobirov kirish so‘zi bilan ochib berdi.

🌐 Bugungi k***a internet va axborot texnologiyalari hayotimizni yengillashtirayotgan bo‘lsa-da, ayrim xavf-xatarlarni ham yuzaga keltirmoqda. Ayniqsa, yoshlarning onlayn makondagi zararli g‘oyalar ta’siriga tushib qolish ehtimoli ortib borayotgani alohida ta’kidlandi.

👤 Tadbirda viloyat Din ishlari bo‘yicha qo‘mita hududiy boshqarmasi boshlig‘i Sohibnazar Boymurodov ishtirok etib, “Diniy ekstremizm va terrorizm — jamiyat taraqqiyotiga tahdid” mavzusida ma’ruza qildilar.

💬 Mutaxassislar yoshlar internet tarmoqlaridagi shubhali havolalar va zararli saytlar orqali bilmagan holda noto‘g‘ri yo‘nalishlarga kirib qolish xavfi mavjudligini ta’kidlab, bu borada ogohlikni oshirish muhimligini qayd etdilar.

✅ Davra suhbati davomida ishtirokchilar bilan fikr almashinuvi hamda savol-javoblar o‘tkazildi.

✍️Samarqand viloyati PMM ijtimoiy tarmoqlarda kuzatib boring:

http://t.me/sammohm

📌 Vazir jamg‘armasi ustamasi uchun suhbatlar davom etmoqda

Bugun Samarqand viloyati Pedagogik mahorat markazida Maktabgacha va maktab ta’limi vaziri jamg‘armasi hisobidan har oylik ustama olishga da’vogar pedagoglar uchun saralashning ikkinchi bosqichi — kasbiy mahoratni baholash bo‘yicha suhbatlarning beshinchi kuni davom etmoqda.

Suhbatlar O‘zbekiston Respublikasi Maktabgacha va maktab ta’limi vazirligi tomonidan tasdiqlangan Nizom talablari asosida, oshkoralik, xolislik, shaffoflik va adolatlilik tamoyillariga muvofiq tashkil etilgan.

Mazkur jarayonlarda saralashning birinchi bosqichidan muvaffaqiyatli o‘tgan 522 nafar pedagog belgilangan jadval asosida ishtirok etmoqda. Nomzodlarning kasbiy mahorati tasdiqlangan baholash mezonlari asosida komissiyalar tomonidan baholanmoqda.

Jarayonlarning shaffofligini ta’minlash maqsadida barcha suhbatlar videoyozuvga olinmoqda, baholash natijalari esa maxsus elektron platforma orqali qayd etib borilmoqda.

Bugun Samarqand viloyati Pedagogik mahorat markazi direktori Anvar Sobirov suhbat jarayonlarini kuzatib, ularning belgilangan tartib va talablar asosida tashkil etilayotganini nazorat qildi.

Suhbatlar yakuniga ko‘ra nomzodlarning reyting natijalari shakllantiriladi hamda belgilangan kvotalar doirasida eng yuqori natijalarni qayd etgan pedagoglar Vazir jamg‘armasi hisobidan har oylik ustama olish uchun tavsiya etiladi.

Samarqand viloyati PMM ijtimoiy tarmoqlarda kuzatib boring:

🚀Telegram 🔵Facebook 🎬Youtube 🌐Rasmiy sayt

Hududlarda mobil malaka oshirish xizmatlari davom etmoqda

🏢 Bugun Bulungʻur tumani “Fozil Yoʻldosh” mahallasidagi davlat va nodavlat maktabgacha ta’lim tashkilotlari tarbiyachilari uchun “Aqlvoy” avtobusida mobil malaka oshirish xizmatlari tashkil etildi.

Samarqand viloyati Pedagogik mahorat markazi Maktabgacha taʼlimni muvofiqlashtirish boʻlimi tomonidan Yer sayyorasi – umumiy uyimiz mavzusida nodavlat maktabgacha taʼlim tashkilotlari pedagoglari uchun mazmunli dars mashgʻulotlari oʻtkazildi.

🎨 Mashg‘ulot davomida bolalarga noan’anaviy rasm chizish usullari — klyasyografiya, ip yordamida rasm chizish, sham yordamida rasm chizish kabi kreativ yondashuvlar bo‘yicha amaliy va metodik tavsiyalar berildi.

✨ Mazkur tashabbus tarbiyachilarning kasbiy mahoratini oshirish, ularni zamonaviy metodikalar bilan tanishtirish hamda maktabgacha ta’lim tizimida ilg‘or tajribalarni keng joriy etishga xizmat qilmoqda.

http://t.me/sammohm

📣 Samarqandda jurnalistlar va blogerlar uchun raqamli huquqlar bo‘yicha Media akademiya yakunlandi

🏢Uch kun davom etgan Media akademiyada ishtirokchilar internetda so‘z erkinligi, axborotdan foydalanish huquqi, shaxsiy ma’lumotlarni himoya qilish, maxfiylik, faktcheking, sun’iy intellekt hamda raqamli barqarorlik masalalarini OAV vakillari faoliyatida uchraydigan real vaziyatlar misolida muhokama qildilar.

🛡 Akademiyaning yakuniy kuni ma’lumotlar bilan mas’uliyatli ishlash va raqamli xavfsizlik mavzulariga bag‘ishlandi. Tadbir davomida eng faol ishtirokchilar loyiha homiysi Kapital Academy tomonidan esdalik sovg‘alari bilan taqdirlandi.

⭐️ Quvonarlisi, Samarqand viloyati Pedagogik mahorat markazi matbuot kotibi Shahlo Qo‘ziyeva ham mazkur Media akademiyada faol ishtirok etib, sertifikat bilan taqdirlandi.

🤝 Barcha ishtirokchilarga faolligi va mavzuga bo‘lgan qiziqishi uchun minnatdorlik bildirilib, loyiha doirasidagi navbatdagi uchrashuvlar va muhim muhokamalar hali oldinda ekani ta’kidlandi.

📚 “Uzbekistan Digital Rights Media Initiative” (UDRMI) loyihasi Yevropa Ittifoqining moliyaviy ko‘magida Zamonaviy jurnalistikani rivojlantirish markazi (MJDC) tomonidan Legal Policy Research Centre (LPRC) bilan hamkorlikda amalga oshirilmoqda.

http://t.me/sammohm