Samarqand agroinnovatsiyalar va tadqiqotlar instituti rasmiy sahifasi

Samarqand agroinnovatsiyalar va tadqiqotlar instituti rasmiy sahifasi Samarqand agroinnovatsiyalar va tadqiqotlar instituti rasmiy sahifasi. Samarkand Agroinnovations and Research University

Telegram: https://t.me/SamATI_Rasmiy

O'zbekiston Respublikasi Prezidentining 2023 yil 7-iyuldagi 216-sonli Qarori bilan tashkil etilgan. Rektor: i.f.d, professor Sh.T.Hasanov

🌱 PLASTIKLARDAN XOLI OY - TOZA DALA SARI!Samarqand agroinnovatsiyalar va tadqiqotlar institutida “Plastiklardan xoli oy”...
19/09/2026

🌱 PLASTIKLARDAN XOLI OY - TOZA DALA SARI!

Samarqand agroinnovatsiyalar va tadqiqotlar institutida “Plastiklardan xoli oy” va “Toza dala” chellenji doirasida plastik chiqindilarni dalalarda qoldirmaslik, yoqmaslik va tartibsiz ko‘mib yubormaslik bo‘yicha targ‘ibot ishlari olib borilmoqda.
♻️ Institut Axborot-maslahat markaziga qarashli yerlarning yo‘l chetlariga 4 ta maxsus uy o‘rnatildi. Ularda polietilen paketlar, sug‘orish lentalari, mulcha plyonkalari, o‘g‘it qoplari, plastik butilkalar hamda kimyoviy vositalar idishlari yig‘iladi.
Yig‘ilgan plastik chiqindilar belgilangan tartibda utilizatsiya qilinadi yoki qayta ishlashga yuboriladi.
🌍 Toza dala — toza tuproq, toza suv va sog‘lom kelajak!
♻️ Plastikni dalada qoldirmaylik — yig‘aylik, saralaylik va qayta ishlashga topshiraylik!

Yangi xodimlar ishtirokida korrupsiyaga qarshi kurashish bo‘yicha seminar o‘tkazildiSamarqand agroinnovatsiyalar va tadq...
19/09/2026

Yangi xodimlar ishtirokida korrupsiyaga qarshi kurashish bo‘yicha seminar o‘tkazildi

Samarqand agroinnovatsiyalar va tadqiqotlar institutida ishga qabul qilingan yangi xodimlarning korrupsiyaga qarshi kurashish sohasidagi bilim va tushunchalarini oshirish maqsadida targ‘ibot-tushuntirish seminari tashkil etildi.
Seminarda institutning Korrupsiyaga qarshi kurashish “Komplayens nazorat” tizimini boshqarish bo‘limi boshlig‘i Sh. Ochilov tomonidan korrupsiyaning oldini olish, korrupsiyaviy xavf-xatarlarni kamaytirish, manfaatlar to‘qnashuviga yo‘l qo‘ymaslik hamda xizmat faoliyatida qonuniylik va halollik tamoyillariga amal qilish masalalari yuzasidan batafsil tushuntirishlar berildi.
Tadbir davomida yangi xodimlarga korrupsiyaga qarshi kurashish bo‘yicha institutda amalga oshirilayotgan ishlar, xodimlarning xizmat vazifalarini bajarish jarayonida rioya etishi lozim bo‘lgan talablar hamda korrupsiyaviy holatlar yuzasidan murojaat qilish imkoniyatlari haqida ma’lumot berildi.
Shuningdek, seminarda xodimlarning odob-axloq qoidalariga rioya qilishi, xizmat manfaatlarini shaxsiy manfaatlardan ustun qo‘yishi, korrupsiyaviy holatlarga nisbatan murosasiz munosabatni shakllantirish masalalariga alohida e’tibor qaratildi.
Seminar yakunida ishtirokchilar o‘zlarini qiziqtirgan savollar bilan murojaat qilib, tegishli javob va tavsiyalarga ega bo‘ldilar.
Samarqand agroinnovatsiyalar va tadqiqotlar institutida korrupsiyaning oldini olish, xodimlar o‘rtasida halollik va qonuniylik tamoyillarini mustahkamlashga qaratilgan targ‘ibot-tushuntirish tadbirlari izchil davom ettirilmoqda.

Italiyaning Tuscia universiteti bilan qoʻshma taʼlim dasturiga saralash boʻlib oʻtdiInstitutimizda Italiyaning nufuzli T...
19/09/2026

Italiyaning Tuscia universiteti bilan qoʻshma taʼlim dasturiga saralash boʻlib oʻtdi

Institutimizda Italiyaning nufuzli Tuscia universiteti bilan hamkorlikdagi qoʻshma taʼlim dasturlariga qabul jarayonlari muvaffaqiyatli yakunlandi.
2026-2027-oʻquv yili uchun bakalavriatning quyidagi yoʻnalishlariga talabalar suhbat asosida saralab olindi:
🌱 “Agronomiya”
🍏 “Oziq-ovqat fanlari va texnologiyasi”
Suhbat davomida abituriyentlarning mutaxassislik bilimlari, ingliz tilini bilish darajasi va oʻqishga boʻlgan qiziqishi baholandi. Ushbu dastur talabalarga Yevropa taʼlim tajribasi asosida zamonaviy bilimlarni egallash imkonini beradi.
Saralashdan muvaffaqiyatli oʻtgan barcha talabalarni tabriklaymiz va oʻqishlarida zafarlar tilaymiz!

Xitoyda sun’iy intellekt va raqamli ta’lim bo‘yicha xalqaro dasturXitoyning Lanzhou shahrida O‘zbekiston va Qirg‘iziston...
18/09/2026

Xitoyda sun’iy intellekt va raqamli ta’lim bo‘yicha xalqaro dastur

Xitoyning Lanzhou shahrida O‘zbekiston va Qirg‘iziston ta’lim sohasi vakillari ishtirokida sun’iy intellekt va raqamli ta’limga bag‘ishlangan xalqaro malaka oshirish dasturi boshlandi.
Shimoli-g‘arbiy pedagogika universiteti (Northwest Normal University) tomonidan tashkil etilgan dasturda ikki davlatdan 27 nafar ishtirokchi qatnashmoqda. Institutimiz O‘quv-uslubiy boshqarmasi boshlig‘i K.Bozorov ham dasturda ishtirok etmoqda.
Dastur doirasida ta’limda yetakchilik, sun’iy intellekt texnologiyalaridan samarali foydalanish, ilg‘or tajribalarni o‘rganish va raqamli ta’lim sohasida xalqaro hamkorlikni kengaytirish masalalari muhokama qilinmoqda.
Dastur zamonaviy ta’lim texnologiyalarini o‘zlashtirish va ilg‘or tajribalarni ta’lim jarayoniga joriy etish uchun muhim imkoniyat yaratmoqda.

Xitoyda tahsil olib qaytgan talabalar bilan muloqotSamarqand agroinnovatsiyalar va tadqiqotlar instituti rektori Sh.Hasa...
18/09/2026

Xitoyda tahsil olib qaytgan talabalar bilan muloqot

Samarqand agroinnovatsiyalar va tadqiqotlar instituti rektori Sh.Hasanov Xitoyning Shinjon qishloq xo‘jaligi universitetida bir yil xitoy tilini o‘rganib, tahsil olib qaytgan 18 nafar talaba bilan uchrashdi.
Samimiy muloqotda talabalar Xitoydagi ta’lim jarayoni, egallagan bilimlari va tajribalari bilan o‘rtoqlashdilar. Ular xitoy tili bo‘yicha bilimlarini mustahkamlagani, Xitoy madaniyati va urf-odatlari bilan tanishgani hamda an’anaviy taychi mashg‘ulotlarida qatnashgani haqida so‘zlab berdilar.
Talabalar xorijda tahsil olish, xorijiy tilni o‘rganish va yangi tajriba orttirish imkoniyatlari uchun institut rahbariyatiga minnatdorlik bildirdilar.
Uchrashuvda kelgusidagi rejalar yuzasidan fikr almashildi. Yakunda rektor talabalarga muvaffaqiyat tilab, xorijda orttirilgan bilim va tajribalarni institut rivoji hamda kasbiy faoliyatda qo‘llash muhimligini ta’kidladi.

Tusha universiteti professori Raffaele Casa qo'shma kampusning Agronomiya bakalavriat yo'nalishi talabalariga dars mash...
15/09/2026

Tusha universiteti professori Raffaele Casa qo'shma kampusning Agronomiya bakalavriat yo'nalishi talabalariga dars mashg‘ulotlarini boshladi.

14-sentabr kuni Italiyaning Tusha universiteti professori Raffaele Casa institutga tashrif buyurdi.
Tashrif doirasida professor institut rektori Sh.Hasanov bilan uchrashib, qo‘shma ta’lim dasturi doirasidagi o‘quv jarayoni, darslarni tashkil etish va ikki oliygoh o‘rtasidagi akademik hamkorlikni yanada rivojlantirish masalalarini muhokama qildi.
Shundan so‘ng professor 60810400 – Agronomiya ta’lim yo‘nalishi talabalariga “Agronomiya asoslari” (Fundamentals of Agronomy) fanidan mashg‘ulotlarni boshladi.
Darslarda talabalar agronomiyaning asosiy tamoyillari, ekinlarni yetishtirish jarayonlari, o‘simliklarning o‘sishi va rivojlanishiga ta’sir etuvchi omillar hamda zamonaviy agronomik usullar bilan tanishmoqda.

UNITUS va SamATI qo‘shma kampusida italiyalik professor dars o‘tmoqda Samarqand agroinnovatsiyalar va tadqiqotlar ins...
15/09/2026

UNITUS va SamATI qo‘shma kampusida italiyalik professor dars o‘tmoqda

Samarqand agroinnovatsiyalar va tadqiqotlar instituti hamda Italiyaning Tusha universiteti hamkorligidagi qo‘shma kampusda xalqaro mashg‘ulotlar davom etmoqda.
Bugun, 14-sentabrdan italiyalik professor Simone Severini 70410106 — “Bioiqtisodiyot” (Circular Economy) magistrantlariga “Bioiqtisodiyot: bioiqtisodiyot va agrooziq-ovqat tizimlari” fanidan dars boshladi.
Mashg‘ulotlarda talabalar qishloq xo‘jaligi va oziq-ovqat tizimlarida bioiqtisodiy yondashuvlar hamda jarayonlarning nazariy va amaliy jihatlarini o‘rganmoqda. Shuningdek, professor magistrantlar bilan barqaror qishloq xo‘jaligi, dissertatsiya mavzulari va kelgusidagi qo‘shma tadqiqotlar yuzasidan fikr almashmoqda.

Tuscia universiteti bilan qishloq xo‘jaligi va ta’lim sohasida hamkorlik muhokama qilindiItaliyaning Tuscia universiteti...
12/09/2026

Tuscia universiteti bilan qishloq xo‘jaligi va ta’lim sohasida hamkorlik muhokama qilindi

Italiyaning Tuscia universiteti Qishloq xo‘jaligi va o‘rmon fanlari departamenti (DAFNE) direktori, professor Simone Severini Samarqand agroinnovatsiyalar va tadqiqotlar institutiga rasmiy tashrif buyurdi. Tashrif davomida professor institut rektori bilan uchrashib, ta’lim va ilmiy tadqiqotlar sohasidagi hamkorlikning kelgusi yo‘nalishlarini muhokama etdi.
Uchrashuv doirasida qishloq xo‘jaligida sug‘urta tizimi va risklarni boshqarish bo‘yicha yangi qo‘shma loyihalar ko‘rib chiqildi. Loyihalar asosida ushbu sohadagi tadqiqotlar olib borish, sug‘urta tizimining iqtisodiy samaradorligini tahlil qilish hamda uni takomillashtirish bo‘yicha takliflar ishlab chiqish masalalari yuzasidan fikr almashinuvi bo‘lib o‘tdi.
Professor Simone Severini tashrif davomida qo‘shma ta’lim dasturi talabalariga ma’ruzalarni ham olib boradi. Kelgusi haftadan boshlab uning “Bioiqtisodiyot: bioiqtisodiyot va agrooziq-ovqat tizimlari” (Bioeconomics: Bioeconomy and Agrifood Systems) fani bo‘yicha darslari boshlanadi.
Mazkur uchrashuvning amaliy natijasi sifatida ikki oliy ta’lim muassasasi hamkorligi doirasida Sendvich PhD dasturi bo‘yicha grant qo‘lga kiritildi va dasturga ilk doktorant qabul qilindi. Kelishuvga muvofiq, doktorant bir yarim yil Samarqand agroinnovatsiyalar va tadqiqotlar institutida, bir yarim yil esa Tuscia universitetida ilmiy tadqiqot faoliyati olib boradi.

Yaponiyalik hamkor bilan qo‘shma loyihalarning navbatdagi bosqichi muhokama qilindi2026-yil 9-sentabr kuni Tokio Qishloq...
10/09/2026

Yaponiyalik hamkor bilan qo‘shma loyihalarning navbatdagi bosqichi muhokama qilindi

2026-yil 9-sentabr kuni Tokio Qishloq xo‘jaligi va texnologiyalar universiteti professori Yoshiko Kawabata Samarqand agroinnovatsiyalar va tadqiqotlar institutiga tashrif buyurib, rektor bilan uchrashdi.
Uchrashuvda hamkorlikdagi xurmoni quritish loyihasi ishlari va rejalar muhokama qilindi. Ikkinchi bosqichda Nukus, Farg‘ona va Toshkentda seminarlar o‘tkazish, loyiha faoliyatini Yevropa Ittifoqi mamlakatlariga kengaytirish masalalari ko‘rib chiqildi.
Quritilgan xurmodan shokolad va boshqa shirinliklar tayyorlash, mahsulot turlarini ko‘paytirish va sotish imkoniyatlariga e’tibor qaratildi. Mahsulotlarni aviatsiya va temiryo‘l orqali yetkazish, Farg‘onadagi mahalliy hamkorlarni loyihaga jalb etish istiqbollari muhokama qilindi.
Tomonlar yangi qo‘shma loyihalar, oktabrda bir nafar doktorantning institutga kelishi va noyabrdagi seminarga tayyorgarlikni ko‘rib chiqdilar.

Tushia–SamATI qo‘shma ta’lim dasturi doirasida yangi o‘quv yilidagi darslar boshlandi Samarqand agroinnovatsiyalar va ta...
08/09/2026

Tushia–SamATI qo‘shma ta’lim dasturi doirasida yangi o‘quv yilidagi darslar boshlandi

Samarqand agroinnovatsiyalar va tadqiqotlar instituti hamda Italiyaning Tushia universiteti o‘rtasidagi qo‘shma ta’lim dasturi doirasida 2026–2027-o‘quv yilidagi dars mashg‘ulotlari boshlandi.
Shu munosabat bilan italiyalik professor Luigi Biagini Samarqand agroinnovatsiyalar va tadqiqotlar institutiga tashrif buyurdi. Tashrif doirasida professor dastlab institut rektori Sh. Hasanov bilan uchrashdi. Uchrashuvda qo‘shma ta’lim dasturi doirasidagi hamkorlik va o‘quv jarayonini samarali tashkil etish masalalari muhokama qilindi. Professor 2026-yil 7-sentabrdan boshlab 70410106 — “Bioiqtisodiyot” (Circular Economy) magistratura mutaxassisligi talabalariga “Bioiqtisodiyot: bioiqtisodiyot va agrooziq-ovqat tizimlari” (Bioeconomics: Bioeconomy and Agrifood Systems) fanidan dars mashg‘ulotlarini olib borishni boshladi.
Mashg‘ulotlar davomida talabalar bioiqtisodiyotning mazmun-mohiyati va asosiy tamoyillari, agrooziq-ovqat tizimlarida biologik resurslardan samarali va barqaror foydalanish, aylanma iqtisodiyot yondashuvlari, chiqindilarni kamaytirish hamda ularni qayta ishlash orqali qo‘shimcha qiymat yaratish masalalari bilan yaqindan tanishmoqdalar.
Mazkur tashrif va dars mashg‘ulotlari talabalarni bioiqtisodiyot va barqaror agrooziq-ovqat tizimlari bo‘yicha ilg‘or xalqaro tajribalar bilan tanishtirish, ularning nazariy bilimlari va amaliy ko‘nikmalarini mustahkamlash, shuningdek, ikki oliy ta’lim muassasasi o‘rtasidagi ilmiy-ta’limiy hamkorlikni yanada rivojlantirishga xizmat qilmoqda.

Address

Samarqand Viloyati, Oqdaryo Tumani, Dahbet Shaharchasi, Amir Temur Ko'chasi 7
Samarkand
141001

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 15:00

Telephone

+998664928116

Website

Alerts

Be the first to know and let us send you an email when Samarqand agroinnovatsiyalar va tadqiqotlar instituti rasmiy sahifasi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category