https://www.facebook.com/101917552417903/

Toshkent viloyati Ohangaron shahar 5-umumta'lim maktabi

Home
Uzbekistan
Ohangaron
Toshkent viloyati Ohangaron shahar 5-umumta'lim maktabi

Contact information, map and directions, contact form, opening hours, services, ratings, photos, videos and announcements from Toshkent viloyati Ohangaron shahar 5-umumta'lim maktabi, Middle School, 3-kichik tuman, Ohangaron.

24/03/2023

5-umumiy o'rta ta'lim maktabining 9-"b" sinf o'quvchisi, tasviriy san'atda juda iqtidorli qizimiz Abdusattorova Madinabonu fasllar kelinchagi ko'klam nafasidan ilhomlanib mana bu she'rni bitibdi. O'qing va baho bering!

11/02/2023

Yakunlanayotgan haftada Ohangaron shahar 5-umumiy o'rta ta'lim maktabi faoliyatida erishilgan yana bir nechta yutuqlar ustoz va o'quvchilar hamda jamoatchilik yodida uzoq vaqt qoladigan bo‘ldi. Sizga quyida haftaning eng shov-shuvli voqealari ketma-ketligini sanab o'tamiz:

1. So'z mulkining sultoni, buyuk ilmiy mutafakkir, ham turkiyda ham forsiyda o'z ijod manunalari bilan asrlar davomida avlodlarni ma'naviyat va ma'rifat bulog'i ila sug'orib kelayotgan Alisher Navoiy tavalludining 582 yilligini munosib kutib olish maqsadida Ohangaron shahar 5-umumiy o'rta ta'lim maktabida katta g'azalxonlik kechasi o'tkazildi. Kechada nafaqat o'quvchilar balki ustozlar ham Navoiy bobomiz ijodidan namunalar ijro etishdi. G'azal va ruboiylarni ifodali yod olishda hamda sahna madaniyatiga alohida e'tibor qaratgan bir nechta pedagog va o'quvchilar shaxsan maktab direktori Otabek Iskandarovich Ergashev tomonidan pul mukofotlari bilan taqdirlandilar. Tadbir atmosferasi ishtirokchi va tomoshabinlarga uzoq vaqt o'zining ma'naviy ozuqasini berishiga shubhamiz yo'q.

2. Ohangaronlik 5 nafar bitiruvchilar muddatidan avval talaba bo‘lishdi:
Shahrimizdagi 3-5-maktab o‘quvchilari
Toshkentdagi Britaniya Menejment Universitetiga talabalikka tavsiya etildi. Quvonarlisi tavsiya etilganlarning 5 nafari bizning maktabdan:

✅3-maktab bitiruvchisi Javohir Abdullaxoshimov,
❇️5-maktab bitiruvchisi Oygul Jalgʻasboyeva,
✅5-maktab bitiruvchisi Shahnoza Xusanboyeva;
✅5-maktab bitiruvchisi Sevinch Abduvaitova;
✅5-maktab bitiruvchisi Malika Jonibekova;
✅5-maktab bitiruvchisi Lochinbek Xasanov.

11/05/2022

Ajdodlarni xotirlash va keksalarni e’zozlash, ulug‘ qadriyat hisoblanib, bu borada mamlakatimizda har yili qabul qilinayotgan dasturlarda yoshi ulug‘, nuroniylarga bo‘lgan hurmat, e’tibor diqqat markazidadir.

9 may yurtimizda keng miqyosda “Xotira va qadrlash kuni” katta tantanalar bilan nishonlanib 1941-1945 yillar urush va mehnat frontida tinchlik uchun kurashib halok bo‘lgan jasur va matonatli o‘g‘lonlar hotirasi yod etiladi hamda urush va mehnat frontida jasorat ko‘rsatgan nuroniylarimiz e’zozlanishi xalqimizga xos qadriyatlar ko‘zgusi sanaladi.

Yurtimizda keng nishonlanayotgan Xotira va qadrlash kuniga bagishlangan tadbirlar bizning Ohangaron shahar 5-umumta'lim maktabida ham ko'tarinki kayfiyatda davom etayapti. Ona diyorimiz, xalqimizning ozodligi va istiqloli, erkin va farovon hayotini mardlik va shijoat bilan himoya qilgan fidoiy yurtdoshlarimizga korsatilayotgan gamxorlik, hurmat-ehtiromda yanada yaqqol namoyon bo`lmoqda.

24/04/2022

Ohangaron shahar prokurori A.A.Abdunabiyev tashabbusi bilan 5-umumta'lim maktabida Toshkent viloyati prokuraturasi faxriylari bilan uchrashuv tashkil qilindi. Tadbirni A.A.Abdunabiyev ochib berdi. Uchrashuv 5-umumta'lim maktabida Prezidentimiz Sh.M.Mirziyoyevning 5 ta muhim tashabbusi asosida o'z faoliyatini yuritayotgan to'garaklar ishini kuzatish bilan davom etdi. Bular ichida musiqa, rassomlik, adabiyot, sportning volleybol, shaxmat-shashka, kompyuter savodxonligi va "Zakovat" intellektual o'yinlari bor. Faxriylar qavatma-qavat, xonama-xona yurib katta e'tibor bilan har bir to'garak faoliyati bilan tanishar ekanlar, har bir o'quvchidan uning ertangi k***agi maqsadi, rejalari bilan tanishibgina qolmasdan, balki, o'zlarining qonun ustuvorligini ta’minlash, qonuniylikni mustahkamlash, fuqarolarning huquq va erkinliklarini, jamiyat va davlatning qonun bilan qo‘riqlanadigan manfaatlarini himoya qilish sohasidagi boy va ibratli hayot tajribalari, amaliy bilim va ko‘nikmalari bilan o‘rtoqlashib ularga tashakkurnomalar va badiiy-ilmiy kitoblar, sport anjomlari va sovg'alar ulashishdi. Faxriylar maktab bog'iga mevali va manzarali daraxt ko'chatlarini o'tqazishdi. Tadbir so'nggida viloyat faxriylar Kengashi raisi M.Egamberdiyev, faxriylar E.Abzalov va Q.Romanov 5-umumta'lim maktabi direktori O.I.Ergashev hamda maktab jamoasini minnatdorchilik ramzi sifatida tashakkurnoma bilan taqdirladilar.

06/04/2022

https://fb.watch/cdpU9GSVsu/

30/03/2022

Toshkent viloyati Ohangaron shahar 5-umumta'lim maktabida 29-30-mart kunlari kitob yarmarkasi tashkil etildi. Mazkur yarmarkadan ko'zlangan asosiy maqsad o'quvchilarimiz o'rtasida kitobxonlikni keng targ'ib etishdir. Quvonarlisi ushbu yarmarkada nafaqat o'qituvchi-xodimlarimiz, nafaqat o'quvchilarimiz, balki ota-onalar ham faol ishtirok etib, farzandlari uchun keng turdagi bolalar adabiyotlarini xarid qilishdi.

20/03/2022

XUSH KELDING, NAVRO‘Z!

Shukuhli kunlarda yurtimizda Navro‘z umumxalq bayrami keng nishonlanmoqda. Serquyosh diyorimizning barcha joylarida bo‘lganidek Toshkent viloyati Ohangaron shahar 5-umumta'lim maktabida ham Navro‘z bayrami katta tantanalar bilan kutib olinmoqda.

Xususan, joriy yilning 19-mart kuni Navro‘z umumxalq bayramiga bag‘ishlab “Xush kelding Navro‘z!” shiori ostida tadbir o‘tkazildi.

Mazkur bayramona tadbir doirasida Respublikamizning barcha viloyatlari urf-odatlariyu madaniyatidan kelib chiqqan holda har bir sinf alohida ma'muriy markazni qamrab olib va shu asosda pishiriqlar ya'ni osh, sumalak, ko‘k somsalar hamda undirilgan bug'doylarni o'zlarining bayram dasturxoniga tortib o‘zgacha ko‘rk bag‘ishlashdi.

Tadbirning badiiy qismini maktabimizning xushovoz o'quvchi xonandalarining chiqishlari va yannayam e'tiborli jihati qadimdan Navro'z sayllarida o'tkaziladigan xalq o'yinlari, laparlar o‘rin oldi.

Azaliy qadriyatlarimizdan biri bo‘lgan bu kabi bayramlarning mamlakatimizda keng nishonlanishi elimizda obodlik, tinchlik-totuvlik va millatlaro ahillik hukm surishiga xizmat qiladi.

08/03/2022

Ayol - Mehr bobida quyoshsan!

Duosida tinchlik so'rar yurtiga,
Ko'nar hayot aytgan barcha shartiga.
Gullar soching oyog'ining gardiga.
Zulmatlarni yoritguvchi,
AYOL - Bu dunyoning jannat gulisan!

Sen onasan, sen go'zal yor yo singil,
Ma'noli so'zingdan obod har ko'ngil.
Mehring bersang, dard ham o'tadi yengil.
Kim bo'lmakki, keksami yoki yoshsan,
AYOL - Mehr bobida quyoshsan!

Tabassuming aritadi g'amlarni.
Shodlikka olasan tushkun damlarni.
To'ldirasan ro'zg'ordagi kamlarni.
Uyim-joyim deya bedor halaksan,
AYOL - Mehnat ichida ham malaksan.

Senga yo'qdir bolaning begonasi,
Sevging ulashasan gapning honasi.
Qalbing shunchalar oq - o'zbek onasi.
Yangi kunning debochasi nahorsan,
AYOL - Yangilanish fasli bahorsan.

Ba'zan tashvishing bor, yuraging titroq,
Ko'ngling yig'lasa-da, ko'zlaring porloq.
Sabring qarshisida cho'kib qolar tog'.
Har mushkulning davosisan, ixlossan,
AYOL - Sabr, mehr otlig' libossan.

Malohatsan, nazokatsan, navosan.
Andishasan, or - nomus hayosan.
O'zing dunyo ichra bitta dunyosan.
Mo'jizasan, mudom bor bo'lgin ayol.
Ishqqa, sadoqatga yor bo'lgin ayol!

04/03/2022

O'zbekiston Respublikasi Prezidentining sovrini uchun "Xorijiy tillarni o'qitish bo'yicha eng yaxshi maktab" tanlovining birinchi (shahar) bosqichida Ohangaron shahar 5-umumta'lim maktabi nomidan ishtirok etayotgan o'quvchilar.

04.03.2022 yil. Soat 12:10.

Ayni damda ular Ohangaron shahar 2-IDUMda test savollariga javob berishayapti.

22/02/2022

PREZIDENTNING 5 TASHABBUSI IJROSI

Jamiyat taraqqiyotida, yurt, millat taqdirida o‘sib kelayotgan yosh avlodning jismoniy va ma’naviy barkamolligi, intellektual salohiyati muhim o‘rin tutadi. Zero, davlatimiz rahbari Shavkat Mirziyoyev ta’kidlaganidek, “Dunyo shiddat bilan o‘zgarib, barqarorlik va xalqlarning mustahkam rivojlanishiga raxna soladigan turli yangi tahdid va xavflar paydo bo‘layotgan bugungi k***a ma’naviyat va ma’rifatga, axloqiy tarbiya, yoshlarning bilim olish, kamolga yetishga intilishiga e’tibor qaratish har qachongidan ham muhimdir”. O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida belgilangan yoshlarga oid davlat siyosatini takomillashtirish, yoshlarning huquq va manfaatlarini himoya qilish, ularning barkamol bo‘lib voyaga yetishi uchun zarur shart-sharoitlar yaratish borasida bir qancha muhim hujjatlar qabul qilindi, amaliy ishlar yo‘lga qo‘yildi, muayyan natijalarga erishildi. Shunday bo‘lsa ham, bu borada bajariladigan ishlar hamisha keng ko‘lamli bo‘lib, o‘z dolzarbligini saqlab qolaveradi. Shu nuqtayi nazardan, Prezidentimiz rahbarligida 2019-yil 19-martda “Yoshlar bilan ishlashni samarali tashkil etishda madaniyat, san’at, sport, axborot texnologiyalari, kitob o‘qishga qiziqishini oshirish bo‘yicha 5 ta muhim tashabbusni amalga oshirish to‘g‘risida” o‘tkazilgan videoselektor yig‘ilishida yoshlarni rivojlantirishga qaratilgan masalalar muhokama qilingan va sohalarga taalluqli 5 ta muhim tashabbus ilgari surilgan edi. Bular quyidagilar:

Birinchi tashabbus yoshlarning musiqa, rassomlik, adabiyot, teatr, va san’atning boshqa turlariga qiziqishlarini oshirish bo‘yicha.

Ikkinchi tashabbus yoshlarni jismoniy chiniqtirish va sport sohasida o‘z qobiliyatini namoyon qilishlari uchun zarur sharoitlar yaratib berish masalalari bo‘yicha.

Uchinchi tashabbus aholi va yoshlar o‘rtasida kompyuter texnologiyalari va internetdan samarali foydalanishni tashkil etish masalalari bo‘yicha.

To‘rtinchi tashabbus aholi, ayniqsa, yoshlar ma’naviyatini yuksaltirish, ular o‘rtasida kitobxonlikni keng targ‘ib qilish masalalari bo‘yicha.

Beshinchi tashabbus xotin-qizlarni ish bilan ta’minlash ishlarini tizimli tashkil etish masalalari bo‘yicha.

Mazkur tashabbus ijrosi bo'yicha maktabimizda deyarli har kuni tadbirlar, to'garaklar faoliyati davomiyligini yo'lga qo'yganmiz. Shulardan yana biri 18-fevral 2022-yil "Vatan" MFY bilan hamkorlikda bo'lib o'tdi. Bunga barcha sinf o'quvchilari va o'qituvchilar qamrab olindi. Ochiq osmon qo'ynida hududdagi sog'lomlashtirish maydonchasida tashkillashtirilgan tadbirimizda turli sport musobaqalari, g'azalxonlik, ruboiyxonlik, she'rxonlik bellashuvlari, ijodiy-madaniy targ’ibot hamda tashviqot ishlari milliy cholg'u asboblarimiz yordamida o'quvchilarimiz tomonidan ijro etilgan vatanparvarlik ruhidagi kuy-qo'shiqlarga ulanib ketdi.

Address

3-kichik Tuman
Ohangaron
110300

Telephone

+998983643064

Website

facebook.com

Alerts

Be the first to know and let us send you an email when Toshkent viloyati Ohangaron shahar 5-umumta'lim maktabi posts news and promotions. Your email address will not be used for any other purpose, and you can unsubscribe at any time.