15/05/2023
Turaqlı jasıllıq ushın:
Úgit-násiyat ilajlarında belsendi
Usı joybar tiykarında tájiriybe toplaǵan mektebimizdiń biologiya páni oqıtıwshısı Rayxan Minajova tárepinen mektep oqıwshılar arasında joybar tiykarında seminarlar, kórgizbeli sabaqlar shólkemlestirilmekte. Maqset oqıtıwshılar hám oqıwshılarda ana tábiyatqa bolǵan unamlı qatnastı bekkemlew hám bul baǵdarda sońǵı texnologiyalar, nátiyjeli usıllardan paydalanǵan halda ekologiyaǵa qáwiplerdiń aldın alıwdı úgit-násiyatlawdan ibarat.
Trener-oqıtıwshı tárepinen mektep kóleminde joybarda belgilengen ilajlardıń nátiyjeli ámelge asırılıwı ushın jumıslar baslap jiberilgen.
15/05/2023
Turaqlı jasıllıq ushın
Koreya xalıqaralıq birge islesiw agentligi (KOICA) tárepinen Global jasıl ósiw institutı (GGGI) menen birgelikte Aral teńizi qurıwınıń unamsız aqıbetlerin saplastırıw maqsetinde Respublikamız aymaǵında jasıl reabilitaciyaǵa kómeklesiw, sonday-aq turaqlı turmıslıq támiynat hámde tábiyiy qáwiplerge turaqlılıqtı támiyinlew boyınsha ilajlar belgilengen bolıp, Qaraózek rayonında ulıwma orta bilim beriw mekteplerinen trenerler tańlap alındı hám arnawlı kurslarda oqıtılǵan edi.
15/05/2023
SAPLANÍWDA
Mektebimizde jańa oqıw háptesi ádettegidey saplanıw menen baslanıp, mámleketlik gimn oqıwshılar tárepinen saltanatlı túrde atqarıldı.
Sonday-aq hápte dawamında belgilengen ilajlar hám rejeler hám ótken hápte juwmaģı menen pán olimpiadaları, rayonlıq, respublikalıq sport jarıslarında hám mektepte ótkerilgen tańlawlarda jeńiske erisken, belsene qatnasqan oqıwshılar atap ótilip, jetiskenligi tanıstırıldı.
15/05/2023
Xosh xabar
Boks boyinsha 2007-2008, 2009-2010, 2011-2012 jil tuwilģan jas òspirimler ortasinda Tashkent rayoni B.O.S.M ashiq birinshiliginde mektebimizdiñ 5-klass oqiwshilari
Arislanbaev Nurim, Maxsetbaev Sulayman, Bazarbaev Islamlar siyliqli 1-orindi iyelep mektebimiz jàmààtine xosh xabar menen qaytti. Mektep direktori G.Turdimova jas sportshilarimizģa àwmetler tiledi .
Kishkeneliginen sportqa ıqlaslı bul oqıwshılarımızdıń bunday jetiskenliklerge erisiwinde ata-anasınıń qollap-quwatlap, óz waqtında bos waqıtın qadaǵalap, baǵdarlap barıwı nátiyje beredi dep oylaymız.
Tabıslarıńız dawamlı bolsın jas sportshılar!
15/05/2023
Jas sportshılar jeńisi
Mektebimizdiń 1-klass oqıwshıları X.Puqarbaev hám D.Keńesbaevalar sporttıń ózbek jawıngerlik óneri túri boyınsha Qaraózek rayonı birinshiliginde hám Qaraqalpaqstan chempionatında óz salmaq kategoriyası boyınsha sıylı 1-orındı iyeledi.
Kishkeneliginen sportqa ıqlaslı bul oqıwshılarımızdıń bunday jetiskenliklerge erisiwinde ata-anasınıń qollap-quwatlap, óz waqtında bos waqıtın qadaǵalap, baǵdarlap barıwı nátiyje beredi dep oylaymız.
Tabıslarıńız dawamlı bolsın jas sportshılar!
15/05/2023
QÍZLAR ARASÍNDA BIRINSHILIK ÓTKERILDI
Ózbekstan "Milliy tiklanish" demokratiyalıq partiyası Qaraózek rayonlıq Keńesi menen birgelikte mektebimizde oqıwshı qızlar arasında birinshilik ótkerildi.
Tiykarınan doslıq ushırasıwına baǵdarlanǵan oyınlarǵa rayon orayındaǵı ulıwma orta bilim beriw mektepleri hám kásip-óner mektebinen sportshı qızlar qatnastı. Birinshilikten maqset Respublikalıq hám rayonlıq sport jarıslarına tayarlıq kóriw hám dene tárbiya páni oqıtıwshılarınıń tájiriybe almasıwına erisiwden ibarat boldı.
Oyınlar dawamında baqlanǵanınday hár bir mektepte sport túrine ıqlaslı oqıwshı qızlardıń bar ekenligi hám oqıtıwshılardıń da intasınıń nátiyjesi kózge taslanadı.
Bunday doslıq ushırasıwların, sport jarısların dene tárbiya páni oqıtıwshıları baslaması menen turaqlı ótkerip barıw belgilengen.
15/05/2023
XOSH XABAR:
Qaraqalpaqstan chempionı mektebimizden
Sporttıń awır atletika túrinen óspirimler arasında (U 15) ótkerilgen Qaraqalpaqstan chempionatında mektebimizdiń 6-klass oqıwshısı Muhammed Bazarbaev 36 kg salmaqta teńsizligin dáliyllep, sıylı 1-orındı iyeledi hám chempion atandı.
Jas sportshımız Muhammedke, sport túrinen tayarlaǵan trenerlerine hám qollap-quwatlaǵan ata-anasına minnetdarshılıq bildiremiz.
Chempionattaǵı joqarı jetiskenligi menen qutlıqlaymız!
15/05/2023
PAYTAXTQA SAYAXAT
Mektebimizdiń oqıwshıların úlkemiz tariyxı, milliy mádeniyatımız hám materiallıq mádeniy miyrasımız benen jaqınnan tanıstırıw maqsetinde paytaxtımız Nókis qalası boylap sayaxat shólkemlestirildi.
Sayaxat dawamında I.V.Savickiy atındaǵı Qaraqalpaqstan mámleketlik kórkem óner muzeyi hám Qaraqalpaqstan Respublikası tariyxı hám mádeniyatı mámleketlik muzeyi, I.Yusupov atındaǵı dóretiwshilik mektebi, sonday-aq materiallıq mádeniy miyras obyektleri, dıqqatqa ılayıq orınlarda boldı. Bul orınlarda milliy tariyx, ádebiyat hám mádeniyat, ilim, bilimlendiriw hám ǵárezsizlik jıllarındaǵı jetiskenlikler, imkaniyatlar haqqında maǵlıwmatqa iye boldı.
Sonday-aq dem alıw parklerinde bolıp, klaslasları menen birgelikte mádeniy dem aldı.
15/05/2023
Ómir qáwipsizligine baylanıslı sabaq
Mektebimizdiń fizika páni oqıtıwshısı Xalmuratova Zernegúldiń 6-a-klasta "Elektr qáwipsizlik ilajları" degen temada kórgizbeli ashıq sabaģı ótkerildi.
Oqıwshılarģa sabaqlıq sheńberinde turmısta elektr energiyasınan nátiyjeli paydalanıw hám qáwipsizlik qaģıydaları, túrli qáwiplerdiń aldın alıw, gúresiw ilajları ámeliy kóriniste birgelikte orınlandı.
Bunday kórgizbeli sabaqlarda oqıwshılarģa tema dógereginde turmıs penen baylanıslı mısallardan paydalanıp hám ózlerin qatnastırģan halda ámeliyat penen baylanıslı maģlıwmat penen tanıssa sabaq óz nátiyjesin beredi dep oylaymız.
15/05/2023
Kitapqumarlar akciyada belsendi
- Men ózim oqıģan mektebime kitap sawģa etemen! - degen aģla niyet penen klaslasların birlestirip, mektep kitapxanasına - bárshe ushın ortalıq kitap fondın arttırıwģa bel baylaģan kitapsúyer oqıwshılardıń kópligi kózdi quwandıradı.
Bárshesi birlesip, ózleri kitap tańlaģan halda kitapxanaģa kitap sawģa etiwge asıqqan oqıwshılardıń niyetleri ámelge asıwın, bilim jolında hesh súrnikpey alģa qanat qomlap, joqarı sheklerdi iyelewine tileklespiz!
Ana mektebińiz siziń ģamxorlıģıńız, belsendiligińizden minnetdar!
PS. Mektep kitapxanası bárshemizge payızlı orınlardan biri sanaladı. Búgingi akciyada kelip túsken kitaplar menen kitapxanamız ishi jánede nurģa bólengen sıyaqlı.
Payızlı orındı barıp kórmek abzal.
15/05/2023
Kitap akciyasında belsendilik
Kitap oqıwģa bolģan talpınısqa imkaniyat, sharayat zárúr sanaladı. Bárshe mektep jámááti, oqıwshılarda birdey qızıģıwshılıq penen awızbirshilik úlgisin kórsetip, mektebimiz kitapxanasında ortalıqtan mánawiy baylıq deregin toplawģa bolģan qulshınısımız zaya ketpedi. Kitapxanamızda jańa ádebiyatlar sanı arttı hám bayıtıldı.
Bul maqsetli iske mektebimiz oqıtıwshıları, xızmetkerleri, klass basshılar belsendi qatnasıp, óz sawģasın inam etti.
15/05/2023
15/05/2023
15/05/2023
15/05/2023
15/05/2023
15/05/2023