Nòkis mámleketlik pedagogikalıq institutı akademiyalıq liceyi

28-oktyabr kúni akademiyalıq liceydiń Shet tiller kafedrası is-ilajına muwapıq “Oqıwshılardı kásipke baǵdarlaw boyınsha joqarı oqıw orınları menen tanıstırıw” atamasında úgit-násiyat jumısların alıp barıw maqsetinde ushırasıw ótkerdi. Ushırasıwǵa Shet tiller kafedrası oqıtıwshıları hám Ózbekstan Milliy Universiteti Shet tiller fakulteti “Inglis tili hám ádebiyatı” baǵdarı 4-kurs studenti, AQSH nıń “Circle O INC” kompaniyası qáwipsizlik boyınsha qániygesi Muftullaeva Nilufar qatnastı hám liceyimizdiń shet tiller baǵdarı pitkeriwshi kurs oqıwshılarına ózi tálim alıp atırǵan universitet hám jumıs ornı haqqında maǵlıwmatlar berdi. Ushırasıw inglis tilinde alıp barıldı. Oqıwshılar ushırasıw sońında ózleriniń qızıqtırǵan sorawlarına juwaplar aldı.

Akademiyalıq licey oqıwshısı-Ózbekstan chempionı!
Xosh xabar! Liceyimizdiń 206-topar oqıwshısı Xodjaniyazova Laylo 7-9-oktyabr kúnleri sporttıń Sanda jónelisi boyınsha Tashkent qalasında ótkerilgen Ózbekstan Kuboginda 65 kg awırlıqta teńsiz dep tabılıp, 1-dárejeli diplom menen sıylıqlandı! Oqıwshımızdı jetiskenligi menen qutlıqlaymız hám aldaǵı jarıslarında áwmet tileymiz!