TITU Namangan manzili

Toshkent iqtisodiyot va texnologiyalari universiteti Namangan manzilida “Raqamli transformatsiya davrida ta’lim muassasalari boshqaruvi: innovatsion texnologiyalar va amaliy yechimlar” mavzusida o’tkazilgan ilmiy-amaliy anjumandan fotogelereya.

Direktor tabrigi

Muhtaram ustozlar, aziz talabalar va qadrli yurtdoshlar!

Bugun qalblarimizni nurga to‘ldirgan, mehr va saxovatga chorlagan muborak kun — Ramazon hayitini qarshi olayapmiz.

Ramazon davomida qilgan har bir ezgu amalimiz, aytgan har bir yaxshi so‘zimiz va qilgan har bir yaxshiligimiz bugun o‘z samarasini berayotgan kun — Hayit ayyomidir.

Bugungi muborak k***a barchangizga sog‘lik, xotirjamlik, oilaviy baxt va baraka tilayman. Har bir xonadonda quvonch, har bir qalbda esa mehr va shukronalik tuyg‘usi jo‘sh ursin!

Ramazon hayitingiz muborak bo‘lsin!

Hurmat bilan,
Toshkent iqtisodiyot va texnologiyalari universiteti Namangan manzili direktori
Azizxon Axmedov

Yangi Namangan tumanida “Yoshlar kuni” doirasida otaliqqa olingan hamda probatsiya hisobidagi yoshlar bilan ochiq muloqot o‘tkazildi

Har haftaning payshanba kuni anʼanaviy tarzda o‘tkazib kelinayotgan “Yoshlar kuni” tadbirlari doirasida yoshlarning muammo va takliflarini o‘rganish, ularni har tomonlama qo‘llab-quvvatlash, jamiyatda munosib o‘rin egallashlariga ko‘maklashish masalalariga alohida eʼtibor qaratilmoqda.

Navbatdagi ana shunday tadbir Yangi Namangan tumanidagi Toshkent iqtisodiyot va texnologiyalar universitetining Namangan filialida tashkil etildi. Unda Namangan viloyati Ichki ishlar boshqarmasi boshlig‘i tomonidan otaliqqa olingan hamda probatsiya hisobida turgan yoshlar bilan ochiq muloqot o‘tkazildi. Uchrashuvda 300 nafardan ortiq yigit-qiz ishtirok etdi.

Tadbir davomida biriktirilgan yoshlar bilan olib borilayotgan ishlar tahlil qilinib, kelgusida amalga oshirilishi lozim bo‘lgan ustuvor vazifalar belgilab olindi. Shuningdek, yoshlarning murojaat va takliflari tinglandi. Xususan, probatsiya nazoratida bo‘lgan ayrim yoshlar hisobdan chiqarish masalasida amaliy yordam so‘radi. Tuzalish yo‘liga qatʼiy o‘tgan fuqarolarga nisbatan qonuniy yechimlar va tegishli tartiblari tushuntirildi.

Bundan tashqari, davolanish, tug‘ilganlik haqidagi guvohnomani rasmiylashtirish, ishga joylashish, uy-joyni taʼmirlash, moddiy yordam olish, taʼlimga qayta tiklanish hamda kontrakt to‘lovlarini qoplash bilan bog‘liq murojaatlarning aksariyati joyida ijobiy hal etildi.

Mazkur uchrashuv doirasida universitet filialida talaba-yoshlar uchun yaratilgan shart-sharoitlar bilan ham tanishildi. Jumladan, yoshlarning sifatli taʼlim olishi, zamonaviy bilim va kasb-hunar egallashi, shuningdek, bo‘sh vaqtlarini mazmunli tashkil etishi uchun yaratilgan imkoniyatlar ko‘zdan kechi

Bunday ochiq va amaliy muloqotlar yoshlarni qo‘llab-quvvatlash, ularning muammolariga tezkor yechim topish hamda ertangi kunga bo‘lgan ishonchini yana-da mustahkamlashda muhim ahamiyat kasb etmoqda.

Namangan viloyati IIB Axborot xizmati

Talabalar va direktor — ochiq muloqot, yangi fikrlar

Toshkent iqtisodiyot va texnologiyalari universiteti Namangan manzilida direktor va talabalar ishtirokida ochiq muloqot bo‘lib o‘tdi.

Bu uchrashuv oddiy yig‘ilish emas, balki talabalar o‘z fikrlarini erkin bildirib, muhim masalalarni bevosita muhokama qilgan samimiy suhbat maydoniga aylandi. Ta’lim sifati, talabalar hayoti, yangi tashabbuslar va kelajak rejalar yuzasidan jonli fikr almashinuvi bo‘ldi.

Ochiq muloqot — bu rivojlanishning boshlanishi. TITUda esa bu jarayon doimiy davom etadi.

Toshkent iqtisodiyot va texnologiyalari universitetida kontrakt narxlari bilan tanishing!

Universitetimizda talabalarga zamonaviy ta’lim, qulay sharoitlar va keng imkoniyatlar yaratilgan. Endi siz o‘zingizga mos yo‘nalishni tanlab, kelajagingiz sari dadil qadam qo‘yishingiz mumkin.

💰 Kontrakt narxlari — 12 mln so‘mdan boshlanadi.

🌍 Xalqaro akkreditatsiyadan o‘tgan universitet
📚 Jahon standartlariga mos ta’lim
🎓 Malakali professor-o‘qituvchilar
🚀 Zamonaviy va innovatsion ta’lim muhiti

Talaba

2026-yil 13–14-mart kunlari respublikaning barcha hududlarida “Yurt obodligi, avvalo, mahalladan boshlanadi!” shiori ostida umumxalq xayriya hashari o‘tkazilmoqda.

Toshkent iqtisodiyot va texnologiyalari universiteti Namangan manzilida ham ushbu umumxalq hashari doirasida obodonlashtirish ishlari tashkil etildi.

Unda universitetning professor-o‘qituvchilari va xodimlari faol ishtirok etib, hududni obodonlashtirish, tozalash hamda yashil muhitni yanada yaxshilash ishlariga o‘z hissalarini qo‘shdilar.

Tadbirkor va yoshlar uchrashuvi bo‘lib o‘tdi

Toshkent iqtisodiyot va texnologiyalari universiteti Namangan manzilida “Tadbirkor va yoshlar uchrashuvi” mavzusida tadbir bo‘lib o‘tdi.

Tadbir mehmoni — Jabbarova Marina Devidovna, Namangan shahridagi “Silk Granat” xususiy korxonasi rahbari bo‘lib, u talabalarga tadbirkorlik faoliyati, biznesni yo‘lga qo‘yish tajribasi hamda muvaffaqiyatga erishish yo‘llari haqida qiziqarli ma’lumotlar berdi.

Uchrashuv davomida talabalar o‘zlarini qiziqtirgan savollarni berib, tadbirkorlik sohasidagi tajribalar bilan yaqindan tanishish imkoniyatiga ega bo‘ldilar. Samimiy muloqot tarzida o‘tgan tadbir yoshlar uchun foydali tavsiyalar va motivatsiyaga boy bo‘ldi.

Bunday uchrashuvlar yoshlarning tadbirkorlikka bo‘lgan qiziqishini oshirish, ularga amaliy tajriba ulashish hamda kelajakdagi faoliyatlari uchun muhim yo‘nalishlar berishda katta ahamiyat kasb etadi.

Tarixiy obidaga tashrif

Toshkent iqtisodiyot va texnologiyalari universiteti Namangan manzili talabalari Mulla Qirgʻiz madrasasiga tashrif buyurib, ushbu tarixiy obidaning boy tarixi va me’moriy ahamiyati bilan yaqindan tanishdilar.

Tashrif davomida talabalar madrasaning bunyod etilish tarixi, uning ilm-ma’rifat markazi sifatidagi o‘rni hamda ajdodlarimiz tomonidan qoldirilgan bebaho madaniy meros haqida qiziqarli ma’lumotlarga ega bo‘ldilar.

Bunday ma’naviy-ma’rifiy tashriflar yoshlarning tarixiy merosimizga bo‘lgan qiziqishini oshirish, milliy qadriyatlarimizga hurmat ruhida tarbiyalash hamda ularning dunyoqarashini kengaytirishga xizmat qiladi.

Toshkent iqtisodiyot va texnologiyalari universiteti Namangan manzilida Namangan viloyati xotin-qizlari o‘rtasida “Zakovat Quiz” intellektual o‘yini bo‘lib o‘tdi.

Mazkur bellashuvda universitet talabalari, shuningdek maktab, texnikum va litseylarning yuqori bosqich talabalari ham faol ishtirok etib, o‘z bilimlari, mantiqiy fikrlashi va jamoaviy ishlash ko‘nikmalarini namoyon etdilar.

Qiziqarli savol-javoblar va sog‘lom raqobat muhitida o‘tgan ushbu bellashuv ishtirokchilarga bilimlarini sinab ko‘rish, yangi bilimlar olish hamda o‘zaro tajriba almashish imkonini berdi.
Bellashuv yakunida g‘olib jamoalarga esdalik sovg‘alari topshirildi.

Toshkent iqtisodiyot va texnologiyalari universiteti Namangan manzilida yoshlar va xotin-qizlarning bilim salohiyatini oshirish, ularning intellektual rivojlanishini qo‘llab-quvvatlash maqsadida ana shunday ma’rifiy va intellektual tadbirlar muntazam ravishda tashkil etib kelinmoqda.

Toshkent iqtisodiyot va texnologiyalari universiteti Namangan manzilida “Biz giyohvandlikka qarshimiz” mavzusida profilaktik tadbir bo‘lib o‘tdi.

Tadbirda:
— Yangi Namangan tumani IIB boshlig‘i o‘rinbosari Azizbek Dolimov Abdullayevich
— Huquqbuzarliklar profilaktikasi bo‘limi boshlig‘i Ergashev Ilhomjon Komilovich
— Yangi Namangan tumani IIB Yoshlar bilan ishlash bo‘limi inspektori Sobitxanov Ahadxon Farhodjon o‘g‘li ishtirok etib, talabalar bilan ochiq muloqot o‘tkazdilar.

Uchrashuv davomida yoshlar o‘rtasida giyohvandlikning salbiy oqibatlari, huquqbuzarliklarning oldini olish hamda sog‘lom turmush tarzini targ‘ib qilish masalalari haqida batafsil ma’lumot berildi.

Mazkur tadbir yoshlarni zararli illatlardan asrash, ularning huquqiy savodxonligini oshirish hamda sog‘lom turmush tarzini shakllantirishga xizmat qiladi.

Toshkent iqtisodiyot va texnologiyalari universitetining Namangan manzilida “Akademik va yoshlar uchrashuvi” mavzusida
ilmiy-ma’rifiy tadbir bo‘lib o‘tdi.

Mazkur uchrashuv doirasida O‘zbekiston Fanlar akademiyasi akademigi Sulaymonov Botirjon Abdushukurovich bilan davra suhbati tashkil etildi.
Tadbir davomida akademik yoshlar bilan ilm-fan taraqqiyoti, innovatsion texnologiyalarni rivojlantirish, zamonaviy tadqiqot yo‘nalishlari hamda ilmiy izlanishlarda qat’iyat va mas’uliyatning ahamiyati haqida fikr almashdi. Shuningdek, talabalarning savollariga batafsil javob berib, o‘zining ilmiy faoliyati va tajribasi bilan o‘rtoqlashdi.

Uchrashuv samimiy va ochiq muloqot ruhida o‘tib, yoshlarning ilmiy salohiyatini oshirish, ularni katta maqsadlar sari ruhlantirishda muhim ahamiyat kasb etdi. Tadbir yakunida talaba-yoshlar akademikka o‘z minnatdorchiliklarini bildirdilar.

🌸 1-mart — Bahorning ilk kuni va Zulfiyaxonim tavallud ayyomi!

Bugun tabiat uyg‘onadi, qalblar yangilanadi. Aynan shu go‘zal k***a o‘zbek she’riyatining yulduzi, vafo va sadoqat kuychisi — Zulfiya Isroilova tavallud topgan.

Zulfiyaxonim nafaqat iste’dodli shoira, balki o‘zbek ayolining matonati, nazokati va fidoyiligining timsolidir. Uning she’rlari muhabbat, vatan, sadoqat va insoniylik tuyg‘ulari bilan yo‘g‘rilgan.

Bugun biz u zotni chuqur hurmat va ehtirom bilan yod etamiz. Uning ijodi hamon dillarga ilhom, qalblarga nur bag‘ishlab kelmoqda.

🌷 Bahor muborak bo‘lsin!
🌷 Zulfiyaxonim ruhi shod bo‘lsin!