Ўзбекистон Соғлиқни сақлаш ходимлари касаба уюшмаси Фарғона вилоят Кенгаши

🌹 СЎХ ТУМАНИ ТИББИЁТ БИРЛАШМАСИ ХОДИМЛАРИ НАМАНГАНДАГИ «65-ГУЛЛАР ФЕСТИВАЛИ»ДА!

Инсон саломатлиги йўлида фидокорона меҳнат қилаётган оқ халатли нажоткорларимизни қўллаб-қувватлаш ва уларнинг маданий ҳордиқ чиқаришларини таъминлаш мақсадида ажойиб саёҳат ташкил этилди. Сўх тумани тиббиёт бирлашмаси раҳбарияти ва Касаба уюшмаси қўмитаси ташаббуси билан бир гуруҳ ишчи-ходимлар айни кунларда давом этаётган дунёга машҳур 65-халқаро гуллар фестивалига юборилдилар.

Гўзал Наманган шаҳри бағрида ўтаётган ушбу нафосат байрами Сўхлик тиббиёт ходимларига унутилмас таассуротлар улашмоқда. Ходимларимиз миллионлаб ранг-баранг гуллар билан безанган масканларни, бетакрор флористик композицияларни зўр ҳаяжон билан томоша қилиб, ҳақиқий эстетик завқ олмоқдалар. Муҳими, бу саёҳат машаққатли касб эгаларига кундалик иш ташвишларидан бироз чалғиб, янги куч-ғайрат йиғишларига сабаб бўлмоқда.

С Alisher Yusupov — Я делаю успехи! Мне удалось попасть в список самых активных подписчиков недели уже 5 недель подряд. 🎉

Davlat tibbiy sug‘urtasi tizimini joriy etish bo‘yicha o‘quv-seminar tashkil etildi.
📌 O‘zbekiston Respublikasi Prezidentining 2025 yil 5 sentyabrdagi PQ-311-sonli “Davlat tibbiy sug‘urtasi mexanizmlarini joriy etishga oid chora-tadbirlar to‘g‘risida”gi qarori ijrosini joylarda samarali ta’minlash maqsadida O‘zbekiston sog‘liqni saqlash xodimlari kasaba uyushmasi Farg‘ona viloyat kengashi hamda Farg‘ona viloyati sog‘liqni saqlash boshqarmasi hamkorligida Toshkent viloyatida joriy yilning 23–25 may kunlari viloyatdagi davolash-profilaktika muassasalarining iqtisodchi va hisobchi xodimlari uchun o‘quv-seminar tashkil etildi.
🩺 Seminar davomida davlat tibbiy sug‘urtasi tizimini bosqichma-bosqich joriy etish jarayonlari, tibbiyot muassasalarida moliyaviy boshqaruvni takomillashtirish, byudjet mablag‘laridan samarali foydalanish, zamonaviy hisob-kitob va moliyalashtirish mexanizmlari, elektron tizimlar orqali moliyaviy hisobotlarni yuritish kabi muhim masalalar atroflicha muhokama qilindi.
Shuningdek, soha mutaxassislari tomonidan davlat tibbiy sug‘urtasi tizimida iqtisodchi va hisobchi xodimlarning o‘rni, tibbiy xizmatlar xarajatlarini tahlil qilish, moliyaviy intizomni kuchaytirish hamda tibbiyot muassasalarida shaffoflikni ta’minlash yuzasidan amaliy tavsiyalar berildi. Ishtirokchilar o‘zlarini qiziqtirgan savollarga mutaxassislardan batafsil javob oldilar va o‘zaro tajriba almashdilar.
🤝 O‘quv-seminar soha xodimlarining kasbiy bilim va ko‘nikmalarini yanada oshirish, davlat tibbiy sug‘urtasi tizimini amaliyotga samarali tatbiq etish hamda qaror ijrosini ta’minlashda muhim ahamiyat kasb etdi.
🏛 Seminar doirasida ishtirokchilarning madaniy-ma’rifiy dam olishini mazmunli tashkil etish maqsadida Islom sivilizatsiyasi markaziga tashrif uyushtirildi. Tashrif davomida ishtirokchilar markazda yaratilgan sharoitlar, yurtimizda islom sivilizatsiyasi va boy ma’naviy merosni keng targ‘ib etish borasida amalga oshirilayotgan ishlar bilan yaqindan tanishdilar. Markazda saqlanayotgan noyob qo‘lyozmalar, tarixiy manbalar va zamonaviy ekspozisiyalar qatnashchilarda katta taassurot qoldirdi.
🌿 Shuningdek, seminar qatnashchilari uchun Toshkent viloyatining xushmanzara va so‘lim maskanlariga sayohat ham tashkil etildi. Sayohat davomida ishtirokchilar tabiat qo‘ynida dam olib, jamoaviy muhitni mustahkamlash, o‘zaro do‘stona munosabatlarni kuchaytirish hamda ma’naviy hordiq chiqardilar.

Qo‘shtepa tumanidagi “Istiqlol” madaniyat markazida 12 may — Xalqaro hamshiralar kuniga bag‘ishlangan tantanali tadbir yuqori saviyada tashkil etildi.

Tadbirda tuman tibbiyot birlashmasi, sog‘liqni saqlash muassasalari rahbarlari, hamshiralar, soha faxriylari hamda jamoatchilik vakillari ishtirok etdi. Bayram tadbiri avvalida inson salomatligini saqlash yo‘lida fidokorona mehnat qilib kelayotgan hamshiralarning mashaqqatli va sharafli mehnati alohida e’tirof etildi.

So‘zga chiqqanlar tomonidan hamshiralar sog‘liqni saqlash tizimining tayanchi ekani, bemorlar dardiga malham bo‘lib, mehr va sadoqat bilan xizmat qilayotgani ta’kidlandi. Shuningdek, soha rivojiga munosib hissa qo‘shayotgan, o‘zining halol mehnati va kasbiga sadoqati bilan namuna bo‘layotgan bir guruh hamshiralar faxriy yorliq va kasaba uyushmasining esdalik sovg‘alari bilan taqdirlandi.

Tadbir davomida madaniyat va san’at xodimlari tomonidan tayyorlangan konsert dasturi namoyish etilib, kuy-qo‘shiqlar va dilrabo chiqishlar ishtirokchilarga ko‘tarinki kayfiyat ulashdi.

15 MAY – XALQARO OILA KUNI: SUYANCHIMIZ VA BAXTIMIZ MASKANI
Bundan 33 yil avval, ya’ni 1993 yilning 20 sentyabrida Birlashgan Millatlar Tashkiloti Bosh Assambleyasining yalpi yig‘ilishida insoniyat kelajagi uchun nihoyatda muhim bo‘lgan bir qaror qabul qilingan edi. Unga ko‘ra, 1994 yildan boshlab har yili 15 may sanasini butun dunyoda Xalqaro oila kuni (International Day of Families) sifatida keng nishonlash belgilandi.
BMT ushbu kunni ta’sis etarkan, dunyo hamjamiyati e’tiborini oila institutini asrash, uning muammolariga yechim topish va globallashuv davrida oilaviy qadriyatlarni himoya qilishga qaratdi. Zero, dunyoning qaysi nuqtasida bo‘lmaylik, oila — jamiyatning eng kichik, ammo eng muhim suyanich nuqtasidir.
O‘zbekona tafakkurda oila — muqaddas dargoh.
Biz uchun oila shunchaki ijtimoiy tushuncha emas. U — milliy o‘zligimiz, go‘zal urf-odatlarimiz va asrlar davomida shakllangan ma’naviyatimiz beshigidir. Otaning viqorli duosi, onaning mehr to‘la allasi, fayzli supa atrofidagi jamujamlik, kattalarga hurmat va kichiklarga izzat kabi eng sof qadriyatlarimiz aynan oila bag‘rida kurtak yozadi.
Bugungi tezkor zamonda bizni asrab qoladigan, ruhiy xotirjamlik va kuch beradigan yagona maskan ham aynan jipslik va mehr-oqibat ustuvor bo‘lgan oiladir. Oila mustahkam bo‘lsa — jamiyat barqaror bo‘ladi, jamiyat kuchli bo‘lsa — yurt tinch va qudratli bo‘ladi.
An’analarimiz hamisha barhayot, xonadonlarimiz esa mehr-muhabbatga to‘la bo‘lsin.
Xalqaro oila kuni barchamizga muborak bo‘lsin!

Gʻoliblar e’lon qilindi

“Hamshira — 2026” tanlovining respublika bosqichi g‘oliblari e’lon qilindi. Bu safar farg‘onalik hamshiralar turli yo‘nalishlarda ularning salohiyati va kasbiy mahorati yuqori baholandi.

Xususan, “Patronaj doya — ayol salomatligi tayanchi” tanlovi doirasida hamda “Yilning eng yaxshi o‘rta tibbiyot va farmasevtika xodimi” nominatsiyalari bo‘yicha g‘oliblar aniqlanib, munosib taqdirlandi.

O‘zbekiston tumani tibbiyot birlashmasi 78-son oilaviy poliklinika patronaj doyasi Nigoraxon Davronova “Eng yaxshi Bebbo mobil ilovasi targ‘ibotchisi” nominatsiyasi g‘olibi bo‘ldi.

Shuningdek, Respublika sud tibbiy ekspertiza ilmiy-amaliy markazi Farg‘ona filiali Qo‘qon tumanlararo sud tibbiy ekspertiza bo‘limi laboranti Muqaddasxon Rasulova “Yilning eng yaxshi laboranti” deb e’tirof etildi.

Faxriylarga ehtirom ko‘rsatildi

Uchko‘prik tuman tibbiyot birlashmasi kasaba uyushmasi qo‘mitasi ish beruvchi bilan hamkorlikda 9-may — Xotira va qadrlash kuni munosabati bilan faxriylar ishtirokida shukronalik tadbiri tashkil etildi.

“Shohona” tantanalar majmuasida tashkil etilgan bayram tadbirida soha rivojiga munosib hissa qo‘shgan, bugungi k***a esa keksalik gashtini surayotgan 300 nafardan ortiq mehnat faxriylari ishtirok etdi. Uchrashuv samimiy muloqot, ezgu xotiralar va e’tiborga boy muhitda kechdi.

Tadbir davomida nuroniylar o‘z mehnat faoliyati haqida so‘z yuritib, ilgarigi yillarda tibbiyot sohasida mavjud qiyinchiliklar, ayniqsa, tibbiy jihozlar va shart-sharoitlar yetishmaganini esladilar.

Bugungi k***a esa mamlakatimizda sog‘liqni saqlash tizimi tubdan yangilanib, zamonaviy tibbiy texnologiyalar va yuqori sifatli xizmatlar yo‘lga qo‘yilganini mamnuniyat bilan ta’kidladilar.

Shuningdek, faxriylar davlatimiz tomonidan nuroniylarga ko‘rsatilayotgan yuksak ehtirom va g‘amxo‘rlik, jumladan, kasaba uyushmasi qo‘mitasi tomonidan ularning holidan muntazam xabar olinayotgani, turli bayram va sana tadbirlariga taklif etilayotgani inson qadrini ulug‘lashning amaliy ifodasi ekanini qayd etdilar.

Tadbir doirasida yangragan dilbar kuy-qo‘shiqlar, milliy raqslar va sahna chiqishlari faxriylarga ko‘tarinki kayfiyat ulashdi.