Jizzax shahar Maktabgacha va maktab ta'lim bo'limi

⚡️Olimpiadamiz doirasida o'taziladigan Biologiya fanidan test 1-may kuni soat 08:00 dan boshlab orqali o'tkazish boshlanadi!

❗️Ushbu testda faol qatnashgan va testlarda belgilangan natijani ko'rsatgan o'quvchilar quyidagicha taqdirlanishadi!

⭐️ 26 – 30 ta — 3.000.000 so'm
⭐️ 21 – 25 ta — 2.000.000 so'm
⭐️ 16 – 20 ta — 1.500.000 so'm
⭐️ 11 – 15 ta — 1.000.000 so'm
miqdorida vaucher-pul mukofotlari va sertifikat bilan taqdirlanishadi!

Qolgan barcha ishtirokchilar "Ishtirok uchun sertifikat" va imtihonsiz o‘qishga kirish huquqini qo'lga kiritishadi!

⚡️Omad!
⭐️Fan javohirlari — kelajagingiz sari ilk qadam!

Jizzax shahar 1-son Bolalar musiqa va san'at maktabida maktab o‘quvchilari o‘rtasida “Turon maktab teatri” respublika ko‘rik-tanlovining shahar bosqichi bo‘lib o‘tdi.

Unda shahardagi barcha maktablardan 220 ga yaqin o‘quvchilar ishtirok etib, o‘zlarining ijodkorligi, sahna madaniyati va aktyorlik mahoratini namoyon etdilar.

Tanlovda Jizzax shahar 22-sonli umumiy o‘rta ta’lim maktabining “Iqtidor” jamoasi ham faol ishtirok etib, tayyorlagan sahna ko‘rinishi bilan hakamlar hay’ati va tomoshabinlarda katta taasurot qoldirdi.

Yakuniy natijalarga ko‘ra, “Iqtidor” jamoasi faxrli 1-o‘rinni egallab, tanlovning viloyat bosqichida ishtirok etish uchun yo‘llanmani qo‘lga kiritdi.

✨✨“ShAXMAT” INTELEKTUAL O‘YINI.

✅ Payshanba Yoshlar kuni kuni munosabati bilan Jizzax shahar voyaga yetmaganlar o’rtasida qonunbuzarliklarning oldini olish ularning bo'sh vaqtini mazmunli tashkil etish va iqtidorli yoshlarni ro‘yobga chiqarish, ularni qo‘llab-quvvatlash bo‘yicha ma'naviy-ma'rifiy tadbirlar o‘tkazilmoqda.

✅O‘zbekiston Respublikasi Prezidentining 2025 yil 18martagi PQ-110 son “Voyaga yetmaganlar o’rtasida qonunbuzarliklar profilaktikasi tizimini takomillashtirish bo’yicha qo’shimcha chora-tadbirlar to’g’risida”gi qarori ijrosini taʼminlash maqsadida o'quvchi yoshlar bilan turli tadbirlar o'tkazilmoqda.
✨Jumladan, Jizzax shahar inspektor psixologlari katta leytenant Sh.Xudayberdiyev hamda maktab maʼmuriyati hamkorlikda 31-sonli maktabda sinflar o'rtasida "Shaxmat" intelektual o'yini tashkil etildi.
✍️Mazkur shaxmat intelektual o‘yinida yoshlar o‘z bilim salohiyatlarini namoyish etishib bellashishdi.

🗣Jizzax yoshlari, biz siz tomon ketyapmiz!

27-fevral kuni Jizzax shahridagi O‘zbekiston Milliy Universiteti Jizzax filiali binosida faoliyatimizni yaqindan tanishtirish maqsadida tadbir tashkillashtirdik.

Ushbu tadbirimiz talabalar, yoshlar yetakchilari va startapga qiziquvchi barcha uchun mo'ljallangan.

Manzil: O‘zbekiston Milliy Universiteti, Jizzax filiali
Sana: 27-fevral

⚡️ Yoshlar Ventures - sen yarat, biz qanot beramiz! (https://t.me/yoshlarventures)

⚽️ “Maktabgacha va maktab ta’limi vaziri kubogi” — Jizzax shahrida sport shukuhi!

Yosh qizlar sport maydonida — g‘alaba sari dadil qadamlar bilan! 💪🔥

🏫 Musobaqaning tantanali ochilish marosimida Jizzax shahar maktabgacha va maktab ta’limi bo‘limi bosh mutaxassisi G'.Avazboyev so‘zga chiqib, ishtirokchilarga omad va zafarlar tiladi. U o‘z nutqida sport yoshlar hayotida muhim o‘rin tutishini, ayniqsa qizlar o‘rtasida sog‘lom turmush tarzini targ‘ib etishda bunday musobaqalar katta ahamiyat kasb etishini ta’kidladi.

Musobaqada shahardagi 5 ta umumta’lim maktabi jamoalari faol ishtirok etib, g‘alaba uchun munosib kurash olib bordi.

Maydonda haqiqiy sport ruhi, jamoaviy hamjihatlik va g‘alabaga bo‘lgan ishtiyoq hukm surdi. Har bir bahs keskin va murosasiz kechdi!

🏆 Yakuniy natijalarga ko‘ra:
🥇 1-o‘rin — 19-maktab qizlar jamoasi
🥈 2-o‘rin — 4-maktab qizlar jamoasi
🥉 3-o‘rin — 13-maktab qizlar jamoasi

G‘olib jamoalarni samimiy muborakbod etamiz! 👏 Ularning shijoati va matonati barchaga ibrat bo‘ldi.

“Maktabgacha va maktab ta’limi vaziri kubogi” musobaqasining Jizzax shahar bosqichi boʻlib oʻtdi

🖥Xabar berayotganimizdek, “Maktabgacha va maktab ta’limi vaziri kubogi” musobaqasining hududiy bosqichlari davom etmoqda.

🗣️Mazkur musobaqaning Jizzax shahar bosqichi umumta’lim muassasalarining 7–11-sinflarida tahsil olayotgan, 14–18 yoshdagi o‘quvchi qizlar faol ishtirok etdilar.

✔️
Musobaqaning asosiy maqsadi — o‘quvchi qizlar o‘rtasida ommaviy futbolni rivojlantirish, sog‘lom turmush tarzini mustahkamlash, ularning bo‘sh vaqtlarini mazmunli tashkil etish, shuningdek iqtidorli sportchi qizlarni aniqlashdan iborat.

✍️Jizzax viloyati maktabgacha va ta’limi boshqarmasi Axborot xizmati

KOMILOV SULTONXO‘JA TOSHEVICH

Jizzax viloyati maktabgacha va maktab ta'limi boshqarmasining 2025-yil 29-dekabrdagi 301-K sonli buyrug'iga ko'ra Jizzax shahar maktabgacha va maktab ta’limi bo‘limiga "Maktablar faoliyatini muofiqlashtirish" sho'basi boshlig'i-boshliq o'rinbosari lavozimiga tayinlandi.

Kelgusi faoliyatda muvaffaqiyat va barqaror natijalar tilaymiz.

Bizni kuzating:
Telegram (https://t.me/jizzaxshmmtb) 🌐 Facebook (https://www.facebook.com/share/1C2Ha4g6pG/)

Jizzax shahar maktabgacha va maktab ta’limi bo‘limi Axborot xizmati.