28/11/2024
Ikki adibning yubiley kechasi
Chortoq tumani koʻplab ijodkor ziyolilarga beshik boʻlgan zamin. Xususan, serqirra ijodkorlar Temur Toʻraboyev (Temur Bek) 70 yoshni, Muhammadali Mamatvaliyev (Muhammad Vali) esa 60 yoshni qarshiladilar. Ularning yubileylari munosabati bilan Chortoq tuman ixtisoslashtirilgan maktabida ijodiy kecha oʻtkazildi.
Tadbirda tuman hokimi Ilhomjon Sattarov ishtirok etib, yubiley sohiblarining mehnatlarini eʼtirof etib, ularga tashakkurnoma va sovgʻalar taqdim etdi. Shundan soʻng Respublika maʼnaviyat va maʼrifat markazi viloyat boʻlimi boshligʻi Musoxon Oppoqov, Yozuvchilar uyushmasi viloyat boʻlimi rahbari Ziyoviddin Mansurovlar adiblarga viloyat hokimining Tabriknoma hamda sovgʻalarini topshirishdi.
Yubilyarlarning hamkasblari, yaqinlari, doʻstlari, shogirdlari ularning ijodiy yoʻllari hamda muvaffaqiyatlarini taʼriflab, samimiy tilaklarini izhor etdilar.
Shuningdek tadbir davomida ijodkorlar maktab kutubxonasiga oʻzlarining asarlaridan sovga qilishdi.