Gʻijduvon tumani, 24-umumiy oʻrta taʼlim maktabi.

15/07/2026

https://www.youtube.com/watch?v=H3-b7vSe1hI

Buxoro MTRK rasmiy YouTube kanalidagi videoni tomosha qilmoqdasiz!...

06/07/2026

✅Dolzarb 90 kun” doirasida o‘quvchilarning bo‘sh vaqti mazmunli tashkil etilmoqda.

✅ G‘ijduvon tumani, 24-umumiy o‘rta ta’lim maktabida “Dolzarb 90 kun” loyihasi doirasida o‘quvchilarning yozgi ta’til davrini mazmunli o‘tkazish, ularning qiziqishi va iqtidorini rivojlantirish maqsadida turli fan, sport hamda ijodiy to‘garaklar tashkil etilgan.

✅ Xususan, shaxmat, Zakovat, informatika va dasturlash, tasviriy san’at hamda fan to‘garaklarida o‘quvchilar faol ishtirok etib, bilim va amaliy ko‘nikmalarini oshirmoqda.

✅ Shuningdek, maktabda 2026–2027-o‘quv yili uchun 1-sinfga onlayn qabul jarayonlari ham jadal davom etmoqda. Ota-onalarga farzandlarini belgilangan tartibda maktabga qabul qilish uchun elektron ariza topshirish imkoniyati yaratilgan.

✅ Bo‘sh vaqtning mazmunli tashkil etilishi va bolalarning ta’limga qamrovini kengaytirish — kelajak avlodning bilimli, faol va barkamol bo‘lib voyaga yetishiga xizmat qiladi.

🔴 G‘ijduvon tumani yangiliklarini kuzatishda davom eting!

28/06/2026

🌿♻️ TABIATGA E’TIBOR – KELAJAKKA G‘AMXO‘RLIK!

📍 2026-yil 27-iyun kuni G‘ijduvon tumanidagi 24-son umumta’lim maktabida o‘quvchi yoshlarning yozgi ta’til davridagi bo‘sh vaqtlarini mazmunli tashkil etish hamda “Dolzarb 90 kunlik” dasturi doirasida ekologik plogging aksiyasi yuqori saviyada tashkil etildi.

🌱 Mazkur aksiya davomida ko‘ngilli maktab o‘quvchilari jamoalari atrof-muhitni asrash, ekologik madaniyatni yuksaltirish va yurtimiz obodligiga munosib hissa qo‘shish maqsadida ko‘chalar, piyodalar yo‘laklari, ariqlar hamda jamoat hududlarini chiqindilardan tozalash ishlarida faol ishtirok etdilar.

💚 Tadbir nafaqat hududlarning obodonlashishiga xizmat qildi, balki o‘quvchilarda tabiatga mehr, ekologik mas’uliyat, jamoa bo‘lib ishlash, volontyorlik faoliyati va fuqarolik mas’uliyati kabi muhim fazilatlarni yanada mustahkamlashga xizmat qildi.

🌍 Bunday ekologik tashabbuslar orqali yosh avlodni tabiatni asrash, atrof-muhit musaffoligini ta’minlash va ekologik muammolarga befarq bo‘lmaslik ruhida tarbiyalashga alohida e’tibor qaratilmoqda.

✨ Toza muhit – sog‘lom hayot garovi!
Yoshlarimizning ezgu tashabbuslari va ekologik madaniyatni yuksaltirish yo‘lidagi sa’y-harakatlari kelajak avlod uchun yanada musaffo va obod Vatan barpo etishga xizmat qiladi.



📌 G‘ijduvon tuman MMTB
📲 Telegram | Facebook | YouTube (http://t.me/mmtbinfo)

29/04/2026

🏆 YOSHLAR OVOZI – 2026 TANLOVIDA YUQORI NATIJA!

G‘ijduvon tumanida o‘tkazilgan “Yoshlar ovozi” tanlovining tuman bosqichida maktabimiz o‘quvchilari faol ishtirok etib, munosib natijalarga erishdilar.

🥇 Xususan, maktabimizning 9-A sinf o‘quvchisi Ro‘ziyev Firdavs tanlovda yuqori mahorat ko‘rsatib, 1-o‘rinni qo‘lga kiritdi va diplom hamda esdalik sovg‘alari bilan taqdirlandi.

🎤 Ushbu muvaffaqiyat — o‘quvchimizning iste’dodi, mehnati va ustozlarining samarali faoliyati natijasidir.

🎁 Tadbir davomida g‘olib va sovrindorlar diplomlar hamda qimmatbaho sovg‘alar bilan taqdirlandilar.

👏 Ro‘ziyev Firdavsni ushbu yutuq bilan samimiy tabriklaymiz va kelgusi bosqichlarda ham ularga ulkan zafarlar tilaymiz!

18/04/2026

Ma’lumki, 2025-yil 15-sentabr kuni Davlatimiz rahbari ta’lim tizimi xodimlari bilan uchrashuv o‘tkazib, pedagoglarni qo‘llab-quvvatlashga qaratilgan qator yangi tashabbuslarni ilgari surgan edi. 🎓 Ushbu tashabbuslar doirasida o‘qituvchilar uchun 8 ta muhim imtiyoz joriy etilishi belgilangan bo‘lib, ulardan biri davlat xizmatlari uchun to‘lovlarni ikki baravar kamaytirish masalasiga taalluqli edi. 📉

2026-yil 17-aprel kuni qabul qilingan Vazirlar Mahkamasining 175-sonli qarori bilan amaldagi ayrim hukumat qarorlariga o‘zgartirish va qo‘shimchalar kiritildi. 📜 Ushbu yangiliklarga muvofiq, ta’lim muassasalarida mehnat shartnomasi asosida faoliyat yuritayotgan pedagog xodimlar uchun ayrim davlat xizmatlari qiymati umumiy narxning 50 foizi miqdorida belgilandi. 💰

Endilikda pedagog kadrlarni navbatdan tashqari attestatsiyadan o‘tkazish uchun to‘lov avvalgidek bazaviy hisoblash miqdorining to‘liq bir baravari emas, balki uning yarmi — ya’ni 50 foizi miqdorida undiriladi. ✅

Ayni paytda bazaviy hisoblash miqdori 412 ming so‘mni tashkil etadi. Shundan kelib chiqib, pedagoglar navbatdan tashqari attestatsiyada ishtirok etish uchun 206 ming so‘m to‘lov amalga oshiradilar. 🧮

Bundan tashqari, pedagog xodimlar uchun quyidagi davlat xizmatlari narxlari ham ikki baravar kamaytirildi: 📝

• ko‘chmas mulk obyektlari bo‘yicha davlat kadastri xizmatlari; 🏠
• muhandislik-kommunikatsiya tarmoqlariga ulanish xizmatlari; 🔌
• umumta’lim fanlari bo‘yicha bilim darajasini aniqlash va sertifikat berish xizmatlari; 🎓
• traktorchi-mashinist guvohnomasini olish uchun imtihonga ruxsat berish xizmatlari; 🚜
• rasmiy hujjatlarga apostil qo‘yish xizmatlari va boshqa turdagi davlat xizmatlari. 📄

Yanada qiziqarli ma'lumotlar uchun:👇

🔗Guruh: (https://t.me/menejerBB1)

🔗Kanal: (https://t.me/menejerBB)

09/04/2026

🌸 Maktabimizda bahor nafasi 🌿

Buxoro viloyati G‘ijduvon tumani 24-son umumiy o‘rta ta’lim maktabida bahor o‘zining go‘zal manzaralari va iliq kayfiyati bilan hukm surmoqda.

Yashnab borayotgan nihollar, gullarga burkangan hudud va quvonch bilan maktab sari intilayotgan o‘quvchilar — bularning barchasi bahorning eng chiroyli ifodasidir.

Bugun maktabimizda hamma xursand, yuzlarda tabassum, qalblarda esa ishonch va intilish mujassam.

🌱 Har bir yashil nihol — yangilanish ramzi
📚 Har bir dars — kelajak sari muhim qadam
😊 Har bir o‘quvchi — umid va ishonch timsoli

Eng asosiysi — yurtimiz tinch, osmonimiz musaffo. Ana shunday osoyishta muhitda ulg‘ayayotgan yoshlar — Yangi O‘zbekistonning eng katta boyligidir.

Maktabimizda bahor nafaqat tabiatda, balki qalblarda ham yashamoqda.

🌿 Bahor — bu yangilanish, bahor — bu kelajak!



📱

31/03/2026

✅ 24-maktabda profilaktik uchrashuv o‘tkazildi

🏪G‘ijduvon tumani 24-umumiy o‘rta ta’lim maktabida o‘quvchi-yoshlar ishtirokida profilaktik uchrashuv tashkil etildi. Unda ichki ishlar organlari xodimlari, maktab ma’muriyati va pedagoglar qatnashdi.

🎯Uchrashuvning asosiy maqsadi — yoshlarni giyohvandlik illatidan asrash, ular orasida giyohvandlik vositalarining tarqalishini oldini olish hamda bu borada ogohlikni kuchaytirishdan iborat bo‘ldi.

📹Tadbir davomida mavzuga oid videoroliklar namoyish etilib, o‘quvchilarga tushunarli va ta’sirchan tarzda zarur ma’lumotlar yetkazildi. Shuningdek, profilaktik mazmundagi tarqatma materiallar tarqatildi hamda mutaxassislar tomonidan giyohvandlikning salbiy oqibatlari, uning huquqiy javobgarligi haqida batafsil tushuntirishlar berildi.

✅Mazkur uchrashuv yoshlar ongida sog‘lom turmush tarzini shakllantirish, ularni zararli odatlardan himoya qilish hamda jamiyatda barqaror va xavfsiz muhitni mustahkamlashga xizmat qiladi.







📱

31/03/2026

🏆 “Besh tashabbus olimpiadasi” — Kalon mahalla bosqichi

Kalon mahallasida yoshlar o‘rtasida “Besh tashabbus olimpiadasi” doirasida sport musobaqalari tashkil etildi. Tadbir Kalon mahalla yoshlar yetakchisi hamda maktab hamkorligida yuqori saviyada o‘tkazildi.

Mazkur bosqichda ishtirokchilar:
🏀 stritbol (ko‘cha basketboli)
🎯 xalq o‘yinlari

yo‘nalishlari bo‘yicha bellashib, o‘zlarining jismoniy tayyorgarligi, chaqqonligi va jamoaviylik ko‘nikmalarini namoyon etdilar.

Musobaqalar davomida yoshlar o‘rtasida sog‘lom turmush tarzini targ‘ib etish, ularning bo‘sh vaqtini mazmunli tashkil qilish hamda iqtidorli sportchilarni aniqlashga alohida e’tibor qaratildi.

🔥 Bellashuvlar murosasiz va ko‘tarinki ruhda o‘tdi!

📌 Mazkur tadbir yoshlarning jismoniy va ma’naviy kamolotini ta’minlashda muhim ahamiyat kasb etadi.



📱

31/03/2026

Kalon mahallasida maktabga olib keluvchi transport vositalari uchun serqatnov bo‘lgan ko‘prik mahalla faollari hamda homiylar tomonidan kengaytirilib, ta’mirlandi.

Shu bilan birga, piyodalar harakati xavfsizligini ta’minlash maqsadida alohida piyodalar ko‘prigi ham barpo etildi. Mazkur ishlar natijasida o‘quvchilar hamda mahalla aholisi uchun qulay va xavfsiz sharoit yaratildi.

Bunday ezgu tashabbuslar mahallamiz obodligi va fuqarolar farovonligini ta’minlashda muhim ahamiyat kasb etadi.

🤝 Ushbu xayrli ishda ishtirok etgan barcha mahalla faollari va homiylarga chuqur minnatdorlik bildiramiz.