Shkolla Shqipe "Arbëria" - Albanian Language School

Sot në Byrek Fest të organizuar bukur nga Komuniteti Shqiptar në Illinois-Albanian Community of Illinois , zemrat tona na nderuan me kërcimet e tyre.

Camilla dhe Albana na nxorrën mallin me këngët korçare, dhe tryeza kolonjare e Edës ishte mrekullia vetë si nga gatimet edhe zbukurimet!

Faleminderit AACI që mblodhët së bashku komunitetin në këtë ditë të këndshme!
Gëzuar!

Fundjavën e kaluar, nxënësit tanë morën me krenari diplomat e tyre, ndërsa festuam përfundimin e vitit shkollor me piknikun tonë tradicional. Ishte një ditë e mbushur me argëtim, të qeshura dhe frymë komunitare—nga face painting dhe water balloons, deri te loja jonë “Vendose Kravatën Babait” si një festim i hershëm i Ditës së Babait. Dhe sigurisht, nuk mungoi vallëzimi gjatë gjithë ditës!

Një falënderim i veçantë për të gjitha familjet tona për ushqimet dhe ëmbëlsirat e mrekullueshme që sollët për t’i ndarë me të gjithë. Bujaria dhe mbështetja juaj i bëjnë këto aktivitete kaq të veçanta dhe të paharrueshme.

Dëshirojmë gjithashtu të shprehim mirënjohjen tonë më të sinqertë për mësuesit dhe stafin tonë të jashtëzakonshëm për një tjetër vit të mrekullueshëm përkushtimi, pune të palodhur dhe angazhimi ndaj nxënësve tanë dhe misionit të shkollës. Ju faleminderit që ndihmoni në ruajtjen dhe promovimin e gjuhës, kulturës dhe traditave shqiptare për brezat e ardhshëm.

I urojmë të gjithë nxënësve dhe familjeve tona një verë të lumtur dhe të qetë. Presim me padurim t’ju shohim përsëri në shtator, kur do të nisim një kapitull të veçantë—vitin tonë të 20-të si shkollë! 🇦🇱

“To the moms who color our world”
Disa nga mamat e Shkollës, të këtij dhe të viteve të mëparshme, me rastin e Mother’s Day, organizuan një mbrëmje të këndshme pikturash në Pinot’s Palette.
Në mes fushave me lavender, muzikë, gota vere, trëndafilash dhe një shoqërie të mirë 🎨🍷🌹
Me këto talente që kemi nuk ka pse të mos kalojmë të tjera mbrëmje të tilla 😄
Falenderojmë Ildin për idenë e parë dhe Rezartën për organizimin 😊